Agenda a chofnodion drafft
Lleoliad: Ystafell Gynadledda A - Tŷ Hywel. Cyfarwyddiadau
Cyswllt: Daniel Hurford
Rhif | Eitem |
---|---|
Cyflwyniad y Cadeirydd (13.30 - 13.40) Papur 1 – Cofnodion
y cyfarfod a gynhaliwyd ar 12 Hydref Cofnodion: § Croesawodd y Cadeirydd bawb i’r cyfarfod.
Ymunodd Mike Redhouse yn rhithwir. § Cyflwynodd y Cadeirydd Kate Innes, Prif
Swyddog Cyllid Comisiwn y Senedd, i'r Bwrdd. § Cytunwyd ar gofnodion cyfarfod 12 Hydref. Cam i’w gymryd: § Bydd Ysgrifenyddiaeth y Bwrdd yn cyhoeddi
cofnodion y cyfarfod a gynhaliwyd ar 12 Hydref – mae'r cofnodion wedi'u cyhoeddi. |
|
Diweddariad Economaidd (13.40 - 14.00) Papur 2 – Rhagolygon
Economaidd Cofnodion:
Penderfyniad:
|
|
Diweddariad ar Adolygiad Thematig y PPSA (14.00 - 14.15) Papur 3 – Diweddariad
ar yr Adolygiad Thematig o’r Lwfans i Bleidiau Gwleidyddol Cofnodion:
Penderfyniad:
Cam i’w gymryd:
|
|
Diweddariad ar yr Adolygiad Staffio (14.15 - 14.30) Papur 4 – Diweddariad
ar yr Adolygiad o Gyflogau a Graddfeydd Staff Cofnodion:
|
|
Diweddariad ar y Cyflog Byw Gwirioneddol (10.30 - 10.45) Papur 5 – Goblygiadau’r
Cyflog Byw Gwirioneddol i lefelau cyflog Aelodau o’r Senedd Cofnodion: § Nododd y Bwrdd y cynnydd yn y gyfradd Cyflog
Byw Gwirioneddol i £12 yr awr, fel y'i cyfrifwyd gan y Resolution Foundation ac a gyhoeddir yn flynyddol gan y Sefydliad Cyflog Byw. § Trafododd y Bwrdd yr opsiynau sydd ar gael
iddo i fynd i'r afael â'r cynnydd yn y Cyflog Byw Gwirioneddol. Penderfyniad: § Cytunodd y Bwrdd i fynd i'r afael â'r mater
hwn fel a ganlyn: -
Darparu
ar gyfer codiad dros dro i Bwynt Cyflog 1 Band 3 i lefel y Cyflog Byw
Gwirioneddol o 1 Rhagfyr 2023 hyd 31 Mawrth 2024. Mae hyn yn codi Pwynt Cyflog
1 Band 3 i £23,088. Bydd y newid hwn yn cael ei adlewyrchu yn nhaliadau cyflog
mis Rhagfyr ar gyfer y rhai yr effeithir arnynt. -
Darparu
ar gyfer taliad unwaith ac am byth i Staff Cymorth a dderbyniodd gyflog Pwynt
Cyflog 1 Band 3 ym mis Tachwedd 2023, wedi’i gyfrifo’n unigol ar gyfer pob
aelod o staff, sy’n hafal â’r gwahaniaeth rhwng y cyflog a dderbyniwyd ar gyfer
Tachwedd 2023 a’r cyflog a fyddai wedi’i dderbyn pe bai’r Cyflog Byw
Gwirioneddol wedi’i gymhwyso o 1 Tachwedd 2023. Bydd hyn yn cael ei gynnwys yn
nhaliadau cyflog mis Rhagfyr. Effaith hyn yw y bydd staff yn derbyn taliadau
fel pe baent yn cael eu talu ar lefel y Cyflog Byw Gwirioneddol o 1 Tachwedd. § Nododd y Bwrdd mai trefniant dros dro fyddai
hwn tan 1 Ebrill 2024, pan fydd Pwynt Cyflog 1 Band 3 yn symud i lefelau cyflog
newydd arfaethedig 2024-25 (yn amodol ar yr ymgynghoriad ynghylch yr Adolygiad
Blynyddol a’r penderfyniad ar gyfer 2024-25). § Cytunodd y Bwrdd y byddai unrhyw gostau
ychwanegol sy’n ymwneud â’r Cyflog Byw Gwirioneddol yn 2023-24 cael eu talu
drwy gronfeydd canolog, yn hytrach na thrwy gyllidebau staffio presennol yr
Aelodau. § Yn unol ag adran 14(3) o Fesur 2010, cytunodd
y Bwrdd bod amgylchiadau eithriadol sy'n golygu ei bod yn gyfiawn ac yn
rhesymol i'r cyfyngiadau a osodir gan adran 14(2) o Fesur 2010 beidio â bod yn
