Agenda a Chofnodion
Lleoliad: Ystafell Bwyllgora 3 - Y Senedd. Cyfarwyddiadau
Cyswllt: Aled Elwyn Jones (Clerk)
Rhif | Eitem |
---|---|
Trawsgrifiad Gweld trawsgrifiad
o’r cyfarfod (PDF, 45KB). Gweld fel HTML (40KB). |
|
Cyflwyniadau, ymddiheuriadau a dirprwyon Cofnodion: Croesawodd
y Cadeirydd bawb i gyfarfod cyntaf Pwyllgor Busnes y Pumed Cynulliad. Ni
chafwyd unrhyw ymddiheuriadau. |
|
Cynnig o dan Reol Sefydlog 17.42(ix) i benderfynu gwahardd y cyhoedd o weddill y cyfarfod hwn ac o unrhyw gyfarfod yn y dyfodol lle y trafodir materion yn ymwneud â busnes mewnol y pwyllgor neu'r Cynulliad Cofnodion: Derbyniwyd
y cynnig. |
|
Busnes y Cynulliad Cofnodion: |
|
Y Pwyllgor Busnes Cofnodion: Cytunodd y
Pwyllgor i gwrdd am 8.30am ar foreau Mawrth yn ystod yr wythnosau mae'r
Cynulliad yn eistedd ar gyfer gweddill y tymor, ond i edrych ar gwrdd ar amser
arall yn y tymor newydd er mwyn rhoi ystyriaeth i gyfrifoldebau teuluol
Aelodau. Cytunodd y Rheolwyr Busnes i ddychwelyd at y mater mewn cyfarfod yn y
dyfodol fel rhan o'r drafodaeth ar amserlen gyffredinol y pwyllgor. Cytunodd y
Rheolwyr Busnes i gwrdd yn breifat ar gyfer unrhyw gyfarfodydd yn y dyfodol lle
bydd materion yn ymwneud â busnes mewnol y pwyllgor neu'r Cynulliad yn cael eu
trafod, a nodwyd bod y penderfyniad y cytunwyd arno ar ddechrau'r cyfarfod yn
darparu ar gyfer gwneud hynny. Fodd bynnag, cafwyd consensws ar draws y
Pwyllgor y dylai'r pwyllgor anelu at gwrdd yn gyhoeddus yn fwy aml yn y
dyfodol. Cytunodd y Rheolwyr Busnes y byddai cofnodion cyfarfodydd
preifat yn cael eu cyhoeddi yn Saesneg ac yn Gymraeg o fewn 1 wythnos iddynt
gael eu cytuno gan y Pwyllgor. |
|
Trefn Busnes Cofnodion: Adolygu Amserlen y Cynulliad Cytunodd y Rheolwyr Busnes i gynnal adolygiad o amserlen
y Cynulliad, gan gynnwys amserlennu Cyfarfodydd Llawn, gyda'r bwriad o
gynyddu'r gallu cyffredinol ar gyfer busnes ffurfiol y Cynulliad. Gofynnodd y
Pwyllgor i'r Ysgrifenyddiaeth gyflwyno papur â chynigion manwl i'r Rheolwyr
Busnes i'w hystyried mewn cyfarfod yn y dyfodol. Y Cyfarfod Llawn Cytunodd y Pwyllgor i gyhoeddi amserlen dros dro ar gyfer
gweddill y tymor hwn, gyda chyfarfodydd Llawn am 13.30 ar brynhawn Mawrth a
Mercher, yn unol â Rheolau Sefydlog:
Pwyllgorau Roedd yr holl Aelodau o blaid defnyddio prynhawn dydd
Llun mewn egwyddor fel slot ffurfiol yn Amserlen y Cynulliad, fel yr argymhellwyd
gan y pwyllgor blaenorol, ond y byddai angen i unrhyw benderfyniad gael ei
lywio gan yr adolygiad ehangach o strwythur pwyllgorau. Cytunodd y Rheolwyr Busnes i drafod y mater gyda'u
grwpiau a dychwelyd at y mater mewn cyfarfod yn y dyfodol. Amserau Eraill Cytunodd y Rheolwyr Busnes i barhau gyda'r trefniant
blaenorol o grwpiau pleidiau yn cwrdd am 11am ddydd Mawrth. Cytunodd y Rheolwyr Busnes hefyd ar ddyddiadau'r toriadau
hyd at fis Hydref hanner tymor a chytunwyd y dylid dychwelyd at y mater mewn
cyfarfod yn y dyfodol i benderfynu ar ddyddiadau toriadau dros dro ar gyfer y
Nadolig 2016 a Gwanwyn 2017, yn dilyn trafodaethau gyda Grwpiau'r Pleidiau. Refferendwm ar yr UE Cododd Simon Thomas y mater o amserlennu busnes yn y
cyfnod yn arwain at refferendwm yr UE a'r effaith y gallai hyn ei chael ar
