Ymatebion i'r Arolwg: Plant a Phobl Ifanc

Fel rhan o ymgynghoriad Cynulliad Cenedlaethol Cymru ar y Bil Teithio Llesol (Cymru), cynhaliodd y Tîm Allgymorth arolwg gan ddefnyddio holiaduron ar-lein ac ar bapur i ofyn i gyfranogwyr am eu barn a'u harferion o ran teithio llesol. Yn ôl gofynion y Pwyllgor, plant a phobl ifanc oedd y gynulleidfa a dargedwyd, yn enwedig y rhai o oedran ysgol uwchradd.

Mae'r ddogfen hon yn crynhoi'r ymatebion a gafwyd yn ystod y cyfnod ymgysylltu allanol, sef rhwng 18 Mawrth a 9 Ebrill 2013. Cafwyd ymatebion hefyd gan gyfranogwyr nad oeddent o'r un oedran â'r grŵp targed. Darparwyd dadansoddiad o'r ymatebion fesul grŵp oedran.