P-06-1506 Rydym yn galw am ddiwedd ar gyllid cyhoeddus pellach ar gyfer llwybrau beicio a seilwaith beicio yng Nghymru

Petitions4

Cyflwynwyd y ddeiseb hon gan Steve Williams, ar ôl casglu 530 o lofnodion.

Geiriad y ddeiseb:

Mae symiau sylweddol eisoes wedi’u cyfeirio at brosiectau beicio, a reolir gan sefydliadau fel Sustrans, drwy garedigrwydd Llafur Cymru. Er bod llwybrau beicio yn darparu buddion i ran fechan o'r boblogaeth, mae dyrannu'r cronfeydd hyn yn dod ar draul meysydd llawer mwy hanfodol, megis gofal iechyd ac addysg sy'n gwasanaethu'r boblogaeth ehangach. Credwn y dylid ailgyfeirio arian trethdalwyr i gefnogi’r gwasanaethau hanfodol hyn sydd o fudd i bawb, nid prosiectau arbenigol.

Gwybodaeth Ychwanegol:

Rhwng mis Ebrill 2021 a mis Mawrth 2024, derbyniodd Sustrans (elusen) £3,879,376.26 gan Lywodraeth Cymru. Cyfeirnod: LLYW.Cymru

Yn 2020, cyhoeddodd Llywodraeth Cymru fuddsoddiad o £38 miliwn mewn teithio llesol ledled Cymru, gan nodi’r buddsoddiad mwyaf erioed mewn gwelliannau teithio llesol lleol yn y wlad. Cyfeirnod: Sustrans

At hynny, ym mis Tachwedd 2024, dyfarnwyd contract newydd i Sustrans Cymru i gyflawni rhaglen Teithiau Llesol Llywodraeth Cymru, gan barhau â’i waith i gefnogi plant a phobl ifanc ledled Cymru i deithio’n gynaliadwy ac yn egnïol. Cyfeirnod: Sustrans

Mae’r buddsoddiadau sylweddol hyn yn amlygu’r cyllid sylweddol a ddyrannwyd eisoes i’r seilwaith beicio a rhaglenni cysylltiedig yng Nghymru.

Mae buddsoddi mewn meysydd hollbwysig sy’n gwasanaethu’r boblogaeth ehangach yn hanfodol ar gyfer llesiant Cymru. Gadewch inni flaenoriaethu’r hyn sy’n wirioneddol bwysig a sicrhau bod arian cyhoeddus yn cael ei ddefnyddio lle gall wneud y gwahaniaeth mwyaf i nifer fawr, nid nifer fach.

Statws 

Yn ei gyfarfod ar 14/07/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 14/07/2025. 

Etholaeth a Rhanbarth y Senedd:

·     Gorllewin Casnewydd

·     Dwyrain De Cymru

[PetitionFooter]