Agenda a Chofnodion
Lleoliad: Ystafell Gynhadledd 4B - Tŷ Hywel. Cyfarwyddiadau
Cyswllt: Clerk: Kathryn Hughes Deputy Clerk: Buddug Saer
Rhif | Eitem |
---|---|
Cyflwyniad, ymddiheuriadau a datgan buddiannau Cofnodion: 1.1 Croesawodd y
Cadeirydd bawb i'r cyfarfod a nododd un ymddiheuriad gan Ann-Marie Harkin o
Archwilio Cymru. 1.2 Nododd y
Cadeirydd mai dyma fyddai cyfarfod olaf Ann Beynon a Nia Morgan. Diolchodd i
Ann am ei hymrwymiad a'i chyfraniadau yn ystod ei chyfnod yn y rôl. Byddai Ann
yn cael cyfle i fyfyrio ar ei haelodaeth o'r Pwyllgor yn ddiweddarach yn y
cyfarfod. 1.3 Roedd y
Cadeirydd hefyd yn awyddus i ddiolch i Nia, a fydd yn gadael Comisiwn y Senedd
i ddechrau swydd newydd ym mis Ionawr 2023. Yn ystod y cyfarfod, nododd ei
ddiolch am ei sesiynau briffio, ei chefnogaeth a'i hyfedredd yn ystod y
blynyddoedd diwethaf. 1.4 Croesawodd y
Pwyllgor Simon Hart, y Cyfarwyddwr Cyllid dros dro, i’r cyfarfod fel sylwedydd,
a nodwyd bod aelodau’r Pwyllgor yn edrych ymlaen at weithio gydag ef yn y
flwyddyn newydd. 1.5 Ni chafodd
unrhyw fuddiannau eu datgan. |
|
Cofnodion cyfarfod 15 Mehefin, y camau i'w cymryd a'r materion a gododd Cofnodion: ARAC (22-06)
Papur 1 - Cofnodion Drafft 15 Mehefin 2022 ARAC (22-06)
Papur 2 - Crynodeb o’r camau gweithredu i’w cymryd 2.1 Cymeradwywyd
cofnodion y cyfarfod ar 15 Mehefin yn ffurfiol a nodwyd y diweddariadau i’r
camau gweithredu. 2.2 Cyfeiriodd y
Cadeirydd at ddau gyfarfod anffurfiol ar gyfer y cofnod. Ar 8 Gorffennaf,
clywodd y Pwyllgor gyflwyniad gan Awdurdod Band Eang y Sector Cyhoeddus ac ar
14 Medi cafodd y Pwyllgor y wybodaeth ddiweddaraf gan y tîm cynaliadwyedd ar
gynnydd y Comisiwn tuag at ddatgarboneiddio, a chlywodd gyflwyniad ar Rwydwaith
Gwres Caerdydd yn ystod yr un sesiwn. |
|
Diwygio'r Senedd - Diweddariad corfforaethol, gan gynnwys. diagram strwythur llywodraethu ar gyfer Diwygio'r Senedd (strwythur tîm mewnol a chysylltiadau â Llywodraeth Cymru) Cofnodion: ARAC (22-06)
Papur 3 - Y wybodaeth ddiweddaraf am raglen ddiwygio'r Senedd 3.1 Diolchodd y
Cadeirydd i Siwan Davies a'i thîm am y dogfennau trylwyr a chynhwysfawr, a oedd
yn cynnwys y papurau a gyflwynwyd yn ystod cyfarfod diweddar Bwrdd Rhaglen
Ddiwygio'r Senedd. 3.2 Ar 15
Mehefin, cafodd y Pwyllgor drafodaeth fanwl ar y risg gorfforaethol sy’n
gysylltiedig â’r gwaith o ddiwygio'r Senedd. Ar 7 Hydref, cytunodd y Bwrdd
Gweithredol ar gylch gorchwyl ac aelodaeth Bwrdd Rhaglen Ddiwygio'r Senedd ('yr
SRPB') a chafodd manylion y cylch gorchwyl hwn eu cynnwys yn y papurau. 3.3 Amlinellodd
Siwan y trefniadau llywodraethu ar gyfer rheoli holl elfennau'r agenda
ddiwygio, y mae’r SRPB yn rhan ohoni, fel yr amlinellir yn y diagram yn Atodiad
A. Yn ogystal â pharatoi ar gyfer busnes seneddol y Seithfed Senedd, mae hyn
hefyd yn cynnwys cydgysylltu a chefnogi’r gwaith o basio Bil Diwygio'r Senedd a
diwygio'r Penderfyniad ar Gyflog a Lwfansau’r Aelodau, yn ogystal â chyflwyno'r
rhaglen Ffyrdd o Weithio a chynnal busnes arferol. 3.4 Cyfeiriodd
Siwan at sefydlu Bwrdd Sicrwydd ar y Cyd rhwng Llywodraeth Cymru a Chomisiwn y
Senedd, gan ychwanegu bod cylch gorchwyl y bwrdd hwn wedi’i gynnwys yn y