gymwys. Trafododd y Bwrdd yr amgylchiadau economaidd presennol ac yn benodol
bod y DU wedi profi cyfnod o chwyddiant eithriadol o gyflym, sy’n parhau i gael
effaith sylweddol ar gostau byw. Mae Nodiadau Esboniadol Mesur 2010 yn benodol yn nodi bod
cyfnod o chwyddiant eithriadol o gyflym yn enghraifft o amgylchiadau
eithriadol. § Nododd y Bwrdd mai dyma’r tro cyntaf i’r
Cyflog Byw Gwirioneddol fynd y tu hwnt i gyflogau rhai staff cymorth, sy’n golygu
bod y rhai ar Fand 3 Pwynt Cyflog 1 yn derbyn cyflog islaw’r Cyflog Byw
Gwirioneddol. Barn y Bwrdd oedd bod y rhain yn amgylchiadau eithriadol a bydd
paragraff yn cael ei fewnosod gan ganiatáu unrhyw gynnydd blynyddol yn y Cyflog
Byw Gwirioneddol yn y dyfodol uwchlaw'r pwynt cyflog isaf i addasu unrhyw gyflog sy'n is na hyn yn
awtomatig yn unol â'r Cyflog Byw Gwirioneddol. § Yn dilyn ymgysylltiad diweddar â staff a chynrychiolwyr undebau ar faterion cysylltiedig a'r angen i sicrhau bod taliadau yn ... Gweld y cofnodion lawn ar gyfer eitem 5. |
|
Diweddariad Costau Byw (10.45 - 11.15) Papur 6 – Taliad
Costau Byw 2023 i Staff Cymorth Cofnodion:
Penderfyniad:
Cam i’w gymryd:
|
|
Adolygiad Blynyddol o'r Penderfyniad ar gyfer 2024/25 (11.15 - 12.30) Papur 7 – Adolygiad
Blynyddol o’r Penderfyniad ar Dâl a Lwfansau’r Aelodau ar gyfer 2024-25 Cofnodion: § Trafododd y Bwrdd y cynigion drafft ar yr
Adolygiad Blynyddol o Benderfyniad 2024/25. § Trafododd y Bwrdd y cynnydd arfaethedig i
saith o'r lwfansau yn y Penderfyniad ynghylch y costau a yr eir iddynt gan
Aelodau wrth gyflawni eu dyletswyddau. § Cytunodd y Bwrdd i ymgynghori ar y cynnig i
gynyddu'r lwfansau hynny yn unol â chyfradd y mynegai prisiau defnyddwyr ar
gyfer mis Ionawr. Cytunodd hefyd ar gynnig i gadw lefel y lwfans atgyweirio
hanfodol ar ei lefel bresennol. § Nododd y Bwrdd y bydd cyflogau'r Aelodau yn
cynyddu 3 y cant yn unol â chymhwysiad ASHE Cymru, yn amodol ar y mecanwaith
cap a choler ym mharagraff 3.2.2. yn y Penderfyniad ar Gyflogau a Lwfansau’r
Aelodau ar gyfer 2023/24. § Trafododd y Bwrdd gynnig i ddatgymhwyso'r cap
ar gyflogau staff ym mharagraff 7.2.2. yn y Penderfyniad ac i gynyddu cyflogau
yn ôl ffigur ASHE Cymru o 5.7 y cant. § Nododd y Bwrdd y bydd y taliad costau byw a
ddyfarnwyd yn y flwyddyn ariannol hon o £600 yn cael ei gyfuno i bob pwynt tâl
o 1 Ebrill 2024. § Trafododd y Bwrdd nifer o gynigion ar gyfer
newidiadau i'r Penderfyniad a gododd yn sgil tystiolaeth a gasglwyd yn ystod yr
adolygiad thematig symleiddio, sy’n ymateb uniongyrchol i adborth gan Aelodau a
staff ac awgrymiadau gan Brif Weithredwr a Chlerc y Senedd yn ei gohebiaeth. Penderfyniad: § Cytunodd y Bwrdd i gynnwys y cynigion hynny
yn yr Adolygiad Blynyddol. § Cytunodd y Bwrdd y bydd Adolygiad Blynyddol
Penderfyniad 2024/25 yn cael ei gyhoeddi, ar gyfer ymgynghori yn ei gylch, ar
15 Rhagfyr. Cam i’w gymryd: § Bydd yr ysgrifenyddiaeth yn cynhyrchu'r
ddogfen ymgynghori, a'r ohebiaeth gysylltiedig. § Bydd Aelodau a'u staff yn cael eu hysbysu am
