Bargeinion Dinesig a Thwf

Inquiry5

Mae Pwyllgor yr Economi, Masnach a Materion Gwledig wedi’i sefydlu gan y Senedd i edrych ar bolisi a deddfwriaeth, ac i ddwyn Llywodraeth Cymru i gyfrif mewn meysydd penodol. Mae'r meysydd hyn yn cynnwys busnes, datblygu economaidd, sgiliau, masnach ryngwladol, amaethyddiaeth, pysgodfeydd a bwyd.

Mae’r Pwyllgor yn cynnal ymchwiliad i Fargeinion Dinesig a Thwf.

Cylch Gorchwyl

Mae’r Pwyllgor yn ceisio deall y safbwynt diweddaraf mewn perthynas â phob un o’r pedair Bargen Ddinesig a Thwf, ac mae’n awyddus i edrych yn fanwl ar y meysydd a ganlyn:

>>>> 

>>>Hynt y gwaith hyd yma a’r amserlen ar gyfer ei wneud – gan gynnwys y cynnydd a wneir yn erbyn targedau, ac unrhyw bwysau neu heriau sy’n effeithio ar y gwaith

>>>Trafod rhai o’r prosiectau a’r buddsoddiadau pwysicaf – megis gorsaf bŵer Aberddawan yn achos Bargen Ddinesig Prifddinas-Ranbarth Caerdydd (gan gynnwys goblygiadau ariannol posibl y setliad cyfreithiol sydd ar y gweill)

>>>Deall effaith y bargeinion – gan gynnwys lledaenu’r gweithgarwch yn rhanbarthol

>>>Llywodraethiant ac atebolrwydd democrataidd – gan gynnwys rôl Cyd-bwyllgorau Corfforedig

>>>Y buddsoddiad sydd ar gael yn y sector preifat

>>>Sut mae gweithgareddau’r Bargeinion Dinesig a Thwf yn cyd-fynd â’r dirwedd cymorth busnes ehangach – gan gynnwys adolygiad Llywodraeth Cymru o gymorth busnes, ac a oes cyfleoedd i gydweithredu a chydgysylltu’n fwy â Llywodraeth Cymru.

<<< 

¬¬¬Gwaith Craffu Blaenorol – mis Medi 2023

Mae Pwyllgor yr Economi, Masnach a Materion Gwledig wedi craffu ar weithgarwch pedair Bargen Ddinesig a Thwf Cymru o’r blaen, yn ystod sesiwn tystiolaeth lafar ar 13 Medi 2023.

Crynodeb

Bryd hynny, bu’r Pwyllgor yn edrych ar weithgarwch y Bargeinion Dinesig a Thwf yng Nghymru, a sut y mae’n cyd-fynd â’r strategaethau economaidd ar gyfer Cymru a’r DU, yn unol â’r cylch gorchwyl a ganlyn:

>>>> 

>>>Y sefyllfa bresennol o ran y pedair Bargen Ddinesig a Thwf a’r camau nesaf sydd yn yr arfaeth i fwrw ymlaen â hwy

>>>Effaith arfaethedig y Bargeinion Dinesig a’r Bargeinion Twf a’r ffordd y caiff hyn ei lywodraethu, ei ariannu a’i fonitro

>>>Y manteision posibl a gynigir gan y Bargeinion

>>>I ba raddau y gallai'r Bargeinion Twf a'r Bargeinion Dinesig ddatrys neu waethygu anghydraddoldebau presennol, o fewn rhanbarthau a rhyngddynt

>>>I ba raddau y mae’r Bargeinion Twf a’r Bargeinion Dinesig yn cyd-fynd â strategaeth Llywodraeth Cymru a strategaeth y DU ar gyfer datblygu a thwf rhanbarthol

<<<< 

zzz