Gwaith Arolygiaeth Gofal Iechyd Cymru

Mae Pwyllgor Iechyd a Gofal Cymdeithasol Cynulliad Cenedlaethol Cymru wedi cynnal ymchwiliad byr i waith Arolygiaeth Gofal Iechyd Cymru.

Roedd cylch gorchwyl yr ymchwiliad yn canolbwyntio ar:

• Pa mor effeithiol yw Arolygiaeth Gofal Iechyd Cymru wrth gyflawni ei phrif swyddogaethau a chyfrifoldebau statudol.
• Swyddogaethau ymchwilio ac archwilio Arolygiaeth Gofal Iechyd Cymru, yn benodol ei chyfrifoldebau o ran sicrhau bod gan gleifion fynediad i wasanaethau diogel ac effeithiol, a pha mor ymatebol ydyw i achosion o bryder difrifol a methiannau systematig.
• Datblygiad ac atebolrwydd cyffredinol Arolygiaeth Gofal Iechyd Cymru, gan gynnwys a yw’r sefydliad yn addas i’r diben.
• Pa mor effeithiol yw perthnasau gwaith, gan ganolbwyntio ar gydweithio a rhannu gwybodaeth rhwng Arolygiaeth Gofal Iechyd Cymru, rhanddeiliaid allweddol a chyrff adolygu eraill.
• Ystyried rôl Arolygiaeth Gofal Iechyd Cymru o ran cryfhau llais cleifion a’r cyhoedd yn y ffordd y caiff gwasanaethau iechyd eu hadolygu.
• Trefniadau diogelu, yn benodol trin chwythu’r chwiban a gwybodaeth am gwynion.

Mae’r ymgynghoriad nawr wedi cau.