Ymchwiliad i rôl, llywodraethiant ac atebolrwydd y sector cynghorau tref a chymuned

Mae’r Pwyllgor Llywodraeth Leol a Thai wedi cytuno i gynnal ymchwiliad i rôl, llywodraethiant ac atebolrwydd y sector cynghorau tref a chymuned

Y cylch gorchwyl ar gyfer yr ymchwiliad yw archwilio:

>>>> 

>>>Rôl a gwerth cynghorau cymuned a thref yng Nghymru;

>>>A yw'r sector yn addas i’r diben mewn tirwedd llywodraeth leol sy'n esblygu;

>>>Trefniadau llywodraethu a chraffu a'u heffaith ar atebolrwydd a thryloywder;

>>>Capasiti technoleg ddigidol a thechnoleg newydd i wella prosesau gwneud penderfyniadau, darparu gwasanaethau ac annog cyfranogiad mewn prosesau democrataidd lleol; a

>>>Sut y mae pwerau a chyfrifoldebau newydd ar gyfer yr haen hon o lywodraeth yn cael eu defnyddio i gefnogi cymunedau.

<<<

Sut i roi eich barn

I roi eich barn yn electronig, anfonwch neges e-bost at SeneddTai@senedd.cymru, neu drwy'r post at y Pwyllgor Llywodraeth Leol a Thai, Senedd Cymru, Caerdydd, CF99 1SN.

Cyflwyno Tystiolaeth Ysgrifenedig

Mae gan y Senedd ddwy iaith swyddogol, sef Cymraeg a Saesneg.

Yn unol â Chynllun Ieithoedd Swyddogol y Senedd, mae'r Pwyllgor yn yn  croesawu cyfraniadau yn y naill neu’r llall o’n hieithoedd swyddogol, neu’r ddwy, a gofynnwn i sefydliadau sy’n ddarostyngedig i Safonau’r Gymraeg neu gynlluniau iaith Gymraeg ymateb yn unol â’u rhwymedigaethau eu hunain. Rhowch wybod i’r Pwyllgor wrth gyflwyno ymatebion os ydych yn bwriadu darparu cyfieithiad yn ddiweddarach.

Gweler y canllawiau ar gyfer y sawl sy’n cyflwyno tystiolaeth I bwyllgor.

Datgelu gwybodaeth

Gwnewch yn saff eich bod wedi ystyried polisi’r Senedd o ran datgelu gwybodaeth cyn cyflwyno gwybodaeth i’r Pwyllgor.