Llythrennedd iechyd

Roedd y Pwyllgor wedi dewis llythrennedd iechyd fel Maes o Ddiddordeb Ymchwil. Mae llythrennedd iechyd yn ymwneud â gallu unigolion i ddod o hyd i wybodaeth iechyd, deall y wybodaeth honno a gweithredu yn ei chylch, i wybod pa wasanaethau iechyd i'w defnyddio a phryd i'w defnyddio, ac i fod yn bartneriaid gweithredol yn eu gofal. Dyma hefyd sut mae sefydliadau perthnasol yn diwallu'r anghenion hynny, gan alluogi unigolion i gael mynediad at wybodaeth a gwasanaethau iechyd, eu deall a’u defnyddio.

Cyhoeddodd y Pwyllgor ei Faes o Ddiddordeb Ymchwil ym mis Awst 2022 ac wedi hynny gofynnodd i Dr Emily Marchant o Brifysgol Abertawe, gyda chefnogaeth yr Athro Tom Crick, Adran Addysg ac Astudiaethau Plentyndod, Prifysgol Abertawe, wneud rhywfaint o waith yn y maes hwn.

Mae Dr Marchant wedi llunio dau adroddiad ar gyfer y Pwyllgor:

>>>> 

>>>'Iechyd, Addysg a Ffyniant i  Bawb: Cymru fel Prawf Llythrennedd Iechyd', Rhagfyr 2023

>>>Llythrennedd iechyd yn yr ysgol ar gyfer plant a phobl ifanc yng Nghymru', Ebrill 2023

<<<

Mae'r Pwyllgor wedi ystyried y ddau adroddiad ac wedi cytuno i ddefnyddio eu mewnwelediadau yn ei ymchwiliadau yn y dyfodol.