Gwaith monitro parhaus o offerynnau statudol a ystyriwyd gan y Pwyllgor Deddfwriaeth, Cyfiawnder a’r Cyfansoddiad

Ym mis Ionawr 2025, cytunodd y Pwyllgor Deddfwriaeth, Cyfiawnder a’r Cyfansoddiad y byddai’n monitro pryd a sut y mae Llywodraeth Cymru yn cynnig offerynnau statudol Cymru newydd i gywiro gwallau mewn offerynnau statudol a nodwyd yn flaenorol gan y Pwyllgor yn ei adroddiadau i’r Senedd.

Bydd y Pwyllgor yn diweddaru ei ddadansoddiad yn rheolaidd ac yn ystyried yn rheolaidd pa gamau, os o gwbl, y gallai fod angen eu cymryd.

Ionawr 2026

Yn ei gyfarfod ar 26 Ionawr 2026, trafododd y Pwyllgor ei waith monitro parhaus o offerynnau statudol lle nodwyd gwallau.

Cytunodd y Pwyllgor i rannu eto ei ddadansoddiad diweddaraf gyda’r Cwnsler Cyffredinol a’r Gweinidog Cyflawni.

Medi 2025

Yn ei gyfarfod ar 22 Medi 2025, trafododd y Pwyllgor ei waith monitro parhaus o offerynnau statudol lle nodwyd gwallau.

Cytunodd y Pwyllgor i ysgrifennu at Ysgrifennydd y Cabinet dros Iechyd a Gofal Cymdeithasol, mewn perthynas â chamgymeriad drafftio posibl gydag offeryn statudol sydd o fewn eu cylch gwaith.

Yn ogystal, cytunodd y Pwyllgor i rannu eto ei ddadansoddiad diweddaraf gyda’r Cwnsler Cyffredinol a’r Gweinidog Cyflawni.

Mai 2025

Yn ei gyfarfod ar 6 Mai 2025, trafododd y Pwyllgor ei waith monitro parhaus o offerynnau statudol y nodir gwallau ynddynt.

Cytunodd y Pwyllgor i ysgrifennu at y Dirprwy Brif Weinidog ac Ysgrifennydd y Cabinet dros Newid Hinsawdd a Materion Gwledig ac at y Gweinidog Plant a Gofal Cymdeithasol mewn perthynas â gwallau mewn offerynnau statudol o fewn eu priod gylchoedd gwaith.

Ar ben hynny, cytunodd y Pwyllgor i rannu ei ddadansoddiad wedi'i ddiweddaru â’r Cwnsler Cyffredinol a’r Gweinidog Cyflawni.

Ionawr 2025

Yn ei gyfarfod ar 13 Ionawr 2025, trafododd y Pwyllgor yr offerynnau statudol a ystyriwyd gan y Pwyllgor yn ystod 2024 lle mae Llywodraeth Cymru wedi nodi y bydd yn cyflwyno offeryn diwygio i gywiro gwallau y mae’r Pwyllgor wedi’u nodi.

Cytunodd y Pwyllgor y bydd yn ysgrifennu at Weinidogion perthnasol Cymru mewn perthynas ag offerynnau pan fo’n ymddangos bod angen offerynnau diwygio.

At hynny, cytunodd y Pwyllgor y dylid rhannu ei ddadansoddiad gyda’r Cwnsler Cyffredinol er gwybodaeth.