Agenda a Phenderfyniadau

 

Gweld y cwestiynau

Dechreuodd yr eitem am 13.30

Gofynnwyd y 10 cwestiwn cyntaf. Atebwyd cwestiynau 4 a 5 gan y Dirprwy Weinidog Gwasanaethau Cymdeithasol.

 

Ni chyflwynwyd unrhyw gwestiynau.

Ni chyflwynwyd unrhyw gwestiynau.

 

Gweld y cwestiynau

Dechreuodd yr eitem am 14.17

Gofynnwyd cwestiynau 1, 3 i 4 a 6 i 10. Tynnwyd cwestiynau 2 a 5 yn ôl.

 

NDM5235 Jenny Rathbone (Canol Caerdydd)

 

Cynnig bod Cynulliad Cenedlaethol Cymru:

 

1. Yn nodi bod hyrwyddo diodydd egni llawn caffein i blant a phobl ifanc yn achos o bryder sylweddol i iechyd y cyhoedd; a

 

2. Yn galw ar Lywodraeth Cymru i weithredu i godi ymwybyddiaeth o’r pryderon iechyd sy'n ymwneud â diodydd egni llawn caffein.

 

Cefnogir gan:

Angela Burns (Gorllewin Caerfyrddin a De Sir Benfro)

Ann Jones (Dyffryn Clwyd)

Keith Davies (Llanelli)

Ken Skates (De Clwyd)

Aled Roberts (Gogledd Cymru)

Mike Hedges (Dwyrain Abertawe)

Joyce Watson (Canolbarth a Gorllewin Cymru)

 

Cyflwynwyd y gwelliant a ganlyn:

 

Gwelliant 1 - Simon Thomas (Canolbarth a Gorllewin Cymru)

 

Dileu pwynt 2.

Dechreuodd yr eitem am 15.02

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

NDM5235 Jenny Rathbone (Canol Caerdydd)

Cynnig bod Cynulliad Cenedlaethol Cymru:

1. Yn nodi bod hyrwyddo diodydd egni llawn caffein i blant a phobl ifanc yn achos o bryder sylweddol i iechyd y cyhoedd; a

2. Yn galw ar Lywodraeth Cymru i weithredu i godi ymwybyddiaeth o’r pryderon iechyd sy'n ymwneud â diodydd egni llawn caffein.

O blaid	Ymatal	Yn erbyn	Cyfanswm
36	5	10	51

Derbyniwyd y cynnig heb ei ddiwygio.

 

NDM5240 William Graham (Dwyrain De Cymru)

 

Cynnig bod Cynulliad Cenedlaethol Cymru:

 

1. Yn nodi methiant Llywodraeth Cymru i gyrraedd targedau allweddol ar draws pob portffolio, yn enwedig amseroedd ymateb ambiwlansys ac amseroedd aros damweiniau ac achosion brys;

 

2. Yn galw ar Lywodraeth Cymru i roi enghreifftiau sy'n dangos sut y mae'r Uned Gyflawni wedi gwella cyflawni mewn portffolios penodol, gan sicrhau bod yr hyn sy'n cael ei addo yn cael ei gyflawni; a

 

3. Yn annog y Prif Weinidog i roi'r wybodaeth ddiweddaraf i'r Cynulliad Cenedlaethol yn rheolaidd am gynnydd ym mhob maes polisi y gellir ei briodoli'n uniongyrchol i'r Uned Gyflawni.

 

Cyflwynwyd y gwelliannau a ganlyn:

 

Gwelliant 1 - Aled Roberts (Gogledd Cymru)

 

Cynnwys pwynt 2 newydd ac ail-rifo yn unol â hynny:

 

Yn galw ar Lywodraeth Cymru i gyhoeddi dangosyddion ystadegol a thargedau penodedig ochr yn ochr â holl strategaethau’r llywodraeth.

 

Gwelliant 2 - Aled Roberts (Gogledd Cymru)

 

Cynnwys pwynt 2 newydd ac ail-rifo yn unol â hynny:

 

Yn galw ar Brif Weinidog Cymru i ddarparu manylion am strwythur a chost yr Uned Gyflawni a sut mae'n gweithredu i gyflawni'r rôl a gafodd ei diffinio gan y Prif Weinidog yn ei ddatganiad ysgrifenedig ar 13 Gorffennaf 2011.