papurau ar gyfer y cyfarfod. Hefyd, cyfeiriodd at y llinell amser a’r cerrig
milltir lefel uchel, a oedd hefyd wedi’u cynnwys yn y papurau, sy’n nodi’r
cynnydd hyd yn hyn. O ran y gyllideb, cadarnhaodd Siwan y byddai Llywodraeth
Cymru a'r Bwrdd Taliadau Annibynnol yn dilyn set gyffredin o ragdybiaethau ac
yn defnyddio un ffynhonnell o wybodaeth am gostau. 3.5 Cyfeiriodd
Siwan at y risg sy’n gysylltiedig â’r gwaith o ddiwygio'r Senedd ac sydd wedi’i
nodi yn y papurau, gan dynnu sylw at y risgiau ychwanegol o ran effaith bosib
hinsawdd economaidd sy'n newid ar gyllidebau, capasiti a phenderfyniadau
gwleidyddol ar gyfeiriad y daith tuag at ddiwygio. 3.6 Rhoddwyd
sicrwydd i’r Cadeirydd bod y trefniadau llywodraethu priodol ar waith, a nodwyd
y llinell amser, y gwaith o gydgysylltu a rheoli prosiectau a'r ddibyniaeth ar
y Bwrdd Taliadau Annibynnol fel pwyntiau trafod. 3.7 Rhoddwyd
sicrwydd i Ann Beynon hefyd gan y dull o reoli prosiectau, a gofynnodd am
eglurder o ran ai rôl Llywodraeth Cymru neu'r Comisiwn fyddai rheoli’r risgiau
perthnasol. Roedd hi hefyd am sicrhau bod gan rywun drosolwg o unrhyw ddirywiad
yn y sefyllfa, fel her gyfreithiol bosib a chapasiti awdurdodau lleol i gynnal
yr etholiadau. Roedd Ann hefyd yn awyddus i drafod yr amserlen, yn enwedig o
ran yr adolygiad o ffiniau yn dilyn Cydsyniad Brenhinol a'r penderfyniad i aros
yn Nhŷ Hywel yn ystod y
Seithfed Senedd. 3.8 Gwnaeth Aled
Eirug hefyd gwestiynu’r gefnogaeth wleidyddol i'r adolygiad o ffiniau, gan ofyn
sut y byddai materion ynghylch etholaethau, y gallent fod yn ddadleuol, yn cael
eu rheoli. Gofynnodd hefyd am eglurder ynghylch sut yr oedd swyddogion yn
ymdrin â pherthynas a rhyng-ddibyniaethau'r prosiect seneddol a'r rhaglen
Ffyrdd o Weithio. 3.9 Ymatebodd Siwan ac Anna i'r pwyntiau hyn,
fel a ganlyn: a. Cafodd y posibilrwydd o her gyfreithiol ei gofnodi ar gofrestr risg Llywodraeth ... Gweld y cofnodion lawn ar gyfer eitem 3. |
|
Adroddiad diweddaru ar Lywodraethu a Sicrwydd (gan gynnwys cynnydd ar weithgaredd Archwilio Mewnol) Y wybodaeth
ddiweddaraf, ar lafar Cofnodion: Y wybodaeth
ddiweddaraf, ar lafar 4.1 Rhoddodd
Gareth Watts y wybodaeth ddiweddaraf ar lafar am waith archwilio a gweithgarwch
ehangach o ran llywodraethu. Roedd y wybodaeth hon yn ategu’r diweddariad a
roddodd i aelodau'r Pwyllgor ar 26 Hydref. 4.2 Nododd Gareth
ei ddiolch i Kathryn Hughes a'r tîm am gwblhau’r holl gyfarfodydd 'Mae
Llywodraethu o Bwys' gyda phob Pennaeth Gwasanaeth ac am ddiweddaru a chyhoeddi
templedi a chanllawiau ar gyfer cofnodi sicrwydd. Roedd y canllawiau wedi'u
gwella i'w gwneud yn fwy eglur o ran cofnodi sicrwydd corfforaethol. Roedd y
broses hefyd wedi'i haddasu i ymgorffori arfer gorau sy'n dod i'r amlwg drwy
brosiect "edau euraidd" o dan arweiniad Trysorlys EM ac Asiantaeth
Archwilio Mewnol y Llywodraeth. Nododd y Pwyllgor nad oedd y prosiect wedi codi
unrhyw bwyntiau i'r Comisiwn ddysgu oddi wrthynt a'i fod wedi rhoi sicrwydd
ychwanegol bod arferion gorau wedi'u dilyn. Hefyd, nodwyd bod dull gweithredu’r
Comisiwn yn cael ei rannu â sefydliadau eraill. Gallai hyn helpu i lywio arfer
gorau fel rhan o brosiect y Llywodraeth. 4.3 Rhoddodd
Gareth y wybodaeth ddiweddaraf i'r Pwyllgor am weithgarwch arall yn y maes hwn,
