Agenda

Mae penwythnos preswyl cyntaf trydydd tymor y Senedd Ieuenctid Cymru yn cael ei gynnal 21 - 23 Chwefror 2025. Bydd y cyfarfod llawn yn cael ei gynnal yn y Senedd ym Mae Caerdydd a dyma fydd y cyfle cyntaf i'r 60 o Aelodau Senedd Ieuenctid Cymru (ASIC) drafod y materion sydd bwysicaf iddynt. Hefyd, bydd pleidlais ar ddiwedd y cyfarfod er mwyn i’r Aelodau ddewis pa dri mater yr hoffent flaenoriaethu dros eu tymor.

Caiff y Cyfarfod Llawn ei gadeirio gan y Llywydd, Elin Jones AS a Paul Davies AS, a bydd yn cymryd lle rhwng 10.00 ac 14.00 ar 22 Chwefror. Mae croeso i chi wylio’r cyfarfod o’r oriel gyhoeddus yn y Senedd neu gallwch wylio ar-lein ar https://senedd.tv. Bydd gwybodaeth hefyd ar gael ar ein cyfryngau cymdeithasol.

I gael rhagor o wybodaeth, e-bostiwch helo@seneddieuenctid.cymru.