P-06-1497 Rhoi terfyn ar gyllid Llywodraeth Cymru ar gyfer arbrofi ar anifeiliaid a chyfeirio arian at dechnolegau modern sy’n berthnasol i bobl

Petitions4

Cyflwynwyd y ddeiseb hon gan Deborah Davies, ar ôl casglu 12,250 o lofnodion ar-lein a 1,681 o lofnodion ar bapur, sy'n golygu cyfanswm o 13,931 o lofnodion.

Geiriad y ddeiseb:

Cafodd anifeiliaid eu defnyddio dros 39,000 o weithiau yng Nghymru yn 2022, sy’n gynnydd o gymharu â 2021. Fodd bynnag, mae arolygon barn yn dangos bod y rhan fwyaf o bobl yn erbyn ymchwil anifeiliaid, gan ffafrio technolegau newydd. (South Wales Argus, mis Ebrill 2021)

Mae pedair prifysgol yng Nghymru (Aberystwyth, Bangor, Caerdydd, ac Abertawe) yn cynnal astudiaethau ar anifeiliaid. Ac eto, mae Grŵp Trawsbleidiol y Senedd ar Ymchwil Feddygol (adroddiad ymchwiliad 2023) yn annog Llywodraeth Cymru i gynyddu ei chyllid ar Ymchwil gysylltiedig ag Ansawdd i brifysgolion a chreu cymhelliant i’r sector er mwyn cronni buddion economaidd.

Gwybodaeth Ychwanegol:

Dylai ehangu ymchwil feddygol heb graffu ar sut mae’r arian yn cael ei wario fod yn destun pryder i bobl Cymru, gan mai trethiant yn bennaf sy’n talu am ymchwil a ariennir yn gyhoeddus. Mae angen buddsoddi mewn gwyddoniaeth arloesol megis systemau organ ar sglodyn, bioargraffu 3D a modelu cyfrifiadurol. Y technolegau hyn, sy'n seiliedig ar fioleg ddynol, a fydd yn gallu rhoi hwb i'r economi, cryfhau'r GIG a chyflawni ar gyfer cleifion. Ar wahân i’r dioddefaint maent yn ei achosi, mae astudiaethau ar anifeiliaid yn annibynadwy ac yn gostus, gan rwystro cynnydd meddygol yn hytrach na’i hyrwyddo.

O ystyried addewid maniffesto Llywodraeth Lafur i bartneru â gwyddonwyr, y diwydiant, a chymdeithas sifil i weithio tuag at ddileu profion ar anifeiliaid yn raddol, mae i’w weld yn gyfle delfrydol i foderneiddio ymchwil yng Nghymru. Drwy graffu ar sut mae ei chyfraniad ariannol yn cael ei ddefnyddio a chyfeirio arian at ddulliau sy’n berthnasol i bobl, gall Llywodraeth Cymru osod esiampl ac annog y diwydiant a’r sector elusennol i’w dilyn yn hynny o beth.

Statws 

Yn ei gyfarfod ar 28/04/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 28/04/2025. 

Etholaeth a Rhanbarth y Senedd:

·     Gŵyr

·     Gorllewin De Cymru

[PetitionFooter]