fel a ganlyn: a. roedd ef a'i dîm wedi cwblhau ymarfer bwrdd gwaith i lywio adolygiad o
effeithiolrwydd y Bwrdd Gweithredol a'r Tîm Arwain a fyddai'n cael ei drafod ag
aelodau’r ddau grŵp
yn ystod yr wythnosau nesaf; b. roedd wedi cwblhau adolygiad o effeithiolrwydd y Bwrdd Taliadau
Annibynnol ac wedi rhannu ei adroddiad drafft â Siwan Davies ac Anna Daniel cyn
ei drafod gyda'r Cadeirydd; c. roedd wedi mynd i gynhadledd ddiweddar Sefydliad Siartredig Cyllid
Cyhoeddus a Chyfrifyddiaeth Cymru, lle trafodwyd risgiau byd-eang a risgiau
ledled y DU, gan nodi nad yw materion seiber bellach wedi’u nodi ymhlith y deg
risg uchaf - cynigiodd rannu ei nodiadau a'i sleidiau ag aelodau'r Pwyllgor; d. roedd contract partner archwilio mewnol y Comisiwn, a gomisiynwyd ar y
cyd, wedi'i ddyfarnu i Haines Watts am y pedair blynedd nesaf (roedd y
gwasanaeth hwn wedi'i gynnig gan TIAA am yr wyth blynedd diwethaf) ac roedd y
cwmni bellach wedi cwblhau ei archwiliad cyntaf, gan ganolbwyntio ar y
Rheolaethau Ariannol Allweddol. Roedd Gareth yn gobeithio rhannu’r adroddiad ar
y archwiliad cyntaf hwn cyn y Nadolig; e. roedd wedi cwblhau ei archwiliad o dreuliau'r Aelodau heb unrhyw
argymhellion, a nododd y byddai'n gweithio gyda thîm Cymorth Busnes yr Aelodau
ar oblygiadau trethiant i Aelodau yn y dyfodol. 4.4 Ychwanegodd
Gareth ei fod wedi trafod cwmpas adolygiad ymgynghorol a fydd yn cael ei gynnal
gan Haines Watts ym maes parhad busnes, gan ddefnyddio arbenigedd a
dealltwriaeth helaeth y cwmni yn y maes hwn. Bydd yr archwiliad sicrwydd
seiber-ddiogelwch yn cael ei gynnal gan Haines Watts hefyd, a bydd yr adroddiad
perthnasol yn cael ei rannu y tu allan i gyfarfod y Pwyllgor. Cyfeiriodd hefyd
at ei waith arfaethedig ar sicrwydd o ran y risgiau sy’n gysylltiedig â’r
Fframwaith Rheoleiddio. |
|
Adroddiad Archwilio Mewnol Cofnodion: ARAC (22-06)
Papur 4 – Cynllun Ieithoedd Swyddogol (‘y cynllun’) 5.1 Croesawodd y
Pwyllgor Mair Parry-Jones a Sarah Dafydd i'r cyfarfod. 5.2 Arweiniwyd y drafodaeth
gan Aled Eurig, gan ganolbwyntio ar fonitro cydymffurfiaeth â'r Cynllun,
sgiliau, dysgu, y broses gynefino a’r defnydd o’r Gymraeg ar draws Comisiwn y
Senedd a’i defnydd gan Aelodau a'u staff cymorth. 5.3 O ran monitro
cydymffurfiaeth â'r cynllun, disgrifiodd Sarah Dafydd y gwaith sydd ar y gweill
gan y Grŵp
Gorchwyl a Gorffen i gryfhau'r systemau sydd yn eu lle. Bydd y gwaith hwn yn
cynnwys trafod sut y gellir gwneud mwy o ddefnydd o gydgysylltwyr y Gymraeg ym
mhob maes gwasanaeth a chysylltu â Chomisiwn y Gymraeg a Llywodraeth Cymru i
rannu syniadau ac arferion da. 5.4 Amlinellodd
Sarah hefyd sut y byddai’r bobl sy’n dymuno dysgu Cymraeg yn gallu nodi hyn ar
y Cofnod Datblygiad Personol (PDR), a phwysleisiodd yr angen i reolwyr llinell
ddeall yr ymrwymiad amser sy’n gysylltiedig â hyn. Bu tîm y cynllun hefyd yn
gweithio gyda meysydd gwasanaeth ac Aelodau a'u staff i ddadansoddi anghenion
dysgu a nodi'r dulliau addysgu gorau i ddiwallu anghenion y dysgwyr. Nododd y
Pwyllgor y dull gweithredu cefnogol, yn hytrach na'r defnydd o dargedau ar
gyfer dysgwyr, gan fod anghenion pawb yn wahanol a bod staff uwch yn wynebu
