Ymchwiliad i gynigion Llywodraeth Cymru ar gyfer yr M4 o amgylch Casnewydd

Edrychodd Pwyllgor Amgylchedd a Chynaliadwyedd Cynulliad Cenedlaethol Cymru ar gynigion Llywodraeth Cymru ar gyfer yr M4 yn ardal Casnewydd.

Trafododd y Pwyllgor a oedd cynigion Llywodraeth Cymru mewn perthynas â’r M4, a’r broses hyd y pwynt hwnnw, wedi taro cydbwysedd effeithiol rhwng anghenion a buddiannau economaidd ac amgylcheddol.

Clywodd y Pwyllgor dystiolaeth gan randdeiliaid ar 6 Tachwedd 2013 a chan Weinidog yr Economi, Gwyddoniaeth a Thrafnidiaeth yn gynnar yn 2014.

Mae manylion cynigion Llywodraeth Cymru ar gael yn: http://www.m4newport.com/ (Saesneg yn unig)

Mae pob cyfarfod lle y cafodd yr ymchwiliad hwn ei drafod yn ymddangos o dan y tab 'Cyfarfodydd' uchod.

Mae ymatebion i'r ymgynghoriad, gohebiaeth a dogfennau ysgrifenedig perthnasol eraill wedi’u cyhoeddi ar waelod y dudalen hon.