Agenda a Chofnodion

1.1       Croesawodd y Cadeirydd yr Aelodau a'r cyhoedd i'r cyfarfod.

1.2       Datganodd Julie Morgan fuddiant am fod ei merch wedi bod yn rhan o'r tîm GIG Iechyd Cyhoeddus Cymru a fu'n ymchwilio i ddigwyddiadau'n ymwneud â C Difficile ym Mwrdd Iechyd Prifysgol Betsi Cadwaladr.

Bwrdd Iechyd Lleol Prifysgol Betsi Cadwaladr

Geoff Lang, Prif Weithredwr Dros Dro, Bwrdd Iechyd Lleol Prifysgol Betsi Cadwaladr

Dr Martin Duerden, Cyfarwyddwr Meddygol Dros Dro, Bwrdd Iechyd Lleol Prifysgol Betsi Cadwaladr

Angela Hopkins, Cyfarwyddwr Gwasanaethau Nyrsio, Bydwreigiaeth a Chleifion, Bwrdd Iechyd Lleol Prifysgol Betsi Cadwaladr

Helen Simpson, Cyfarwyddwr Cyllid, Bwrdd Iechyd Lleol Prifysgol Betsi Cadwaladr

2.1 Croesawodd y Cadeirydd Geoff Lang, Prif Weithredwr Dros Dro, Bwrdd Iechyd Prifysgol Betsi Cadwaladr; Dr Martin Duerden, Cyfarwyddwr Meddygol Dros Dro, Bwrdd Iechyd Prifysgol Betsi Cadwaladr; Angela Hopkins, Cyfarwyddwr Gwasanaethau Nyrsio, Bydwreigiaeth a Chleifion, Bwrdd Iechyd Prifysgol Betsi Cadwaladr; a Helen Simpson, Cyfarwyddwr Cyllid, Bwrdd Iechyd Prifysgol Betsi Cadwaladr.

2.2 Bu'r Pwyllgor yn holi'r tystion am ganfyddiadau adroddiad Swyddfa Archwilio Cymru ac Arolygiaeth Gofal Iechyd Cymru ar y cyd, ‘Trosolwg o Drefniadau Llywodraethu Bwrdd Iechyd Prifysgol Betsi Cadwaladr’.

Camau gweithredu:

Cytunodd Bwrdd Iechyd Prifysgol Betsi Cadwaladr i ddarparu:

·       Rhagor o fanylion ynghylch pa mor aml y bu cyfarfodydd rhwng Prif Weithredwr GIG Cymru a Phrif Weithredwr ac uwch reolwyr Bwrdd Iechyd Prifysgol Betsi Cadwaladr.

·       Rhagor o fanylion ynghylch pa mor aml y bu cyfarfodydd rhwng Cyfarwyddwr Cyllid y Bwrdd Iechyd a Chyfarwyddwr Cyllid presennol a blaenorol Llywodraeth Cymru.

·       Ffigurau'n dangos sawl claf gafodd lawdriniaeth wedi'i hoedi o ganlyniad i'r lleihad yn nifer y triniaethau a berfformiwyd tuag at ddiwedd y flwyddyn ariannol, yn seiliedig ar y newid i safon perfformiad.

·       Copïau o'r adolygiadau allanol a gynhaliwyd gan Chris Hurst ym mis Ebrill 2012 ac Allegra ym mis Rhagfyr 2012.

PAC(4) 21-13 – Papur 1 - Contract Meddygon Ymgynghorol yng Nghymru – Gohebiaeth gan Llywodraeth Cymru

PAC(4) 21-13 – Papur 2 - Cynnydd o ran cyrraedd Safon Ansawdd Tai Cymru - Gohebiaeth gan Llywodraeth Cymru

PAC(4) 21-13 - Papur 3 - Bil Archwilio ac Atebolrwydd Lleol: Ystyried Memorandwm Cydsyniad Deddfwriaethol

PAC(4) 21-13 – Papur 4 - Bwrdd Draenio Mewnol Cil-y-coed a Gwastadeddau Gwynllŵg – Gohebiaeth gan Swyddfa Archwilio Cymru

Cofnodion y cyfarfod blaenorol

Rhaglen waith - haf 2013

3.1 Nododd y Pwyllgor y papurau a ganlyn:

• Gohebiaeth gan Lywodraeth Cymru ar 'Contract Meddygon Ymgynghorol yng Nghymru';
• Gohebiaeth gan Lywodraeth Cymru gyda'r wybodaeth ddiweddaraf am 'Cynnydd o ran cyrraedd Safon Ansawdd Tai Cymru';
• Gohebiaeth gan Archwilydd Cyffredinol Cymru ynghylch 'Bil Archwilio ac Atebolrwydd Lleol: Memorandwm Cydsyniad Deddfwriaethol';
• Gohebiaeth gan Archwilydd Cyffredinol Cynorthwyol Cymru ar 'Fwrdd Draenio Mewnol Cil-y-coed a Gwastadeddau Gwynllŵg';
• rhaglen waith gweddill tymor yr haf;
• cofnodion cyfarfod 2 Gorffennaf 2013.

Eitemau 5 i 7.

5.1 Trafododd y Pwyllgor y dystiolaeth a gafodd fel rhan o'i ymchwiliad i Drefniadau Llywodraethu Bwrdd Iechyd Prifysgol Betsi Cadwaladr

5.2 Bydd y Pwyllgor yn cymryd rhagor o dystiolaeth fel rhan o'i ymchwiliad ddydd Iau 18 Gorffennaf 2013.

6.1 Yn sgîl cyfyngiadau amser, cytunodd y Pwyllgor i ohirio trafod adroddiad drafft y Pwyllgor, ‘Gwaith Caffael a Rheoli Gwasanaethau Ymgynghori’ tan y cyfarfod ar 16 Gorffennaf 2013.

7.1 Ystyriodd y Pwyllgor ei adroddiad drafft ar y Memorandwm Cydsyniad Deddfwriaethol ar y Bil Archwilio ac Atebolrwydd Lleol.

Gweld trawsgrifiad o'r cyfarfod.