Agenda a Chofnodion

Gweld trawsgrifiad o'r cyfarfod.

1.1 Cafwyd ymddiheuriadau gan Joyce Watson AC, Eluned Parrott AC, David Rees AC.  Dirprwyodd Mike Hedges AC ar gyfer Joyce Watson AC a dirprwyodd William Powell ar gyfer Eluned Parrott AC.

Tystion:

·         James Brown, Cyfarwyddwr, Powell Dobson Urbanists

·         Alan Davies, Cyfarwyddwr Eiddo a Seilwaith, Capita

Dogfennau ategol:

EBC(4)-42-13(p1) – Crynodeb Gweithredol ynghylch y METRO

EBC(4)-42-13(p2) - Astudiaeth o effaith y METRO (adroddiad llawn)

2.1 Cafodd y Pwyllgor dystiolaeth gan James Brown, a oedd yn cynrychioli Powell Dobson Urbanists, ac Alan Davies, a oedd yn cynrychioli Capita.

Tystion:

·         Edwina Hart AC, Gweinidog yr Economi, Gwyddoniaeth a Thrafnidiaeth,  Llywodraeth Cymru

·         Mark Barry, Cynghorydd Arbennig ar Wasanaethau Metro, Llywodraeth Cymru

·         James Price, Cyfarwyddwr Cyffredinol, Yr Economi, Gwyddoniaeth a Thrafnidiaeth, Llywodraeth Cymru

Dogfennau ategol:

EBC(4)-42-13(p3) – Papur Llywodraeth Cymru

3.1 Craffodd y Pwyllgor ar waith Edwina Hart AC, Gweinidog yr Economi, Gwyddoniaeth a Thrafnidiaeth. Cefnogwyd y Gweinidog gan Mark Barry, Cynghorwr Arbennig ar y Metro, Llywodraeth Cymru, a James Price, Cyfarwyddwr Cyffredinol Adran yr Economi, Gwyddoniaeth a Thrafnidiaeth, Llywodraeth Cymru.

3.2 Cytunodd y Gweinidog i ddarparu adroddiad ar drefn y digwyddiadau a arweiniodd at y sefyllfa bresennol o ran y Rhwydwaith Drafnidiaeth Traws-Ewropeaidd a rhoi'r wybodaeth ddiweddaraf am y cynnydd a wnaed wrth ymdrin â'r ffaith bod Cymru wedi'i heithrio o'r coridorau rhwydwaith craidd arfaethedig ac ymgysylltiad Llywodraeth Cymru â'r Comisiwn i gael mynediad at gyllid.

3.3 Cytunodd y Gweinidog hefyd i ddarparu'r wybodaeth i'r Pwyllgor o fewn chwe mis am y cynnydd a wnaed gan y Grŵp Annibynnol, sydd wedi cael y dasg o ddatblygu'r argymhellion a wnaed yn yr Adroddiad a gyhoeddwyd gan Gonsortiwm y Metro, sef "Metro Prifddinas-Ranbarth Caerdydd: astudiaeth effaith".  

Dogfennau ategol:

EBC(4)-42-13(p4) – Llythyr y Gweinidog i holl Aelodau’r Cynulliad ynghylch y fframwaith TEN-T

Cofnodion y cyfarfod blaenorol

4.1 Nododd y Pwyllgor y dogfennau ategol canlynol:

Cofnodion y cyfarfod blaenorol

EBC(4)-42-13(p3) – Llythyr y Gweinidog at holl Aelodau'r Cynulliad am y fframwaith TEN-T

Dogfennau ategol:

EBC(4)-42-13 (p5) - Cynllunio'r Gwaith Craffu Ariannol

SESIWN BREIFAT