Mwyhau Cyllid yr UE - Y Rhaglen Cronfeydd Strwythurol a'r Rhaglen Datblygu Gwledig

Ar 2 Mehefin 2023, cyhoeddodd yr Archwilydd Cyffredinol adroddiad yn edrych i weld a oedd WEFO a Llywodraeth Cymru yn sicrhau bod cymaint o arian â phosibl yn cael ei dynnu i lawr o gronfeydd yr UE. Roedd yr adroddiad yn ymdrin â’r Rhaglen Cronfeydd Strwythurol a’r Rhaglen Datblygu Gwledig ar gyfer 2014-2020. Cytunodd y Pwyllgor Cyfrifon Cyhoeddus a Gweinyddiaeth Gyhoeddus i ystyried yr adroddiad, a chynhaliwyd sesiwn dystiolaeth gyda Llywodraeth Cymru a WEFO ar 14 Medi 2023.

Yn dilyn hynny, ysgrifennodd y Pwyllgor at Lywodraeth Cymru a WEFO ar 24 Hydref 2023 i ofyn am ragor o wybodaeth i helpu ystyriaeth y Pwyllgorau o adroddiad Archwilio Cymru ynghylch Gwneud y Mwyaf o Arian yr UE. Cafodd y Pwyllgor ymateb ar 15 Tachwedd 2023.