y cyhoeddiad a’r dyddiad cau ar gyfer yr ymgynghoriad ar 26 Ionawr – daeth yr ymgynghoriad i ben ar 26 Ionawr a bydd y Bwrdd
yn trafod yr ymatebion yng nghyfarfod mis Chwefror. |
|
Diweddariad ar Daliadau Aelodau (13.30 - 14.15) Papur 8 – Adolygiad
o Daliadau a Chymorth Personol i’r Aelodau Cofnodion: §
Darparodd
y Cadeirydd, arweinydd y Bwrdd adolygu thematig, y wybodaeth gefndirol am yr
adolygiad thematig o Daliadau a Chymorth Personol i’r Aelodau ac ystyriodd y
Bwrdd ei ddull, cwmpas a chylch gorchwyl drafft ar gyfer yr
adolygiad. Penderfyniad: §
Cytunodd
y Bwrdd ar y cwmpas arfaethedig, y pynciau allweddol, yr ymgysylltu a’r
amserlen ar gyfer yr adolygiad thematig hwn. §
Cytunodd
y Bwrdd i ymgynghori â'r Aelodau a'r Prif Weithredwr ar y Cylch Gorchwyl drafft. Cam i’w gymryd: § Ysgrifenyddiaeth i gynnwys y Cylch Gorchwyl
ar gyfer ymgynghori fel rhan o'r papur diweddaru – cafodd y Cylch Gorchwyl ei gynnwys ar gyfer ymgynghori
gyda llythyr diweddariad mis Tachwedd a gyhoeddwyd ar 12 Rhagfyr 2023. |
|
Diweddariad Comisiwn y Senedd ynghylch yr Adolygiad o'r Polisi Urddas a Pharch (gan gynnwys Polisïau Gorfodol) (14.15 - 14.45) Papur 9 – Urddas
a Pharch Cofnodion: § Bu'r Bwrdd yn trafod canfyddiadau adolygiad y
Comisiwn o Bolisi Urddas a Pharch y Senedd. Nododd aelodau’r Bwrdd y cynnydd
sylweddol a wnaed i hyrwyddo urddas a pharch yn y Senedd ers cytuno ar y polisi
yn 2018. § Rhoddodd y Bwrdd ystyriaeth gychwynnol i, a
ddylai'r gweithdrefnau cwyno a disgyblu y mae wedi'u rhoi ar waith ar gyfer
swyddfeydd yr Aelodau gael eu hadolygu yng ngoleuni canfyddiadau adolygiad y
Comisiwn. § Nododd y Bwrdd fod y Pwyllgor Safonau
Ymddygiad yn cynnal ymchwiliad i urddas a pharch a bod ei ymgynghoriad ar agor
tan 8 Ionawr 2024. Penderfyniad: § O ystyried ymgynghoriad parhaus y Pwyllgor
Safonau Ymddygiad, cytunodd y Bwrdd i ysgrifennu at y Pwyllgor i ofyn am ragor
o ymgysylltu cyn penderfynu ar y camau nesaf ynghylch unrhyw adolygiad o'r
gweithdrefnau cwyno a disgyblu ar gyfer Staff Cymorth yr Aelodau – bydd diweddariad ar urddas a pharch yn cael ei roi yng
nghyfarfod mis Chwefror fel rhan o'r Papur Diweddaru. Mae cyfarfod hefyd wedi'i
drefnu gyda Chadeirydd y Pwyllgor Safonau Ymddygiad ar gyfer 22 Chwefror. |
|
Papur Diweddariad (14.45 - 14.50) Papur 10 – Papur
Diweddariad Cofnodion: § Nododd y Bwrdd y diweddariadau ar amrywiol
faterion sy'n berthnasol i'w waith a hefyd ei flaenraglen waith. § Nododd y Bwrdd yr ohebiaeth a ddaeth i law
ers y cyfarfod diwethaf. § Nododd y Bwrdd mai'r bwriad oedd trefnu
cyfarfod pellach rhwng y Cadeirydd a'r Llywydd cyn y Nadolig - mae cyfarfod pellach wedi'i drefnu ar gyfer 21 Chwefror. § Cafodd y Bwrdd ddiweddariad ar yr ymweliadau
â swyddfeydd etholaethol a gynhaliwyd gydag Aelodau a’u Staff Cymorth ers y
cyfarfod diwethaf. Cadarnhawyd hefyd pa ymweliadau sydd i'w cynnal o hyd. § Cadarnhaodd aelodau’r Bwrdd pwy fydd yn
bresennol ar gyfer y cyfarfod nesaf sydd i’w gynnal ddydd Iau 22 Chwefror 2024. |