P-06-1513 Apêl: Bil Awtistiaeth Cymru 2019 (I’r Nifer Fach, Nid y Nifer Fawr)

Petitions4

Cyflwynwyd y ddeiseb hon gan Spencer Errol Grennan FRSA, ar ôl casglu 597 o lofnodion.

Geiriad y ddeiseb:

Gwrthododd mwyafrif yr Aelodau Llafur y Bil Awtistiaeth (Cymru), er ei botensial i wella bywydau pobl awtistig yn sylweddol. Mae’r ddeiseb hon yn galw ar Lywodraeth Cymru i ailystyried ei safbwynt a blaenoriaethu hawliau ac anghenion unigolion awtistig.

Peidiwch â gadael i bobl awtistig gael eu hanwybyddu! Rhaid i Lywodraeth Cymru gymryd camau i wella eu bywydau. Llofnodwch nawr i fynnu newid a chefnogi hawliau unigolion awtistig.

Gwybodaeth Ychwanegol:

Roedd y Bil Awtistiaeth (Cymru) yn cynnig amddiffyniadau hollbwysig i bobl awtistig, gan gynnwys fframwaith cyfreithiol ar gyfer gwasanaethau awtistiaeth, strategaeth awtistiaeth fandadol, ac ymgyrch codi ymwybyddiaeth. Roedd y Bil yn cyd-fynd â’r Ddeddf Hawliau Dynol, Deddf Llesiant Cenedlaethau’r Dyfodol 2015, a Chonfensiynau’r Cenhedloedd Unedig ar Hawliau Pobl ag Anableddau, gan bwysleisio ymagwedd yn seiliedig ar hawliau at awtistiaeth.

Nid oes gan y Cod Ymarfer presennol y mecanweithiau gorfodi a'r cosbau penodol sydd eu hangen i sicrhau cydymffurfiaeth, gan adael unigolion awtistig yn agored i niwed. Mae gwrthod y Bil yn gadael bwlch sylweddol o ran diogelu hawliau pobl awtistig a mynd i'r afael â'r heriau y maent yn eu hwynebu wrth gael mynediad at wasanaethau a chymorth.

Rydym yn annog Llywodraeth Cymru i ailystyried y Bil Awtistiaeth (Cymru) a blaenoriaethu anghenion pobl awtistig. Drwy ddeddfu’r ddeddfwriaeth hon, gall Cymru ddangos ei hymrwymiad i gynhwysiant a llesiant ei holl ddinasyddion.

Statws 

Yn ei gyfarfod ar 14/07/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 14/07/2025. 

Etholaeth a Rhanbarth y Senedd

• Gorllewin Caerdydd
• Canol De Cymru

[PetitionFooter]