Mewnfuddsoddi

Inquiry2

Mae Pwyllgor yr Economi, Masnach a Materion Gwledig wedi’i sefydlu gan y Senedd i edrych ar bolisi a deddfwriaeth, ac i ddwyn Llywodraeth Cymru i gyfrif mewn meysydd penodol. Mae'r meysydd hyn yn cynnwys busnes, datblygu economaidd, sgiliau, masnach ryngwladol, amaethyddiaeth, pysgodfeydd a bwyd.

Mae'r Pwyllgor yn cynnal ymchwiliad i Fewnfuddsoddi.

Cylch gorchwyl

Yn benodol, bydd y Pwyllgor yn ystyried:

>>>> 

>>>Pa mor effeithiol yw dull Llywodraeth Cymru o ddenu mewnfuddsoddwyr i Gymru, a beth yw ei brif gryfderau a'i wendidau? Sut y dylid mynd i'r afael ag unrhyw wendidau canfyddedig? 

>>>I ba raddau y mae dull Llywodraeth Cymru o ddenu mewnfuddsoddi yn targedu meysydd cryfder o fewn economi Cymru? Pa mor llwyddiannus yw hi o ran manteisio ar gyfleoedd mewn sectorau newydd sydd â’r potensial i chwarae rôl allweddol yn economi'r dyfodol?

>>>Pa mor dda y mae gwahanol haenau’r llywodraeth yn gweithio gyda'i gilydd i ddod â mewnfuddsoddi i Gymru, ac a oes unrhyw welliannau y gellid eu gwneud?

>>>Pa mor effeithiol yw Llywodraeth Cymru o ran darparu cymorth parhaus i fewnfuddsoddwyr, ac i ba raddau y mae hyn yn cefnogi buddsoddwyr presennol i ehangu neu ddiogelu eu gweithrediadau yng Nghymru?

>>>Beth yw'r rhwystrau allweddol y mae Cymru yn eu hwynebu wrth ddenu a chadw mewnfuddsoddi, a sut y dylid mynd i'r afael â'r rhain?

>>>Pa enghreifftiau o arfer gorau o'r tu hwnt i Gymru y gallai Llywodraeth Cymru ddysgu ohonynt mewn perthynas â denu mewnfuddsoddi a darparu cefnogaeth barhaus i fewnfuddsoddwyr?

>>>I ba raddau mae'r data sydd ar gael yn darparu darlun clir a chynhwysfawr o fewnfuddsoddi yng Nghymru, ac a oes unrhyw welliannau y dylid eu gwneud?

<<<