gyfraniadau Aelodau yn ystod y cyfnod hwn. Dywedodd Cyfarwyddwr Busnes y Cynulliad fod y Ddeddf
Etholiadau a Refferenda Pleidiau Gwleidyddol 2000 (PPERA) yn gosod cyfyngiadau
ar Gomisiwn y Cynulliad mewn perthynas â chyhoeddi deunydd yn ymwneud â'r
refferendwm yn ystod y 28 diwrnod yn arwain at 23 Mehefin. Byddai cyhoeddi cofnod o fusnes ffurfiol y Cynulliad yn
destun y cyfyngiadau hyn. Ni fyddai torri'r Ddeddf yn drosedd, felly byddai'r
risg yn un i enw da. Fodd bynnag, mae'n ofynnol i Gomisiwn y Cynulliad yn ôl y
gyfraith i gyhoeddi cofnodion ein trafodion. Cytunodd y Rheolwyr Busnes mewn egwyddor i drefnu busnes
fel arfer yn ystod cyfnod y refferendwm. Fodd bynnag, gofynnodd Mark Reckless
am gyngor cyfreithiol pellach ar y mater, a gofynnodd i swyddogion edrych ar y
posibilrwydd o'r Cynulliad yn gofyn am ddatganiad rhagataliol gan y llys i
alluogi Aelodau i drafod materion sy'n ymwneud â refferendwm yr UE. Cytunodd y
Pwyllgor y byddai'r Ysgrifenyddiaeth yn darparu nodyn i'r cyfarfod nesaf i
egluro rhwymedigaethau cyfreithiol a statudol y Comisiwn cyn gwneud
penderfyniad. Y defnydd o amser y Cynulliad Cytunodd y
Rheolwyr Busnes i edrych ar ffyrdd o gyflwyno mwy o amrywiaeth i'r defnydd o
amser y Cynulliad yn y Cyfarfod Llawn, a gofynnodd i'r Ysgrifenyddiaeth i ddod
â phapur i gyfarfod yn y dyfodol. Cytunodd y
Rheolwyr Busnes i barhau â'r arfer a fabwysiadwyd yn y Pedwerydd Cynulliad ar
gyfer amserlennu Dadleuon gan Aelodau Unigol yn rheolaidd a chytunodd i drefnu
un bob yn ail wythnos tan doriad yr haf. Penderfynodd y Pwyllgor hefyd i ostwng
y trothwy ar gyfer cefnogi cynnig o dri Aelod o dri grŵp gwleidyddol
gwahanol i dri Aelod o ddau grŵp. Cytunodd y
Pwyllgor hefyd i drefnu hyd at dair awr o ddadleuon yr wrthblaid yr wythnos,
gan ddibynnu ar y gofynion eraill ar amser y Cynulliad. Trafododd y Rheolwyr
Busnes y rhaniad mwyaf priodol o amser y Cynulliad ymysg y gwrthbleidiau a
chytunodd i ddychwelyd at y mater yn y cyfarfod ar 8 Mehefin. Cytunodd y Pwyllgor i gynnal Dadl Fer ar ddydd Mercher
bob wythnos ac i ddyrannu 30 munud iddi, fodd bynnag mynegodd Simon Thomas y
farn y dylai Dadleuon Byr gael eu hadolygu fel rhan o'r adolygiad o amser y
Cynulliad. |
|
Pwyllgorau Cofnodion: Trafododd y Rheolwyr
Busnes bapurau yn nodi'r penderfyniadau y byddai angen i'r Pwyllgor eu gwneud
wrth sefydlu pwyllgorau a gweithdrefnau ar gyfer ethol cadeiryddion pwyllgorau. Cwestiynodd Simon
Thomas a fyddai hawl gan Kirsty Williams AC gael sedd ar bwyllgor tra ei bod
hefyd yn aelod o'r llywodraeth. Dywedodd Pennaeth y Gwasanaeth Pwyllgorau
Polisi a Deddfwriaeth er nad yw aelodau o'r Llywodraeth fel arfer wedi eistedd
ar bwyllgorau'r Cynulliad, nid yw'r Rheolau Sefydlog yn eu hatal rhag gwneud
hynny. Byddai hawl yr Aelod Democratiaid Rhyddfrydol i sedd ar bwyllgor felly
yn parhau, er y byddai'n fater iddi hi ynghylch a oedd hi eisiau ei derbyn ai
peidio. Cafwyd consensws
cyffredinol y dylid lleihau meintiau pwyllgorau o gymharu â'r Pedwerydd
Cynulliad. Cytunodd y Rheolwyr Busnes i drafod opsiynau gyda’u grwpiau. Trafododd y
pwyllgor hefyd argymhelliad y Pwyllgor Busnes blaenorol y dylai strwythur
