Bil Deddfwriaeth (Gweithdrefn, Cyhoeddi a Diddymiadau) (Cymru)

Mae’r Bil Deddfwriaeth (Gweithdrefn, Cyhoeddi a Diddymiadau) (Cymru) wedi cael ei gyfeirio at y Pwyllgor Deddfwriaeth, Cyfiawnder a’r Cyfansoddiad ar gyfer gwaith craffu Cyfnod 1 ar egwyddorion cyffredinol y Bil.

 

Mae’r wybodaeth ar y dudalen hon yn rhoi mwy o fanylion am yr hyn y mae’r Pwyllgor yn edrych arno a sut y gallwch rannu’ch barn. Mae’r holl wybodaeth hefyd ar gael i’w lawrlwytho fel dogfen Microsoft Word. Mae gwybodaeth am sut i ddefnyddio’r opsiynau hygyrchedd yn y fersiwn Microsoft Word ar gael mewn dogfen eglurhaol.

 

Cylch gorchwyl

Mae’r Pwyllgor yn ystyried:

>>>> 

>>>egwyddorion cyffredinol y Bil ac a oes angen deddfwriaeth er mwyn cyflawni’r amcanion polisi a nodwyd;

>>>unrhyw rwystrau posibl i weithredu darpariaethau’r Bil, ac a yw’r Bil a’r Memorandwm Esboniadol a’r Asesiad Effaith Rheoleiddiol sy’n cyd-fynd ag ef yn rhoi ystyriaeth ddigonol iddynt;

>>>a oes unrhyw ganlyniadau anfwriadol yn deillio o’r Bil;

>>>asesiad Llywodraeth Cymru o effeithiau ariannol ac effeithiau eraill y Bil;

>>>pa mor briodol yw’r pwerau yn y Bil i Weinidogion Cymru wneud is-ddeddfwriaeth;

>>>materion yn ymwneud â chymhwysedd y Senedd, gan gynnwys a yw darpariaethau’r Bil yn gydnaws â’r Confensiwn Ewropeaidd ar Hawliau Dynol;

>>>y cydbwysedd rhwng y wybodaeth sydd ar wyneb y Bil a hynny sydd wedi’i adael i is-ddeddfwriaeth;

>>>unrhyw fater sy’n ymwneud ag ansawdd y ddeddfwriaeth; a

>>>unrhyw fater arall sy’n ymwneud â goblygiadau cyfansoddiadol neu oblygiadau eraill y Bil.

 

Gwybodaeth am y Bil

Os caiff ei basio, bydd y Bil Deddfwriaeth (Gweithdrefn, Cyhoeddi a Diddymiadau) (Cymru) yn:

>>>> 

>>>tynnu ynghyd a ffurfioli:

>*>*>*

***y trefniadau gweithdrefnol ar gyfer gwneud is-ddeddfwriaeth Cymru; a

***y gofynion ar gyfer cyhoeddi Deddfau Senedd Cymru ac offerynnau statudol Cymreig, ac is-ddeddfwriaeth arall nas gwneir drwy offeryn statudol.

<*<*<*

>>>gwella hygyrchedd cyfraith Cymru drwy:

>*>*>*

***ddiddymu, diwygio a datgymhwyso fel arall o ran Cymru ddarpariaethau a deddfiadau nad ydynt o ddefnyddioldeb ymarferol neu o fudd mwyach; a

***gwneud mân ddiwygiadau i Ddeddf Deddfwriaeth (Cymru) 2019.

<*<*<*

<<< 

 

Mae rhagor o fanylion am y Bil yn y Memorandwm Esboniadol cysylltiedig.

 

Sut i rannu’ch barn

Rydym am sicrhau bod ein gwaith yn cael ei lywio gan brofiadau, anghenion a safbwyntiau sy’n adlewyrchu amrywiaeth y bobl a chymunedau y mae’r materion hyn yn effeithio arnynt.

 

Rydym yn annog unrhyw un sydd ag arbenigedd neu brofiad o’r materion hyn i rannu’’ch barn, gan wybod yn iawn y bydd eich barn yn cael ei chroesawu a’i gwerthfawrogi.

 

I rannu eich barn yn electronig, dylech ei anfon at SeneddDCC@senedd.cymru, neu drwy’r post at:

 

Y Pwyllgor Deddfwriaeth, Cyfiawnder a’r Cyfansoddiad,
Senedd Cymru,
Caerdydd,
CF99 1SN

 

Y dyddiad cau ar gyfer cyflwyno sylwadau yw 16.00 ar ddydd Gwener 6 Rhagfyr 2024.

 

Ynghyd â’ch cyflwyniad, dylech ddarparu’r wybodaeth a ganlyn:

>>>> 

>>>Eich enw a’ch manylion cyswllt fel y person neu’r sefydliad sy’n cyflwyno’r dystiolaeth.

>>>A yw’ch tystiolaeth yn cael ei chyflwyno gan unigolyn neu ar ran sefydliad.

>>>Os ydych yn cyflwyno tystiolaeth fel unigolyn, cadarnhad eich bod dros 18 mlwydd oed.

>>>Os ydych o dan 13 mlwydd oed, cadarnhad bod eich rhiant neu’ch gwarcheidwad yn caniatáu i chi gymryd rhan (gellir gwneud hyn drwy’r e-bost).

>>>Gallwch nodi y byddai’n well gennych i’ch enw beidio â chael ei gyhoeddi ochr yn ochr â’ch tystiolaeth (ni fydd enwau unigolion dan 18 oed yn cael eu cyhoeddi).

>>>Gallwch nodi yr hoffech i’r Pwyllgor drin eich holl dystiolaeth ysgrifenedig, neu unrhyw ran ohoni, yn gyfrinachol, gan roi rhesymau dros hynny.

>>>Os ydych wedi cyfeirio at drydydd parti yn eich tystiolaeth, fel rhiant, priod neu berthynas, rhaid i chi gadarnhau eu bod wedi cytuno y cewch rannu gwybodaeth y gellir ei defnyddio i’w hadnabod a’u bod yn deall y caiff ei chyhoeddi.

<<< 

 

Cyflwyno Tystiolaeth Ysgrifenedig

Mae gan y Senedd ddwy iaith swyddogol, sef Cymraeg a Saesneg.

 

Yn unol â Chynllun Ieithoedd Swyddogol y Senedd, mae'r Pwyllgor yn yn  croesawu cyfraniadau yn y naill neu’r llall o’n hieithoedd swyddogol, neu’r ddwy, a gofynnwn i sefydliadau sy’n ddarostyngedig i Safonau’r Gymraeg neu gynlluniau iaith Gymraeg ymateb yn unol â’u rhwymedigaethau eu hunain. Rhowch wybod i’r Pwyllgor wrth gyflwyno ymatebion os ydych yn bwriadu darparu cyfieithiad yn ddiweddarach.

 

Gweler y canllawiau ar gyfer y sawl sy’n cyflwyno tystiolaeth I bwyllgor.

 

Datgelu gwybodaeth

Gwnewch yn saff eich bod wedi ystyried polisi’r Senedd o ran datgelu gwybodaeth cyn cyflwyno gwybodaeth i’r Pwyllgor.