rhwystrau posibl o ran gwneud cynnydd oherwydd cyfyngiadau amser. Bydd y tîm
hefyd yn llunio Cynllun Hyder i annog siaradwyr Cymraeg a dysgwyr i ddefnyddio
eu sgiliau. 5.5 Nododd Ken
Skates y cynnydd amlwg yn y defnydd o'r Gymraeg yn y Siambr, sydd yn ei dro yn
debygol o gynyddu'r niferoedd sy’n defnyddio ac yn dysgu’r Gymraeg. Nododd
swyddogion fod y galw wedi cynyddu a bod Aelodau'n mynd ati'n rhagweithiol i
ofyn i'r tiwtoriaid am help i ddysgu neu loywi sgiliau. 5.6 Cododd Ann
Beynon bwynt cysylltiedig ynghylch sicrhau bod y di-Gymraeg neu ddysgwyr yn
gwerthfawrogi’r ffaith eu bod yn gweithio mewn amgylchedd dwyieithog ac yn
deall hunaniaeth a diwylliant Cymru. Nodwyd bod hyn yn cael ei drafod yn ystod
y broses gynefino a’r gwaith parhaus i godi ymwybyddiaeth a monitro
cydymffurfiaeth â'r cynllun. 5.7 Wedyn,
gofynnodd y Pwyllgor am ddiweddariad ar ddefnyddio Microsoft Teams ar gyfer
cyfarfodydd dwyieithog. Er ei bod bellach yn dechnegol bosibl defnyddio'r
cyfleuster cyfieithu ar y pryd yn Microsoft Teams, dywedodd Arwyn fod TGCh
wrthi’n gweithio gyda Llywodraeth Cymru i brofi ei effeithiolrwydd a'i
ddibynadwyedd. Bydd y cyfleuster hwn wedyn yn cael ei brofi ymhellach yn ystod
cyfarfodydd mewnol cyn trafod a ddylid ei ddefnyddio ar gyfer busnes ffurfiol.
Ychwanegodd Arwyn fod y defnydd o Zoom ar gyfer cyfarfodydd dwyieithog wedi
cynyddu ers i’r cwmni wella ei nodweddion diogelwch. 5.8 Roedd Mair am
nodi ei diolch i Sarah Dafydd a'i thîm am eu gwaith ac am y cynnydd sydd wedi’i
wneud yn ystod y blynyddoedd diwethaf, gan bwysleisio llwyddiant y tîm wrth
ymgorffori'r cynllun fel ‘busnes arferol’ yn y sefydliad. 5.9 Diolchodd y Pwyllgor i Gareth am yr adroddiad archwilio ac i Sarah a Mair am eu cyfraniadau. Roedd ... Gweld y cofnodion lawn ar gyfer eitem 5. |
|
Cynllun Archwilio 2022 ac adroddiad diweddaru Archwilio Cymru (gan gynnwys adroddiadau/allbynnau Archwilio Cymru) Cofnodion: ARAC (22-06)
Papur 5 - Y wybodaeth ddiweddaraf gan Archwilio Cymru 6.1 Cyflwynodd
Gareth Lucey y wybodaeth ddiweddaraf gan Archwilio Cymru. Roedd Adroddiad
Blynyddol a Chyfrifon y Comisiwn wedi'u hardystio gan Ann-Marie Harkin a'u
gosod gerbron y Senedd ar 30 Mehefin. Bydd Archwilio Cymru mewn sefyllfa i
gyhoeddi’r anfoneb, sy’n is na'r amcangyfrif cychwynnol ar hyn o bryd, cyn
diwedd 2022. 6.2 Effeithiwyd
ar y gwaith o gynllunio proses archwilio 2022-23 gan y broses o gyflwyno
Safonau Archwilio Rhyngwladol diwygiedig 315 (ISA 315). O ganlyniad, ni fyddai
Archwilio Cymru mewn sefyllfa i gyhoeddi'r Cynllun Archwilio ffurfiol nes
cyfarfod ARAC ar 28 Ebrill, ond byddai'n cyflwyno cynllun amlinellol yn ystod y
cyfarfod ar 13 Chwefror. 6.3 Wedyn,
disgrifiodd Gareth oblygiadau’r ISA 315 diwygiedig i'r broses archwilio a
llunio cyfrifon 2022-23. Mae’n galw am asesiad risg manylach fe rhan o’r gwaith
cynllunio, a byddai canlyniadau'r asesiad hwn yn penderfynu lefel y profion
archwilio pellach sy’n rhaid eu cynnal. 6.4 Gallai'r
newidiadau hyn o bosibl effeithio ar amseriad yr archwiliad, gan y gallai fod
angen mwy o amser cynllunio a phrofi ymlaen llaw, er y gallai hyn leihau lefel
y profion archwilio terfynol oherwydd y risg is o gamddatganiadau materol.
