P-06-1402 Diwygio deddfwriaeth yng Nghymru i alinio â Lloegr mewn perthynas â chynyddu'r dreth gyngor yn ormodol

Petitions4

Cyflwynwyd y ddeiseb hon gan David Titheridge, ar ôl casglu 331 o lofnodion.

Geiriad y ddeiseb:        

Yn Lloegr mae’n rhaid i awdurdodau lleol benderfynu a yw’r cynnydd maent yn bwriadu ei gyflwyno i’r dreth gyngor yn ‘ormodol’. Mae’r Ysgrifennydd Gwladol yn pennu trothwyon ar gyfer pa mor ormodol yw cynnydd yn y dreth, a elwir yn ‘egwyddorion refferendwm’. Ar hyn o bryd gall cynghorau lleol yng Nghymru gynyddu’r dreth gyngor hyd at 10% y flwyddyn heb refferendwm lleol, ac mae cynghorau lleol yng Nghymru wedi gwneud hyn yn ystod y 12 mis diwethaf. Mae llawer yn bwriadu gwneud hyn eto gan roi baich ariannol enfawr ar aelwydydd sydd eisoes yn ei chael hi’n anodd.

Gwybodaeth Ychwanegol:

Mae’r papur briffio hwn https://commonslibrary.parliament.uk/research-briefings/sn05682/ yn egluro’r system o gael refferendwm lleol ar gyfer cynnydd ‘gormodol’ i’r dreth gyngor, sydd wedi bod ar waith yn Lloegr ers blwyddyn ariannol 2012/13. Mae’n egluro’r cefndir cyfreithiol i’r system, gan gynnwys y gweithdrefnau, amseru, a chostau ar gyfer refferenda, a sut mae unrhyw gynnydd i’r dreth gyngor yn cael ei gyflwyno gan awdurdodau lleol.

Statws 

Yn ei gyfarfod ar 04/03/2024 penderfynodd y Pwyllgor Deisebau fod y ddeiseb hon wedi'i chwblhau.  

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod. 

Cafodd ei thrafod gyntaf gan y Pwyllgor Deisebau ar 04/03/2024.

Etholaeth a Rhanbarth y Senedd

• Clwyd West
• North Wales

[PetitionFooter]