craidd pwyllgorau polisi a deddfwriaeth ar y cyd gael ei chynnal yn y Pumed
Cynulliad. Roedd Jane Hutt a Mark Reckless o blaid cynnal y strwythur hwn, gan
ddweud ei bod yn caniatáu i Aelodau a oedd wedi datblygu arbenigedd mewn
meysydd polisi i graffu hefyd ar ddeddfwriaeth ar y pynciau hynny. Fodd bynnag,
awgrymodd Simon Thomas a Paul Davies y byddai cael o leiaf rhai pwyllgorau
deddfwriaeth ar wahân yn lleihau pwysau gwaith rai pwyllgorau, a oedd yn
broblem yn ystod y Cynulliad diwethaf. Cododd Paul Davies
y mater o gylchoedd gwaith pwyllgorau, sef y dylent adlewyrchu portffolios
Ysgrifenyddion Cabinet, rhywbeth nad oedd wedi digwydd yn y Pedwerydd
Cynulliad. Awgrymodd Simon Thomas hefyd y dylid cael pwyllgor ar wahân i graffu
ar ddeddfwriaeth yr UE, a chyfeiriodd at y ffaith bod cylch gorchwyl y Pwyllgor
Cymunedau, Cydraddoldeb a Llywodraeth Leol yn y pedwerydd Cynulliad yn benodol
o eang gan arwain at lwyth gwaith anghymesur. Nododd y Rheolwyr
Busnes argymhelliad yn y papur ar bwyllgorau o ran pe byddai angen mwy o amser
i ddod i farn derfynol ar y materion hyn, dylai trefniadau penodol gael eu rhoi
yn eu lle ar gyfer pwyllgorau penodol i ystyried materion brys megis
is-ddeddfwriaeth, cyllid, Mesur Cymru a chanlyniad refferendwm yr UE. Gofynnodd y
Pwyllgor am bapur pellach manwl yn amlinellu'r opsiynau ar gyfer strwythurau
pwyllgor posibl gan gynnwys modelau a awgrymwyd ar gyfer cylch gwaith
pwyllgorau a gweithdrefnau ar gyfer ethol cadeiryddion pwyllgorau, yn seiliedig
ar drafodaethau'r Pwyllgor, i'w ystyried yn y cyfarfod nesaf ar ôl 8 Mehefin.
Yn y cyfamser, gofynnodd y Llywydd i'r Rheolwyr Busnes drafod y dewisiadau
gyda'u Grwpiau. |
|
Unrhyw fater arall Cofnodion: Comisiwn y
Cynulliad Cytunodd y
Rheolwyr Busnes i gyflwyno cynnig i benodi Comisiynwyr y Cynulliad, yn unol â
Rheol Sefydlog 7.1, ar gyfer y Cyfarfod Llawn ar 8 Mehefin. Nododd y Pwyllgor,
er mwyn gwneud hynny, y byddai angen atal y Rheolau Sefydlog er mwyn caniatáu
i'r cynnig ddigwydd ar 8 Mehefin gan y byddai hyn y tu hwnt i'r gofyniad i
benodi Comisiynwyr heb fod yn fwy na 10 diwrnod ar ôl penodi aelodau'r Pwyllgor
Busnes. Gofynnodd y
Pwyllgor am gael cofnodi bod yr Aelodau o'r farn ei bod yn anffodus bod yn
rhaid torri'r Rheolau Sefydlog yn y ffordd hon, a chytunodd i adolygu'r
gofyniad o 10 diwrnod yn y Rheolau Sefydlog, gan nad oedd yn glir beth oedd ei
ddiben. Egwyddorion ac
arfer ar gyfer cyflwyno a gosod busnes y Cynulliad Nododd y Rheolwyr
Busnes bapur ar gyfer Egwyddorion ac arfer ar gyfer cyflwyno a gosod busnes y
Cynulliad |
|
Y cyfarfod nesaf Cofnodion: Cytunodd y
Rheolwyr Busnes i gwrdd am 9am ar 8 Mehefin i gytuno ar amserlen tair wythnos
Busnes y Cynulliad ac i gwrdd eto yn dilyn y Cyfarfod Llawn ar 8 Mehefin neu ar
fore Iau 9 Mehefin i ystyried y materion a gyfeiriwyd i'w trafod gyda grwpiau. |
|
Unrhyw Fater Arall Anogodd y Llywydd
y Rheolwyr Busnes i ofyn i'w Haelodau i beidio â thynnu lluniau yn y Siambr yn
ystod y trafodion ac atgoffodd nhw nad oedd unrhyw fwyd a diod yn cael ei
ganiatáu yn y Siambr, ac eithrio y dŵr a ddarperir ar gyfer yr Aelodau yn
y Cwrt. |