Strategaeth Ryngwladol Llywodraeth Cymru

Strategaeth Ryngwladol Llywodraeth Cymru

 

Bydd Strategaeth Ryngwladol 2020 Llywodraeth Cymru a chynlluniau gweithredu cysylltiedig yn dod i ben yn 2025.

 

Bydd y Pwyllgor Diwylliant, Cyfathrebu, y Gymraeg, Chwaraeon, a Chysylltiadau Rhyngwladol yn ystyried effaith y strategaeth a dull Llywodraeth Cymru o ymdrin â chysylltiadau rhyngwladol y tu hwnt i 2025.

 

Bydd y Pwyllgor yn edrych yn fanwl ar faterion fel:

>>>> 

>>>Llwyddiant y Strategaeth Ryngwladol a blaenoriaethau ar gyfer cysylltiadau rhyngwladol Llywodraeth Cymru y tu hwnt i 2025.

>>>Sut mae perthnasoedd â blaenoriaeth Llywodraeth Cymru yn cyd-fynd â nodau ac amcanion y strategaeth.

>>>Argaeledd gwybodaeth yn ymwneud â gweithgareddau rhyngwladol Llywodraeth Cymru a chyflawniad y strategaeth.

>>>Dull Llywodraeth Cymru yn y dyfodol o ran cysylltiadau rhyngwladol Cymru.

>>>Sut y darperir adnoddau ar gyfer gweithgarwch cysylltiadau rhyngwladol Llywodraeth Cymru.

<<<< 

 

Dogfennau:

>>>> 

>>>Strategaeth ryngwladol

>>>Cynlluniau gweithredu rhyngwladol

<<<< 

 

Byddem yn eich annog i gadw eich cyflwyniad yn gryno a chanolbwyntio ar y pwyntiau allweddol yr hoffech dynnu sylw'r Pwyllgor atynt. Nid oes angen ichi ateb bob cwestiwn oni bai eich bod am wneud hynny.

 

Rydym am sicrhau bod ein gwaith yn cael ei lywio gan brofiadau, anghenion a safbwyntiau sy'n adlewyrchu amrywiaeth y bobl a chymunedau y mae'r materion hyn yn effeithio arnynt.

 

Rydym yn annog unrhyw un sydd ag arbenigedd neu brofiad o'r materion hyn i rannu eich safbwyntiau, gan wybod yn iawn y bydd eich barn yn cael ei chroesawu a'i gwerthfawrogi.

 

Cliciwch yma am yr ymgynghoriad

 

Y dyddiad cau ar gyfer cyflwyniadau yw dydd Gwener, 13 Rhagfyr 2024.

 

Cyflwyno Tystiolaeth Ysgrifenedig

 

Mae gan y Senedd ddwy iaith swyddogol, sef Cymraeg a Saesneg.

 

Yn unol â Chynllun Ieithoedd Swyddogol y Senedd, mae'r Pwyllgor yn yn  croesawu cyfraniadau yn y naill neu’r llall o’n hieithoedd swyddogol, neu’r ddwy, a gofynnwn i sefydliadau sy’n ddarostyngedig i Safonau’r Gymraeg neu gynlluniau iaith Gymraeg ymateb yn unol â’u rhwymedigaethau eu hunain. Rhowch wybod i’r Pwyllgor wrth gyflwyno ymatebion os ydych yn bwriadu darparu cyfieithiad yn ddiweddarach.

 

Gweler y canllawiau ar gyfer y sawl sy’n cyflwyno tystiolaeth i bwyllgor.

 

Datgelu gwybodaeth

 

Gwnewch yn saff eich bod wedi ystyried polisi’r Senedd o ran datgelu gwybodaeth cyn cyflwyno gwybodaeth i’r Pwyllgor.