Adolygiad ôl-ddeddfwriaethol o Ddeddf Ombwdsmon Gwasanaethau Cyhoeddus (Cymru) 2019

Inquiry4

Mae’r Pwyllgor Cyllid yn cynnal adolygiad ôl-ddeddfwriaethol o Ddeddf Ombwdsmon Gwasanaethau Cyhoeddus (Cymru) 2019.

Gosododd y Pwyllgor Cyllid ei adroddiad (PDF 3.7MB) ar 10 Hydref 2025. Ymatebodd (PDF 348 KB) Ombwdsmon Gwasanaethau Cyhoeddus Cymru i adroddiad y Pwyllgor ar 5 Rhagfyr 2025.

Cefndir

Mae Deddf Ombwdsmon Gwasanaethau Cyhoeddus (Cymru) 2019 (Deddf 2019) yn ei gwneud yn ofynnol i’r Senedd gynnal adolygiad ôl-ddeddfwriaethol cyn gynted ag y bo’n ymarferol ar ôl 21 Mai 2024 (sef pum mlynedd ers i Ddeddf 2019 gael Cydsyniad Brenhinol).

Fel y Pwyllgor sy’n gyfrifol am oruchwylio Ombwdsmon Gwasanaethau Cyhoeddus Cymru (‘yr Ombwdsmon’) fel y nodir o dan Reol Sefydlog 18A, y Pwyllgor Cyllid sy’n gyfrifol am adolygu Deddf 2019.

Cylch gorchwyl

Bydd adolygiad y Pwyllgor yn canolbwyntio ar y meysydd canlynol:

>>>> 

>>>Gweithrediad ac effeithiolrwydd Deddf 2019 hyd yma ac a yw wedi gwella rôl Ombwdsmon Gwasanaethau Cyhoeddus Cymru (yr Ombwdsmon) a chynyddu hyder y cyhoedd ynddo.

>>>Y ffordd y caiff y broses o dderbyn cwynion llafar gan yr Ombwdsmon ei chymhwyso’n ymarferol ac a yw gallu’r Ombwdsmon i nodi gofynion ar gyfer gwneud cwyn mewn canllawiau wedi gwella cyfiawnder cymdeithasol a chyfle cyfartal i ddinasyddion Cymru.

>>>Sut mae’r Ombwdsmon wedi arfer y pŵer i gynnal ymchwiliadau ar ei liwt ei hun ac a yw’r pŵer hwn wedi darparu mecanwaith i amddiffyn y rhai sydd fwyaf agored i niwed mewn cymdeithas.

>>>Pa mor effeithiol yw gallu’r Ombwdsmon i ymchwilio i driniaeth feddygol breifat (gan gynnwys gofal nyrsio) ar lwybr iechyd cyhoeddus/preifat.

>>>Rôl yr Ombwdsmon mewn perthynas â safonau a gweithdrefnau ymdrin â chwynion ac i ba raddau y mae darpariaethau Deddf 2019 wedi gwella’r modd y mae cyrff o fewn awdurdodaeth yr Ombwdsmon yn ymdrin â chwynion.

>>>I ba raddau y mae amcanion polisi Deddf 2019 wedi’u bodloni, unrhyw ddatblygiadau yn y pum mlynedd ers cyflwyno’r Ddeddf a sut mae’r Ddeddf yn cymharu ag arfer gorau presennol.

>>>Costau a buddion Deddf 2019, sut mae’r rhain yn cymharu â’r amcangyfrifon a nodir yn y Memorandwm Esboniadol a ph’un a gyflawnwyd gwerth am arian.

<<< 

Sesiynau tystiolaeth