 

Mae datganiad ysgrifenedig y Prif Weinidog ar gael drwy ddilyn y linc ganlynol:

 

http://wales.gov.uk/about/cabinet/cabinetstatements/2011/13julydeliveryunit/?skip=1&lang=cy

 

Gwelliant 3 - Jocelyn Davies (Dwyrain De Cymru)

 

Ym mhwynt 3 dileu’r cyfan ar ôl "Weinidog i” a rhoi yn ei le “gynnal dadl flynyddol ar gynnydd yr Uned Gyflawni yn y Cynulliad Cenedlaethol.

Dechreuodd yr eitem am 15.57

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

NDM5240 William Graham (Dwyrain De Cymru)

Cynnig bod Cynulliad Cenedlaethol Cymru:

1. Yn nodi methiant Llywodraeth Cymru i gyrraedd targedau allweddol ar draws pob portffolio, yn enwedig amseroedd ymateb ambiwlansys ac amseroedd aros damweiniau ac achosion brys;

2. Yn galw ar Lywodraeth Cymru i roi enghreifftiau sy'n dangos sut y mae'r Uned Gyflawni wedi gwella cyflawni mewn portffolios penodol, gan sicrhau bod yr hyn sy'n cael ei addo yn cael ei gyflawni; a

3. Yn annog y Prif Weinidog i roi'r wybodaeth ddiweddaraf i'r Cynulliad Cenedlaethol yn rheolaidd am gynnydd ym mhob maes polisi y gellir ei briodoli'n uniongyrchol i'r Uned Gyflawni.

O blaid	Ymatal	Yn erbyn	Cyfanswm
13	0	37	50

Gwrthodwyd y cynnig heb ei ddiwygio.

Cyflwynwyd y gwelliannau a ganlyn:

Gwelliant 1 - Aled Roberts (Gogledd Cymru)

Cynnwys pwynt 2 newydd ac ail-rifo yn unol â hynny:

Yn galw ar Lywodraeth Cymru i gyhoeddi dangosyddion ystadegol a thargedau penodedig ochr yn ochr â holl strategaethau’r llywodraeth.

Cynhaliwyd pleidlais ar welliant 1:

O blaid	Ymatal	Yn erbyn	Cyfanswm
25	0	26	51

Gwrthodwyd gwelliant 1.

Gwelliant 2 - Aled Roberts (Gogledd Cymru)

Cynnwys pwynt 2 newydd ac ail-rifo yn unol â hynny:

Yn galw ar Brif Weinidog Cymru i ddarparu manylion am strwythur a chost yr Uned Gyflawni a sut mae'n gweithredu i gyflawni'r rôl a gafodd ei diffinio gan y Prif Weinidog yn ei ddatganiad ysgrifenedig ar 13 Gorffennaf 2011.

Cynhaliwyd pleidlais ar welliant 2:

O blaid	Ymatal	Yn erbyn	Cyfanswm
25	0	26	51

Gwrthodwyd gwelliant 2.

Gwelliant 3 - Jocelyn Davies (Dwyrain De Cymru)

Ym mhwynt 3 dileu’r cyfan ar ôl "Weinidog i” a rhoi yn ei le “gynnal dadl flynyddol ar gynnydd yr Uned Gyflawni yn y Cynulliad Cenedlaethol.

Cynhaliwyd pleidlais ar welliant 3:

O blaid	Ymatal	Yn erbyn	Cyfanswm
12	0	38	50

Gwrthodwyd gwelliant 3.

Gan fod y Cynulliad wedi gwrthod y cynnig heb ei ddiwygio, ac wedi gwrthod y gwelliannau a gyflwynwyd i’r cynnig, gwrthodwyd y cynnig.

 

NDM5239 Jocelyn Davies (Dwyrain De Cymru)

 

Cynnig bod Cynulliad Cenedlaethol Cymru:

 

1. Yn nodi pwysigrwydd buddsoddi yn y seilwaith o ran caffael, prentisiaethau, cyflogaeth a busnesau bach yn economi Cymru;

 

2. Yn cydnabod yr effaith negyddol ar economi Cymru yn sgîl toriadau i'r gyllideb gyfalaf yn Adolygiad Cynhwysfawr o Wariant 2010; a

 

3. Yn galw am ddiogelu'r gyllideb gyfalaf i Gymru yn yr Adolygiad Cynhwysfawr o Wariant sydd ar y gweill.

 

Cyflwynwyd y gwelliannau a ganlyn:

 

Gwelliant 1 - William Graham (Dwyrain De Cymru)

 

Cynnwys pwynt 1 newydd, ac ailrifo yn unol â hynny:

 

Yn galw ar Lywodraeth Cymru i feddwl mewn ffordd arloesol ac i ystyried pob model wrth ariannu prosiectau cyfalaf.