Mae’n bosibl y byddai’n effeithio ar gostau hefyd, oherwydd y byddai’n rhaid i
staff mwy profiadol fod yn rhan o'r cam cynllunio. Amcangyfrifir y byddai’r
ffioedd i gyrff llywodraeth leol yn cynyddu rhwng 12 a 18 y cant, ond byddai'r
effaith ar ffi archwilio'r Comisiwn yn dod yn gliriach unwaith y byddai’r
gwaith cynllunio wedi'i wneud. 6.5 Hefyd,
cyfeiriodd Gareth at allbynnau ehangach Archwilio Cymru a gyhoeddwyd yn
ddiweddar, gan dynnu sylw at yr adroddiadau ar y Fenter Twyll Genedlaethol a
Dysgu o Ymosodiadau Seiber, a gyhoeddwyd ym mis Hydref 2022, ac ‘Amser am newid
– Tlodi yng Nghymru’, a gyhoeddwyd ym mis Tachwedd 2022. 6.6 Diolchodd y
Cadeirydd i Gareth am rannu’r wybodaeth ddiweddaraf. Mynegodd y Cadeirydd
bryder ynghylch y cynnydd posib mewn ffioedd o ganlyniad i’r ISA 315 diwygiedig,
yn enwedig yn yr hinsawdd ariannol bresennol. Mae’n bwysig bod Comisiwn y
Senedd yn gweld rhai manteision o'r gwaith craffu manylach sy’n gysylltiedig
â’r safon newydd. Roedd wedi gofyn i Archwilio Cymru roi’r wybodaeth
ddiweddaraf i’r Pwyllgor am gynnydd yn y maes, ac roedd cyfres reolaidd o
gyfarfodydd diweddaru wedi'u cytuno. Cam i’w
gymryd: ·
Cynllun
archwilio amlinellol i'w gyflwyno yn ystod y cyfarfod ar 13 Chwefror, cyn
trafod y cynllun manwl ar 28 Ebrill. |
|
Y wybodaeth ddiweddaraf am gyllid Cofnodion: ARAC (22-06)
Papur 6 - Y wybodaeth ddiweddaraf am sefyllfa ariannol 2022-23 a chyllideb
2023-24 7.1 Disgrifiodd
Nia Morgan y sefyllfa ariannol ddiweddaraf ar gyfer 2022-23, gan gynnwys
manylion y cyllidebau atodol. Roedd y papur hefyd yn amlinellu manylion
cyllideb 2023-24, a chafwyd cadarnhad gan Nia fod y gyllideb hon wedi’i
chymeradwyo yn y Cyfarfod Llawn ar 16 Tachwedd. 7.2 Mewn ymateb i
gwestiynau gan y Pwyllgor, rhannodd Nia a Manon fanylion ychwanegol am y
buddsoddiad mewn cyfleusterau, sy’n cynnwys gwaith hanfodol i gynnal a chadw
adeiladau a chryfhau pwynt bregus a nodwyd gan y tîm Diogelwch yn ystod protest
diweddar. 7.3 Hefyd,
rhannodd Arwyn ragor o fanylion am y buddsoddiad mewn adnoddau ar gyfer
datblygu’r gwaith o ymgysylltu ag etholwyr, a oedd yn cynnwys system Rheoli
Perthynas â Chwsmeriaid ac adnodd ymgysylltu ar-lein. Bydd hyn yn hwyluso’r
gwaith ymgysylltu, yn ogystal â’r gwaith o gasglu tystiolaeth ac ymatebion i
ymgyngoriadau, i helpu i lywio gwaith Pwyllgorau'r Senedd a nodi adborth ar
brofiadau ymwelwyr â'r ystâd. |
|
Y wybodaeth ddiweddaraf gan y Pwyllgor Cyfrifon Cyhoeddus a Gweinyddiaeth Gyhoeddus a'r Pwyllgor Cyllid Y wybodaeth
ddiweddaraf, ar lafar Cofnodion: Y wybodaeth
ddiweddaraf, ar lafar 8.1 Roedd Nia
Morgan, Manon Antoniazzi a Ken Skates wedi rhoi tystiolaeth yn ddiweddar i’r Pwyllgor
Cyfrifon Cyhoeddus a Gweinyddiaeth Gyhoeddus a'r Pwyllgor Cyllid. Roedd
gwybodaeth ychwanegol, gan gynnwys copïau o adroddiadau ac ymatebion y
Comisiwn, wedi’i rhoi i aelodau'r Pwyllgor cyn y cyfarfod hwn, ar 8 Tachwedd.
