P-06-1463 Parhau i ariannu swyddogion heddlu ysgolion sy'n addysgu plant ac yn cefnogi ysgolion

Petitions4

Cyflwynwyd y ddeiseb hon gan Cai Gleaves, ar ôl casglu 5,717 lofnodion.

Geiriad y ddeiseb:

Caniataodd School Beat Cymru i 68 o swyddogion heddlu ysgolion o’r pedwar  heddlu yng Nghymru gyflwyno gwersi ar gamddefnyddio sylweddau, diogelwch personol, materion diogelu ac ymddygiad.

Ond mae Llywodraeth Cymru am roi'r gorau i ariannu'r cynllun er mwyn arbed £2m y flwyddyn o fis Ebrill ymlaen.

Gwybodaeth Ychwanegol:

Bydd hyn yn cael effaith niweidiol ar adnoddau ysgolion a’r heddlu, sydd eisoes dan bwysau sylweddol. Yn ogystal ag addysgu disgyblion, mae swyddogion heddlu ysgolion yn ymateb i helyntion mewn ysgolion. Maent wedi datblygu sgiliau a gwybodaeth benodol i ymdrin â phroblemau mewn ysgolion ac wedi meithrin perthynas waith dda gyda staff a disgyblion. Heb swyddog heddlu penodedig, bydd yn rhaid i ysgolion ffonio 101, a gallai hynny hefyd orlethu’r ganolfan gyfathrebu a rhoi pwysau ychwanegol ar swyddogion ymateb cyffredinol. Bydda hyn yn lleihau ymhellach yr adnoddau i ymateb i alwadau eraill. Mae helyntion yn codi’n rheolaidd mewn ysgolion, yn enwedig ysgolion uwchradd, ac mae cael swyddog penodedig yn ffordd fwy effeithiol ac effeithlon o ymdrin â sefyllfaoedd o'r fath.

Statws 

Yn ei gyfarfod ar 24/03/2025 penderfynodd y Pwyllgor Deisebau fod y ddeiseb hon wedi'i chwblhau.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 02/12/2024

Etholaeth a Rhanbarth y Senedd:

>>>> 

>>>Dwyrain Caerfyrddin a Dinefwr

>>>Canolbarth a Gorllewin Cymru

<<< 

[PetitionFooter]