 

Gwelliant 2 - Aled Roberts (Gogledd Cymru)

 

Ym mhwynt 1, ar ôl ‘seilwaith’ cynnwys ‘, gan gynnwys cyllid ar gyfer band eang cyflym iawn a thrydaneiddio Prif Reilffordd y Great Western i Abertawe a chymoedd de Cymru,'

 

Gwelliant 3 - William Graham (Dwyrain De Cymru)

 

Cynnwys ar ddiwedd pwynt 1, ‘ac yn croesawu buddsoddiad Llywodraeth y DU mewn seilweithiau band eang a thrafnidiaeth yng Nghymru’

 

Gwelliant 4 - Aled Roberts (Gogledd Cymru)

 

Cynnwys pwynt 2 newydd ac ailrifo yn unol â hynny:

 

Yn croesawu’r ffaith bod Llywodraeth y DU wedi creu Banc Buddsoddi Gwyrdd, sy’n cyfeirio biliynau o bunnoedd o fuddsoddiad preifat i faes ynni adnewyddadwy, ac yn galw ar Lywodraeth Cymru i amlinellu ei chamau i gefnogi busnesau i wneud cais am arian i sicrhau'r buddsoddiad gorau posibl yn y seilwaith ynni a swyddi gwyrdd yng Nghymru.

 

Gwelliant 5 - William Graham (Dwyrain De Cymru)

 

Cynnwys pwynt 2 newydd ac ailrifo yn unol â hynny:

 

Yn galw ar Lywodraeth Cymru i roi gwybodaeth glir i’r gymuned fusnes yng Nghymru am unrhyw bolisïau caffael newydd ar gyfer prosiectau seilwaith.

 

Gwelliant 6 - William Graham (Dwyrain De Cymru)

 

Dileu pwyntiau 2 a 3 a rhoi yn eu lle:

 

Yn nodi bod Llywodraeth Cymru wedi cael mwy na £858 miliwn o gyllid cyfalaf ychwanegol yn ystod cyfnod yr Adolygiad o Wariant presennol.

 

[Os derbynnir gwelliant 6, bydd gwelliant 7 yn cael ei dad-ddethol]

 

Gwelliant 7 - Aled Roberts (Gogledd Cymru)

 

Dileu pwynt 2 a rhoi yn ei le:

 

Yn gresynu at y lefelau gwario anghynaliadwy ac anghyfrifol o dan Lywodraeth Lafur flaenorol y DU, a arweiniodd at ddiffyg blynyddol o £170.8 biliwn erbyn diwedd 2009-10, ac yn croesawu’r camau sy’n cael eu cymryd gan Lywodraeth bresennol y DU sydd wedi torri traean oddi ar y diffyg, wedi creu miliwn a chwarter o swyddi newydd yn y sector preifat ac wedi cadw'r cyfraddau llog ar eu lefelau isaf erioed bron, a fydd yn helpu i sicrhau sefydlogrwydd ar gyfer buddsoddi yn economi Cymru.

Dechreuodd yr eitem am 16.55

Gohiriwyd y bleidlais ar y cynnig a’r gwelliannau o dan yr eitem hon tan y cyfnod pleidleisio.

Cynhaliwyd pleidlais ar y cynnig heb ei ddiwygio:

NDM5239 Jocelyn Davies (Dwyrain De Cymru)

Cynnig bod Cynulliad Cenedlaethol Cymru:

1. Yn nodi pwysigrwydd buddsoddi yn y seilwaith o ran caffael, prentisiaethau, cyflogaeth a busnesau bach yn economi Cymru;

2. Yn cydnabod yr effaith negyddol ar economi Cymru yn sgîl toriadau i'r gyllideb gyfalaf yn Adolygiad Cynhwysfawr o Wariant 2010; a

3. Yn galw am ddiogelu'r gyllideb gyfalaf i Gymru yn yr Adolygiad Cynhwysfawr o Wariant sydd ar y gweill.

O blaid	Ymatal	Yn erbyn	Cyfanswm
33	0	18	51

Derbyniwyd y cynnig heb ei ddiwygio.

 

Dechreuodd yr eitem am 17:45

 

 

NDM5238 Mark Isherwood (Gogledd Cymru): Niwroffisiotherapi yng Nghymru

 

Dadl ar ddarparu ffisiotherapi i bobl sy'n byw gyda chyflyrau niwrolegol.

Dechreuodd yr eitem am 17.52

NDM5238 Mark Isherwood (Gogledd Cymru): Niwroffisiotherapi yng Nghymru

Dadl ar ddarparu ffisiotherapi i bobl sy'n byw gyda chyflyrau niwrolegol.