P-06-1542 Ymrwymo i gefnogi dyfodol Ysgol Gymraeg Llundain

Petitions4

Cyflwynwyd y ddeiseb hon gan Glenys Roberts, ar ôl casglu 1,837 o lofnodion.

Geiriad y ddeiseb:

Mae Llywodraeth Cymru wedi cyhoeddi ei bod am dynnu ei grant blynyddol o £90,000 yn ôl o fis Mawrth 2026. Heb y grant hwn, bydd yr ysgol yn cau gan chwalu’r modd mwyaf effeithiol o hyrwyddo'r iaith Gymraeg yn Llundain.

Gwybodaeth Ychwanegol:

Daw’r grant o strategaeth ‘Cymraeg 2050’, sy’n anelu at gyrraedd miliwn o siaradwyr Cymraeg. Mae Llywodraeth Cymru wedi dweud y bydd y £90k hwn yn dal i gael ei ddefnyddio i hyrwyddo'r iaith yn Llundain, ond nid yw wedi rhoi manylion ynghylch sut yn union. Mae'n amlwg mai y ffordd orau o hyrwyddo unrhyw iaith yw addysgu y genhedlaeth nesaf o siaradwyr rhugl. Mae'r ysgol yn dod dros effeithiau covid ac yn tyfu mewn nifer. Nawr yw'r amser i fuddsoddi yn nyfodol yr ysgol, nid i dorri'r cyllid yn ôl.

Statws 

Yn ei gyfarfod ar 26/01/2026 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 26/01/2026. 

Etholaeth a Rhanbarth y Senedd

• Gorllewin Clwyd
• Gogledd Cymru

[PetitionFooter]