Agenda a Chofnodion

1.1 Croesawodd y Cadeirydd yr Aelodau ac aelodau’r cyhoedd i’r cyfarfod.

Christopher Chapman, Rheolwr Rhaglen – Effeithlonrwydd a Chaffael, Cymdeithas Llywodraeth Leol Cymru

Jonathan Fearn, Cadeirydd Grŵp ar y Cyd CLAW/ACES ar Eiddo ac Ystadau

2.1 Croesawodd y Cadeirydd Christopher Chapman, Rheolwr Rhaglenni – Effeithlonrwydd a Chaffael, Cymdeithas Llywodraeth Leol Cymru; a Jonathan Fearn, Cadeirydd Grŵp Eiddo ac Ystadau CLAW/ACES, i’r cyfarfod.

2.2 Bu’r Aelodau’n holi’r tystion.

2.3 Cytunodd y Pwyllgor i ysgrifennu at Gymdeithas Llywodraeth Leol Cymru gan ofyn cwestiynau nas gofynnwyd yn ystod trafodion y Pwyllgor.

FIN(4) 03-13 – Papur 1 – Cydwasanaethau GIG Cymru

Neil Davies, Cyfarwyddwr Cynorthwyol, Gwasanaeth Cyfleusterau, Cydwasanaethau GIG Cymru

3.1 Croesawodd y Cadeirydd Neil Davies, Cyfarwyddwr Cynorthwyol, Gwasanaethau Cyfleusterau, Cydwasanaethau GIG Cymru, i’r cyfarfod.

3.2 Bu’r Aelodau’n holi’r tyst.

Camau i’w cymryd:

Cytunodd Cydwasanaethau GIG Cymru i ddarparu:

·         Astudiaethau achos sy’n dangos sut y mae GIG Cymru wedi cydweithio â chyrff cyhoeddus eraill ym maes rheoli asedau er mwyn gwella’r broses o ddarparu gwasanaethau.

·         Rhestr o enghreifftiau sy’n dangos lle mae cyrff sydd ynghlwm â GIG Cymru wedi defnyddio’r Protocol Trosglwyddo Tir yn effeithiol.

FIN(4) 03-13 – Papur 2 – Cyngor Gweithredu Gwirfoddol Cymru

Phil Fiander, Cyfarwyddwr Menter ac Adfywio, Cyngor Gweithredu Gwirfoddol Cymru

Mathew Brown, Cymunedau Rheolwr Buddsoddi y Gronfa

Peter Williams, Cyfarwyddwr, Cymdeithas Ymddiriedolaethau Datblygu Cymru

4.1 Croesawodd y Cadeirydd Phil Fiander, Cyfarwyddwr Menter ac Adfywio, Cyngor Gweithredu Gwirfoddol Cymru; Mathew Brown, Rheolwr y Gronfa Fuddsoddi Gymunedol; a Peter Williams, Cyfarwyddwr Cymdeithas Ymddiriedolaethau Datblygu Cymru.

4.2 Bu’r Pwyllgor yn holi’r tystion.

Cam i’w gymryd:

Cytunodd Cyngor Gweithredu Gwirfoddol Cymru i ddarparu:

·         Nodyn yn amlinellu enghreifftiau o sefydliadu yn y sector gwirfoddol sy’n rheoli asedau fel adnoddau, a hynny er mwyn gwella’r broses o ddarparu gwasanaethau, ac sy’n gwneud hyn fel rhan o’u strategaeth gyffredinol.

FIN(4) 03-13 – Papur 3 – Cyllideb Atodol Llywodraeth Cymru 2013-2014

Jane Hutt AC, y Gweinidog Cyllid ac Arweinydd y Tŷ

Jo Salway, Pennaeth Cyllidebu Strategol

Matthew Denham-Jones, Pennaeth Rheoli ac Adrodd Cyllidebau

Jeff Andrews, Cynghorydd Polisi Arbenigol

5.1 Croesawodd y Cadeirydd Jane Hutt AC, y Gweinidog Cyllid ac Arweinydd y Tŷ; Jo Salway, Pennaeth Cyllidebu Strategol; Matthew Denham-Jones, Pennaeth Rheoli a Chofnodi Cyllidebau; a Jeff Andrews, Cynghorydd Polisi Arbenigol.