Bydd copi o adroddiad y Pwyllgor Cyfrifon Cyhoeddus a Gweinyddiaeth Gyhoeddus,
y disgwylir iddo gael ei gyhoeddi erbyn dechrau Rhagfyr, yn cael ei rannu
hefyd. 8.2 Nododd y
Pwyllgor yr adroddiad cadarnhaol gan y Pwyllgor Cyllid yn benodol, gan
ychwanegu bod yr aelodau wedi croesawu'r holl wybodaeth ychwanegol a anfonwyd
atynt. Hefyd, diolchodd y Pwyllgor i Nia am y sesiynau briffio a'r gefnogaeth a
gafwyd ganddi y tu allan i'r cyfarfodydd ffurfiol. Cam i’w
gymryd: · Y tîm clercio i ddosbarthu adroddiad y Pwyllgor Cyfrifon Cyhoeddus a Gweinyddiaeth Gyhoeddus pan fydd ar gael. |
|
Crynodeb o'r Ymadawiadau Cofnodion: ARAC (22-06)
Papur 7 – Crynodeb o ymadawiadau 9.1 Nododd y
Pwyllgor dri achos o ymadael â’r gweithdrefnau caffael arferol. 9.2 Mewn ymateb i
gwestiynau gan aelodau'r Pwyllgor ynghylch adnewyddu cytundeb y Gwasanaeth
Darlledu, nododd Arwyn y bydd y Comisiwn yn parhau i geisio gwelliannau i'r
gwasanaeth yn ystod trafodaethau rheolaidd â'r contractwr. Bydd hyn yn cynnwys
trafodaethau ynghylch uwchraddio Senedd TV. |
|
Risgiau Corfforaethol Cofnodion: ARAC (22-06)
Papur 8 - Risgiau corfforaethol ARAC (22-06)
Papur 8 - Atodiad A - Crynodeb o’r Gofrestr Risg Gorfforaethol ARAC (22-06)
Papur 8 - Atodiad B - Risgiau corfforaethol a nodwyd 10.1 Nododd y
Pwyllgor y diweddariadau yng Nghofrestr Risg Corfforaethol y Comisiwn. Nododd y
Cadeirydd fod y risgiau sy’n gysylltiedig â diwygio'r Senedd, seiber-ddiogelwch
a chapasiti a gallu wedi'u trafod fel eitemau sylweddol ar yr agenda. |
|
Archwiliad beirniadol o un risg neu fater sydd eisoes wedi'i nodi neu sy'n dod i'r amlwg - Risg Capasiti a Galluogrwydd Corfforaethol Eitem lafar -
yn cyfeirio at HR-R-170 yn y Gofrestr Risg Gorfforaethol Cofnodion: Eitem lafar
(yn cyfeirio at y diweddariad yn y Gofrestr Risg Gorfforaethol) 11.1 Rhoddodd Ed
Williams drosolwg o’r ffordd y mae’r Comisiwn yn rheoli’r risgiau o ran capasiti
a gallu i gefnogi'r Cynllun Cyflawni Corfforaethol, sydd bellach yn
ymgorffori'r ddwy brif raglen drawsnewid, sef diwygio'r Senedd a Ffyrdd o
Weithio. Nododd fod y gwaith o gynllunio'r gweithlu yn cael ei drafod eto o
ganlyniad i hyn. 11.2 Cyfeiriodd
Ed at y diagram yn Atodiad B i bapur 3, gan dynnu sylw at y ffaith bod
cynllunio gwasanaethau, cynllunio capasiti a chynllunio ariannol yn y tymor
canolig yn rhannau annatod o'r broses lywodraethu sy’n gysylltiedig â’r gwaith
o gyflwyno'r rhaglenni trawsnewid a ‘busnes arferol’ o fewn y Cynllun Cyflawni
Corfforaethol. Cyfeiriodd hefyd at brif themâu'r rhaglen Ffyrdd o Weithio a sut
y byddai'r broses gynllunio yn helpu i sicrhau bod gan y Comisiwn y capasiti
cywir yn y mannau cywir. 11.3 Amlinellodd
Lowri Williams y gwaith y mae’r Comisiwn wedi bod yn ei wneud yn gyson ers sawl
blwyddyn i gynllunio'r gweithlu, gan gynnwys yn ystod y pandemig, pan gafodd
staff eu hadleoli i ddarparu gwasanaethau â blaenoriaeth. Ychwanegodd fod
Penaethiaid Gwasanaeth yn gwerthfawrogi pwysigrwydd cynllunio capasiti mewn
ffordd effeithiol a disgrifiodd yr ymarfer manwl a gynhaliwyd yn ystod yr haf i
nodi unrhyw arbedion effeithlonrwydd posibl ac ystyried cyfleoedd i ddarparu
gwasanaethau mewn gwahanol ffyrdd. Hefyd, nododd Lowri yr heriau sy’n
gysylltiedig â chyfyngiadau ar gyllidebau ac ymateb i farchnad sy'n newid o ran
recriwtio, a nododd hefyd sut y byddai’r templedi cynllunio gwasanaethau newydd
yn hwyluso’r gwaith o gynllunio'r gweithlu ymlaen hyd 2024-25. 11.4 Mewn ymateb
i gwestiynau gan aelodau'r Pwyllgor, disgrifiodd Lowri y ffyrdd y mae
gwybodaeth am sgiliau yn cael ei chasglu fel rhan o'r prosesau cynllunio a
rheoli perfformiad. Amlinellodd hefyd sut roedd gwytnwch yn cael ei gryfhau
drwy, er enghraifft, raglenni datblygu arweinyddiaeth a datblygu seneddol.
