Agenda a Chofnodion

1.1 Cafwyd ymddiheuriadau gan Darren Millar.  Nid oedd dim dirprwyon.

HSC(4)-12-11 papur 1- Fferyllfeydd Cymunedol yr Alban

Elspeth Weir, Pennaeth Polisi a Datblygu, Fferyllfeydd Cymunedol yr Alban

Malcolm Clubb, Uwch Fferyllydd Polisi a Datblygu, Fferyllfeydd Cymunedol yr Alban

HSC(4)-12-11 papur 2 – Y Gymdeithas Fferyllol Frenhinol

Alex MacKinnon, Cyfarwyddwr yr Alban, y Gymdeithas Fferyllol Frenhinol

2.1 Ymatebodd y tystion i gwestiynau gan Aelodau’r Pwyllgor ar y cyfraniad a wneir gan fferyllfeydd cymunedol i wasanaethau iechyd.

2.2 Cytunodd tystion o Fferyllfeydd Cymunedol yr Alban ddarparu:

·         copi o adroddiad gan Lywodraeth yr Alban ar ei adolygiad o wasanaeth iechyd cyhoeddus y fferyllfeydd cymunedol ar gyfer rhoi’r gorau i ysmygu a dulliau brys o atal cenhedlu hormonaidd;

·         linc i adroddiad gan Brifysgol Manceinion ar y newid mewn dulliau ymgynghori â chleifion mewn gofal sylfaenol a oedd yn archwilio i nifer y bobl yn yr Alban a ddefnyddiodd y Gwasanaeth Mân Anafiadau yn yr Alban.

HSC(4)-12-11 papur 3

3.1 Ystyriodd y Pwyllgor y papur ar ei ddull o weithredu mewn cysylltiad â’r ddarpariaeth o doiledau cyhoeddus yng Nghymru. Cytunodd y Pwyllgor y dylai ei waith ganolbwyntio ar y diffyg darpariaeth toiledau cyhoeddus ac effaith hyn ar iechyd y cyhoedd, ac y dylai’r ymgynghoriad cyhoeddus ddod i ben ar 23 Rhagfyr 2011.

3.2 Cytunodd y Pwyllgor i ychwanegu sefydliadau ychwanegol at y rhestr ymgynghori arfaethedig.

Cofnodion y cyfarfod a gynhaliwyd ar 10 Tachwedd

HSC(4)-10-11 cofnodion

4.1 Nododd y Pwyllgor gofnodion y cyfarfod a gynhaliwyd ar 10 Tachwedd.

HSC(4)-12-11 papur 4

4.2 Nododd y Pwyllgor y dystiolaeth ychwanegol gan Fferylliaeth Gymunedol Cymru.

5.1 Cymeradwyodd y Pwyllgor y cynnig o dan Reol Sefydlog 17.42(vi) i benderfynu gwahardd y cyhoedd o’r cyfarfod ar gyfer eitem 6.

6.1 Ystyriodd y Pwyllgor y materion sy’n codi o’i ymchwyliad i’r cyfraniad a wneir gan fferyllfeydd cymuneol i wasanaethau iechyd yng Nghymru.

Gweld trawsgrifiad o’r cyfarfod.