Agenda a Chofnodion

1.1        Croesawodd y Cadeirydd yr Aelodau a’r cyhoedd i’r cyfarfod.

FIN(4) 02-13 – Papur 1 – Creu gwell synergedd rhwng cyllideb yr UE a chyllidebau cenedlaethol ac is-genedlaethol

Rhodri Glyn Thomas AC, Pwyllgor y Rhanbarthau, yr UE

Gregg Jones, Pennaeth Swyddfa’r UE, Cynulliad Cenedlaethol Cymru

2.1 Croesawodd y Cadeirydd Rhodri Glyn Thomas AC, Pwyllgor y Rhanbarthau, yr UE; a Gregg Jones, Pennaeth Swyddfa’r UE, Cynulliad Cenedlaethol Cymru.    

2.2 Holodd yr Aelodau y tystion.

Camau i’w cymryd:

Cytunodd Rhodri Glyn Thomas i ddarparu:

·         Y wybodaeth ddiweddaraf am waith Pwyllgor y Rhanbarthau o ystyried ei adroddiad ar greu gwell synergedd rhwng cyllideb yr UE a chyllidebau cenedlaethol ac is-genedlaethol.

Eitemau 4 a 7.

4.1 Trafododd y Pwyllgor oblygiadau ariannol sefydlu Cyfoeth Naturiol Cymru a chytunodd i’w hystyried ymhellach mewn cyfarfod yn y dyfodol.

FIN(4) 02-13 – Papur 2 – Grŵp Arwain y Gwasanaeth Cyhoeddus

Dr Helen Paterson, Cadeirydd Rheoli Asedau, Grŵp Arwain y Gwasanaeth Cyhoeddus a Phrif Weithredwr Cyngor Bwrdeistref Sirol Wrecsam

Sioned Evans, Grŵp Arwain y Gwasanaeth Cyhoeddus

5.1 Croesawodd y Cadeirydd Dr Helen Paterson, Cadeirydd Rheoli Asedau, Grŵp Arwain y Gwasanaeth Cyhoeddus a Phrif Weithredwr Cyngor Bwrdeistref Sirol Wrecsam; a Sioned Evans, Cymorth i’r Rhaglen Waith ynghylch Caffael a Rheoli Asedau, Grŵp Arwain y Gwasanaeth Cyhoeddus, a Dirprwy Gyfarwyddwr yr Is-adran Eiddo, Llywodraeth Cymru.

5.2 Holodd y Pwyllgor y tystion.

Camau i’w cymryd:

Cytunodd Grŵp Arwain y Gwasanaeth Cyhoeddus i ddarparu:

·         Rhagor o wybodaeth ynglŷn â nifer yr adeiladau cyhoeddus y gellid eu defnyddio fel llety;

·         Sesiwn i ddangos i’r Aelodau sut mae e-PIMS, sef cronfa ddata eiddo y sector cyhoeddus, yn gweithio; 

·         Rhagor o wybodaeth ynghylch y naw prosiect peilot sy’n ymwneud â rheoli asedau a sut y cawsant eu dewis;

·         Nodyn ynglŷn â sut mae Grŵp Arwain y Gwasanaeth Cyhoeddus yn mynd i’r afael â’r argymhelliad a wnaed gan y Pwyllgor Cyfrifon Cyhoeddus yn ei adroddiad ‘Darlun o Wasanaethau Cyhoeddus’ i nodi a hyrwyddo enghreifftiau o arfer da gan y gwasanaethau brys i ddarparu gwasanaethau o fewn y gyllideb, i wneud defnydd da o gydweithio a darparu newid trawsffurfiol.

·         Copi electronig o ddogfen Llywodraeth Cymru ynghylch Cyflwr yr Ystad.

·         Rhagor o wybodaeth sy’n rhagamcanu nifer yr adeiladau sy’n rhan o ystad weinyddol Llywodraeth Cymru.

6.1 Nododd y Pwyllgor gofnodion y cyfarfod a gynhaliwyd ar 16 Ionawr 2013.

7.1 Trafododd y Pwyllgor y dystiolaeth a gafwyd ar gyfer ei ymchwiliad i’r broses o Reoli Asedau.

Gweld trawsgrifiad o'r cyfarfod.