Byddai'r cynlluniau gwasanaeth newydd hefyd yn cofnodi manylion unrhyw gapasiti
ychwanegol a sgiliau newydd sydd eu hangen arnom i gyflwyno rhaglen ddiwygio'r
Senedd. 11.5 Ochr yn ochr
â’r risgiau o ran capasiti a gallu, nododd y Cadeirydd fod risgiau ehangach
hefyd wrth i'r Comisiwn weithredu ei strategaeth Ffyrdd o Weithio. Mewn ymateb
i hyn a chwestiynau eraill ynghylch rôl Swyddfa'r Rhaglen, a’r berthynas â’r
swyddfa hon, amlinellodd Ed a Manon sut y bydd yr Uned Cynllunio Strategol
newydd, sy'n cynnwys swyddi wedi'u hail-bwrpasu, yn mabwysiadu dull rheoli
portffolio mwy cyfannol wrth ymdrin â newid. Bydd y Bwrdd Gweithredol yn
goruchwylio’r broses hon, gan ysgwyddo’r cyfrifoldeb am wneud penderfyniadau. Yr
Uned newydd fydd yn gyfrifol am ddatblygu mecanweithiau ar gyfer adrodd yn ôl
i'r Bwrdd Gweithredol, gan gydlynu â’r adroddiadau sy’n dod i law gan Swyddfa'r
Rhaglen. Cytunodd Ed i lunio nodyn briffio ar gyfer aelodau'r Pwyllgor i
gyflwyno manylion pellach am y ffordd y bydd hyn yn gweithio'n ymarferol.
· Ed i lunio papur briffio ychwanegol i'r Pwyllgor ar y trefniadau llywodraethu a newid ar gyfer gweithredu'r Cynllun Cyflawni Corfforaethol |
|
Diweddariad ar seiberddiogelwch Cofnodion: ARAC (22-06)
Papur 9 - Adroddiad sicrwydd Seiberddiogelwch 12.1 Croesawodd y
Cadeirydd Mark Neilson, Jamie Hancock a Tim Bernat i'r cyfarfod i gyflwyno’r
eitem hon. 12.2 Cyflwynodd
Tim Bernat yr Adroddiad Sicrwydd Seiberddiogelwch diweddaraf a disgrifiodd y
dirwedd bresennol o ran bygythiadau yn y maes hwn. Amlinellodd sut y bydd
cyflwyno Canolfan Gweithrediadau Diogelwch newydd ym mis Rhagfyr yn uwchraddio
gallu’r Comisiwn i nodi bygythiadau ymhellach, ac yn darparu tîm pwrpasol o
ddadansoddwyr a pheirianwyr seiberddiogelwch a fydd ar gael 24/7/365.
Ychwanegodd fod cymeradwyaeth wedi’i rhoi i greu swydd Swyddog Seiberddiogelwch
i gynyddu gwytnwch o fewn y tîm. 12.3 Croesawodd y
Pwyllgor y wybodaeth ddiweddaraf hon, a diolchodd i'r tîm am lunio adroddiad
sicrwydd mor gynhwysfawr. Gofynnodd y Cadeirydd i swyddogion drafod lefel y
manylder mewn adroddiadau yn y dyfodol o ran y wybodaeth gefndirol sy’n cael ei
chyflwyno, ac i amlygu unrhyw newidiadau ers y diweddariadau blaenorol. 12.4 Gofynnodd
aelodau'r Pwyllgor am fanylion unrhyw ymdrechion eraill i godi ymwybyddiaeth,
gan gynnwys cynlluniau ar gyfer y digwyddiadau seiber arfaethedig, ac i gynnig
hyfforddiant, gan gynnwys y posibilrwydd o hyfforddiant gorfodol. 12.5 Cadarnhaodd
Mark y byddai'r swydd newydd yn helpu i hwyluso ffocws ar godi ymwybyddiaeth o
risgiau seiber a chynnig hyfforddiant i staff y Comisiwn, yn ogystal ag Aelodau
a'u staff cymorth. Ychwanegodd Manon mai rôl y Comisiwn fyddai penderfynu a
ddylid gwneud unrhyw hyfforddiant yn fandadol. Dywedodd Arwyn ei fod wedi
codi’r mater hwn yn un o'r cyfarfodydd rheolaidd y mae ef a Mark yn eu cael â
Rhun ap Iorwerth AS, y Comisiynydd, i drafod materion TGCh. Awgrymodd Ken
Skates y byddai modd trafod hyfforddiant gorfodol ar gyfer Aelodau a'u staff
cymorth â phob grŵp
