P-06-1364 Argyfwng deintyddiaeth yng Nghymru. Rhaid sicrhau bod gan bob oedolyn a phlentyn fynediad at ddeintydd

Cyflwynwyd y ddeiseb hon gan Allan Hudspeth, ar ôl casglu 637 o lofnodion.

Geiriad y ddeiseb:       

Ym mis Hydref 2022, roedd rhestr aros 26 mis i gofrestru gyda deintydd GIG a chael archwiliad yng Nghymru.

Roedd llythyr agored gan Gymdeithas Ddeintyddol Prydain deintyddion y GIG yn beirniad contractau newydd a gyflwynwyd gan Lywodraeth Cymru, ac yn galw am welliannau a buddsoddiadau y mae mawr eu hangen i sicrhau bod pawb yng Nghymru yn gallu cael mynediad at wasanaethau deintyddol.

Roedd yn mynegi pryderon ynghylch llawer o ddeintyddion yn gadael y GIG i fynd i bractis preifat.

https://www.bbc.co.uk/news/uk-wales-64351984  

Dylai pawb gael mynediad at ofal deintyddol, archwiliadau rheolaidd a thriniaeth amserol.

Gwybodaeth ychwanegol:

Yn anffodus, mae fy neintydd wedi gadael y GIG i fynd i bractis preifat. O ganlyniad, rwyf wedi bod yn chwilio am ddeintydd GIG arall ac mae’r un agosaf y gwnes i ei ganfod 79 milltir o fy nghartref, sy’n annerbyniol. 

Statws

Yn ei gyfarfod ar 13/11/2023 penderfynodd y Pwyllgor Deisebau fod y ddeiseb hon wedi'i chwblhau.

Trafododd y Pwyllgor y ddeiseb ac o ystyried bod y Pwyllgor Iechyd a Gofal Cymdeithasol eisoes wedi cynnal gwaith craffu manwl yn ystod y flwyddyn ddiwethaf – a bod Llywodraeth Cymru wedi derbyn y rhan fwyaf o argymhellion ei hadroddiad – nid yw’n glir beth arall y gallai’r Pwyllgor ei wneud ar hyn o bryd er mwyn ychwanegu gwerth pellach.

Yng ngoleuni hyn, cytunodd y Pwyllgor i gau’r ddeiseb, gan ddiolch i’r deisebydd am amlygu'r mater pwysig hwn.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 13/11/2023.

Etholaeth a Rhanbarth y Senedd

• Islwyn
• Dwyrain De Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio
• Briffiau ymchwil deisebau