Yr Economi Sylfaenol

Inquiry5

Mae'r Pwyllgor yr Economi, Masnach a Materion Gwledig wedi’i sefydlu gan y Senedd i edrych ar bolisi a deddfwriaeth, ac i ddwyn Llywodraeth Cymru i gyfrif mewn meysydd penodol. Mae'r meysydd hyn yn cynnwys busnes, datblygu economaidd, sgiliau, masnach ryngwladol, amaethyddiaeth, pysgodfeydd a bwyd.

Cynhaliodd y Pwyllgor ymchwiliad i'r Economi Sylfaenol.

Yn benodol, ystyriodd y Pwyllgor:

>>>> 

>>>I ba raddau y mae Llywodraeth Cymru wedi gwreiddio cymorth i’r economi sylfaenol yn y ffordd y mae’n ymdrin yn gyffredinol â datblygu economaidd? Pa gamau pellach y dylai eu cymryd i wneud hyn?

>>>O ystyried natur drawsbortffolio’r economi sylfaenol, sut y dylai Llywodraeth Cymru greu dull cydgysylltiedig o brif ffrydio cymorth i sectorau’r economi sylfaenol ar draws y llywodraeth?

>>>Pa rai o fentrau polisi Llywodraeth Cymru ar yr economi sylfaenol sydd wedi bod fwyaf llwyddiannus, a pham? Pa rai sydd heb weithio cystal, a pham?

>>>Pa enghreifftiau o arfer gorau sy’n bodoli yng ngwahanol sectorau a lleoedd yr economi sylfaenol yng Nghymru neu’r tu hwnt i Gymru? Sut y gallai Llywodraeth Cymru gefnogi partneriaid yn well i sicrhau arfer gorau, ac i ehangu hynny lle y bo’n briodol?

>>>Pa gynnydd sydd wedi’i wneud o ran defnyddio caffael i gryfhau’r economi sylfaenol ers i’r Pwyllgor a’n rhagflaenodd ystyried y mater hwn yn 2019? Pa gamau pellach sydd eu hangen i sicrhau mwy o gynnydd, a pha enghreifftiau arloesol o arfer gorau y gellid adeiladu arnynt?

>>>Pa mor effeithiol y mae camau gweithredu Llywodraeth Cymru wedi bod i sicrhau gwaith teg yn sectorau’r economi sylfaenol? Pa gamau pellach y dylai eu cymryd o fewn ei phwerau datganoledig i symud yr agenda hon yn ei blaen, a sut y gall weithio gyda Llywodraeth y DU i ysgogi gwelliannau mewn meysydd nad ydynt wedi’u datganoli?

<<< 

Adroddiad
Cyhoeddodd y Pwyllgor ei adroddiad - Yr Economi Sylfaenol – ar 17 Ebrill 2025 (PDF 3.64MB)

Ymateb Llywodraeth Cymru (PDF 177KB)

Cynhaliwyd dadl yn y Cyfarfod Llawn ar 9 Gorffennaf 2025