5.2 Bu’r Pwyllgor yn craffu ar waith y Gweinidog mewn perthynas â Chyllideb Atodol Llywodraeth Cymru ar gyfer 2013-14.

Camau i’w cymryd:

Cytunodd y Gweinidog i roi:

• Eglurhad o’r cais yn y cynnig cyllideb atodol am leihad yn y swm i’w dalu o Gronfa Gyfunol Cymru, yn sgîl y ffaith bod ffynonellau eraill o incwm yn uwch na’r lefelau a ragwelwyd yn wreiddiol, a dadansoddiad o’r ffynonellau hyn a’r symiau a ragwelir.
• Eglurhad o’r cyllid a ddyrannwyd yn ystod y flwyddyn ariannol bresennol i’r cynllun NewBuy (cynllun gwarantu morgeisi) ac i fond tai Cymru - ac eglurhad ynghylch a fydd unrhyw ran o’r cyllid hwn yn cael ei defnyddio yn sgîl dyddiadau tebygol y lansiad. Cytunodd hefyd i roi eglurhad o sut y bwriedir ariannu’r cynllun NewBuy yn y gyllideb, ar adeg gwneud darpariaeth, ac os bydd diffygdaliad sy’n arwain at gost i Lywodraeth Cymru.
• Gwybodaeth bellach am drosglwyddo cyllid cyfalaf o ad-daliadau buddsoddi i arbed er mwyn cwrdd â chostau technoleg gwybodaeth, a manylion am sut y mae’r cyllid refeniw ar gyfer y gronfa wedi cynyddu o ganlyniad i drosglwyddiadau pellach.

FIN(4) 03-13 – Papur 4 – Buddsoddi i Arbed – Nodiadau o ymweliadau Aelodau

FIN(4) 03-13 – Papur 5 – Buddsoddi i Arbed – Llywodraeth Cymru – Ymateb i bwyntiau gweithredu o gyfarfod ar 16 Ionawr 2013

Cofnodion y cyfarfod blaenorol

6.1 Nododd y Pwyllgor y papur ar ymweliadau buddsoddi i arbed; yr ohebiaeth a gafwyd gan Lywodraeth Cymru mewn ymateb i’r camau gweithredu a ddeilliodd o’r cyfarfod a gynhaliwyd ar 16 Ionawr; a chofnodion y cyfarfod blaenorol.

Eitemau 8 a 9.

8.1 Bu’r Pwyllgor yn trafod goblygiadau ariannol y Bil Gwasanaethau Cymdeithasol, a chytunodd yr Aelodau i wahodd y Dirprwy Weinidog Plant a Gwasanaethau Cymdeithasol i un o gyfarfodydd nesaf y Pwyllgor, er mwyn gallu craffu ar ei gwaith.

9.1 Bu’r Pwyllgor yn trafod y dystiolaeth a gafwyd ar gyllideb atodol Llywodraeth Cymru ar gyfer 2013-14, a rhoddwyd cyfarwyddyd i’r Clerc baratoi adroddiad drafft ar ran y Pwyllgor.

10.1 Bu’r Pwyllgor yn trafod y dystiolaeth a gafwyd ar reoli asedau, a thystion posibl ar gyfer y cyfarfodydd sydd i ddod.

10.2 Cytunodd y Pwyllgor i baratoi arolwg ar gyfer prif weithredwyr cyrff cyhoeddus er mwyn cael rhagor o dystiolaeth ar gyfer yr ymchwiliad.

Trawsgrifiad o'r cyfarfod.