Ymgynghoriad

Mae Pwyllgor Plant, Pobl Ifanc ac Addysg Cynulliad Cenedlaethol Cymru yn cynnal ymchwiliad i waith athrawon cyflenwi.

Mae gan y Pwyllgor ddiddordeb mewn clywed am:

• Gyffredinolrwydd y defnydd o athrawon cyflenwi, wedi’i gynllunio a heb ei gynllunio;
• Yr amgylchiadau pan ddefnyddir athrawon cyflenwi (gan gynnwys pwy sy’n eu defnyddio; yr amgylchiadau pan y’u defnyddir; y math o weithgareddau dysgu sy’n digwydd dan oruchwyliaeth athrawon cyflenwi; a ydynt yn gymwys i ddysgu pynciau perthnasol);
• Yr effaith ar ganlyniadau disgyblion o ganlyniad i ddefnyddio athrawon cyflenwi (gan gynnwys unrhyw effaith ar ymddygiad disgyblion);
• Datblygiad Proffesiynol Parhaus athrawon cyflenwi ac effaith bosibl y Model Dysgu Proffesiynol Cenedlaethol;
• Rheoli perfformiad athrawon cyflenwi;
• A oes gan awdurdodau lleol a chonsortia rhanbarthol ddigon o oruchwyliaeth dros y defnydd o athrawon cyflenwi;
• Amrywiaeth leol a rhanbarthol yn y defnydd o athrawon cyflenwi;
• Asiantaethau cyflenwi a sicrhau ansawdd;
• Unrhyw faterion penodol yn ymwneud ag addysg cyfrwng Cymraeg.

Gwahoddiad i gyfrannu at yr ymchwiliad

Hoffai'r Pwyllgor eich gwahodd i gyflwyno tystiolaeth ysgrifenedig i gynorthwyo ei waith o graffu ar yr ymchwiliad. Yn benodol, byddem yn croesawu eich sylwadau ar y cwestiynau a restrir ar y ffurflen atodedig, y dylid ei defnyddio i gyflwyno eich tystiolaeth.

Arolwg

Fel rhan o'r ymchwiliad, byddai'r Pwyllgor yn hoffi gwybod a yw'r defnydd o athrawon cyflenwi yn effeithio ar ddisgyblion, ac os ydyw, pa effaith a gaiff. Mae’r Pwyllgor wedi paratoi arolwg ar gyfer pobol ifanc ac arolwg ar wahan ar gyfer rhieni a gofalwyr.

Arolwg ar gyfer pobol ifanc: https://www.surveymonkey.com/s/pi-gwaith-athrawon-cyflenwi

Arolwg ar gyfer rhieni a gofalwyr: https://www.surveymonkey.com/s/ymchwiliad-i-waith-athrawon-cyflenwi

Datgelu gwybodaeth

Mae rhagor o fanylion am sut y byddwn yn defnyddio eich gwybodaeth yn www.cynulliad.cymru/cy/help/privacy/help-inquiry-privacy.htm. Gofalwch eich bod yn ystyried y manylion hyn yn ofalus cyn cyflwyno gwybodaeth i'r Pwyllgor. Neu, mae copi caled o'r polisi hwn i'w gael drwy gysylltu â'r Clerc