gwleidyddol yn ei dro, o gofio bod hyn wedi digwydd mewn meysydd eraill yn y
gorffennol. 12.6 Cadarnhaodd
Tim hefyd fod y tîm wrthi'n cynllunio digwyddiad ymwybyddiaeth seiber ar gyfer
2023 ac y byddai'n datblygu strategaeth ymgysylltu seiber. |
|
Y wybodaeth ddiweddaraf am REWAC a Myfyrdodau gan Ann Beynon ar aelodaeth ARAC Eitem lafar Cofnodion: Eitem lafar 13.1 Diolchodd
Ann Beynon i'r Cadeirydd am neilltuo amser iddi rannu ei myfyrdodau. Roedd hi’n
ddiolchgar am y cyfle i weithio gyda sefydliad sector cyhoeddus ac ychwanegodd
fod gwaith y Pwyllgor wedi bod yn hynod ddiddorol. 13.2 Llongyfarchodd
swyddogion ar safon broffesiynol y papurau y maent yn eu llunio, yn enwedig
mewn perthynas â chyllid, a soniodd am y dull ystyrlon o archwilio mewnol a
ddilynir. 13.3 Diolchodd
Ann hefyd i'r Cadeirydd am y trafodaethau rheolaidd a gafwyd y tu allan i'r
cyfarfodydd ffurfiol. Roedd y trafodaethau hyn wedi helpu i wella ei
dealltwriaeth o weithgarwch Comisiwn y Senedd. Argymhellodd y dylai gwaith y
Pwyllgor barhau i ddatblygu, a chyfeiriodd at gymhlethdod y pwyllgorau cynghori
a'r byrddau wrth i'r Senedd esblygu a'r angen iddynt gydweithio. 13.4 Er bod ei
chysylltiad â swyddogion wedi’i gyfyngu'n fwy diweddar oherwydd y pandemig,
nododd y diwylliant cwrtais, parchus, cadarnhaol a hyderus, yn ogystal â’r
amgylchedd cefnogol, yr oedd wedi dod ar ei draws. Anogodd uwch reolwyr i fod
yn ymwybodol o effaith pwysau allanol ar y diwylliant hwn ac i ystyried sut y
mae unigolion yn ymateb yn wahanol i bwysau o’r fath, gan awgrymu y gallai hyn
gael ei gynnwys mewn hyfforddiant i reolwyr. Soniodd hefyd am bwysigrwydd rhoi
adborth gonest i staff, mewn modd cwrtais, yn unol â’r gwerthoedd sefydliadol o
urddas a pharch. 13.5 Yn ei
sylwadau olaf, anogodd swyddogion i ofalu am eu hunain a'i gilydd. |
|
Adolygu cylch gorchwyl y pwyllgor Cofnodion: ARAC (22-06)
Papur 10 – Y Cylch Gorchwyl presennol 14.1 Cytunodd y
Pwyllgor nad oedd angen gwneud unrhyw newidiadau i'w gylch gorchwyl. |
|
Canlyniadau arolwg effeithiolrwydd y Pwyllgor Cofnodion: ARAC (22-06)
Papur 11 - Adroddiad ar yr arolwg o effeithiolrwydd ARAC 2022 15.1 Diolchodd y
Cadeirydd i'r tîm Clercio am lunio'r adroddiad manwl ar y dadansoddiad o
ganlyniadau'r arolwg. Roedd yn falch o'r sgoriau, a oedd yn cadarnhau ei farn
ar effeithiolrwydd parhaus y Pwyllgor. Diolchodd i bawb am lenwi'r arolwg, yn
arbennig am y sylwadau defnyddiol a wnaed. |
|
Blaenraglen Waith Cofnodion: ARAC (22-06)
Papur 12 - Y flaenraglen waith 16.1 Nodwyd y
flaenraglen waith, y bydd cael ei rhannu y tu allan i'r pwyllgor i wahodd
sylwadau. |
|
Unrhyw Fusnes Arall Cofnodion: 17.1 Talodd y
Cadeirydd deyrnged i Catharine Bray, y Pennaeth Cyllid, sy’n ymddeol o Gomisiwn
y Senedd yn ystod yr wythnosau nesaf. Roedd yn awyddus i ddiolch iddi am ei chefnogaeth
bob amser a nododd fod ei gwybodaeth a'i harbenigedd technegol wedi’u
gwerthfawrogi'n fawr. Hefyd, ategodd ei ddiolch i Nia am ei chefnogaeth a'i
harweiniad yn ystod y blynyddoedd diwethaf.
Disgwylir i'r
cyfarfod nesaf gael ei gynnal ar 13 Chwefror 2023. |