P-06-1383 Dylid oedi prosiectau solar a gwynt ar y tir dros 10 MW hyd nes y caiff potensial llawn ynni gwynt ar y môr ei gynnwys
P-06-1383 Dylid oedi prosiectau solar a gwynt ar y tir dros 10 MW hyd nes y caiff potensial llawn ynni gwynt ar y môr ei gynnwys
Cyflwynwyd y ddeiseb hon gan Carys Matthews, ar ôl casglu 5,351 o lofnodion
ar-lein a 3,747 o lofnodion ar bapur, i wneud cyfanswm o 9,098 lofnodion.
Geiriad y ddeiseb:
Er mwyn atal difrod diangen ar raddfa eang yng nghefn gwlad Cymru, rydym yn
galw ar Lywodraeth Cymru i roi moratoriwm ar bob datblygiad dros 10 MW ar gyfer
ynni gwynt ar y tir ac ynni solar a osodir ar dir, hyd nes y caiff Cymru’r
Dyfodol 2040 a thargedau ynni adnewyddadwy Llywodraeth Cymru eu diweddaru a’u
hymgorffori yn Ynni Morol Cymru i sicrhau bod potensial llawn gwynt ar y môr,
solar ar ben toeau, a ffynonellau ynni eraill sy’n dod i’r amlwg yn cael ei
gydnabod fel blaenoriaeth hollbwysig ar gyfer brwydro yn erbyn newid hinsawdd.
Gwybodaeth Ychwanegol:
Ar hyn o bryd, mae Cymru’n cynhyrchu 30 awr Terra-Watt (TWh) o ynni (gyda
55 y cant o hynny’n dod o ynni adnewyddadwy), a dim ond 14 TWh y mae’n eu
defnyddio. Fodd bynnag, amcangyfrifir y bydd y galw yn cynyddu i 45 TWh erbyn
2050.
Mae gan Gymru botensial enfawr o ran ynni gwynt ymhell ar y môr (yn
sefydlog ac yn arnofiol)—rhagwelir y bydd prosiectau ynni gwynt arfaethedig ym
Môr Iwerddon a’r Môr Celtaidd cynhyrchu o leiaf 100 TWh o ynni gyda’i gilydd.
Amcangyfrifir hefyd y gallai hyd at 50 y cant o’r ynni a ddefnyddir yng
Nghymru ddod o solar ar ben toeau tai, busnesau a meysydd parcio dan do.
Ac eto, nid yw potensial llawn ynni gwynt ar y môr na solar ar ben toeau yn
cael ei gyfrif ym mholisi Llywodraeth Cymru. Cydnabu’r Gweinidog Newid Hinsawdd
i Ymgyrch Diogelu Cymru Wledig nad yw hynny’n digwydd, gan nodi nad yw’r
ddogfen bolisi, Cymru’r Dyfodol, wedi cael ei diweddaru mewn tair blynedd.
Rydym yn galw am i bolisi gael ei ddiweddaru i gynnwys potensial llawn ynni
gwynt ar y môr, solar ar ben toeau a thechnolegau eraill sy’n dod i’r amlwg, a
hynny er mwyn sicrhau ein bod yn aberthu cyn lleied o gefn gwlad a thir amaeth
â phosibl.
Statws
Yn ei gyfarfod ar 11/12/2023 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a nododd fod ymateb y
Gweinidogion i’r Pwyllgor yn glir ac nid ydynt yn cefnogi moratoriwm. Daeth yr
Aelodau i'r casgliad, yng ngoleuni hyn, na allai'r Pwyllgor fynd â'r mater a
godwyd yn y ddeiseb ymhellach a chytunodd i gau'r ddeiseb.
Gellir gweld manylion llawn ynghylch trafodaeth y
Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar
11/12/2023.
Etholaeth a Rhanbarth y Senedd
- Sir Drefaldwyn
- Canolbarth a Gorllewin Cymru
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 11/12/2023