Bwrdd Iechyd Prifysgol Betsi Cadwaladr
Bwrdd Iechyd Prifysgol Betsi Cadwaladr
Mae’r Pwyllgor Iechyd a Gofal Cymdeithasol
a'r Pwyllgor Cyfrifon Cyhoeddus a
Gweinyddiaeth Gyhoeddus wedi cytuno i ymgymryd â gwaith ar y cyd mewn
perthynas â Bwrdd Iechyd Prifysgol Betsi Cadwaladr (y Bwrdd Iechyd).
Y cefndir
Mae’r Pwyllgor
Cyfrifon Cyhoeddus a Gweinyddiaeth Gyhoeddus eisoes wedi ymgymryd â gwaith ar faterion llywodraethu ym
Mwrdd Iechyd Prifysgol Betsi Cadwaladr yn ystod y Chweched Senedd, gan
gynnwys cymryd tystiolaeth fanwl gan y Bwrdd Iechyd ym mis Mawrth 2022, gohebiaeth
gyda’r Bwrdd Iechyd a'r Gweinidog Iechyd a Gwasanaethau Cymdeithasol, a
thystiolaeth gan Gyngor Iechyd Cymuned Gogledd Cymru ym mis Tachwedd
2022. Roedd y Pwyllgor wedi bwriadu adolygu’r cynnydd sy'n cael ei wneud
gan y Bwrdd Iechyd yn ystod hydref 2022 ac ailedrych arno, ond gohiriodd y
gwaith hwn yn dilyn cymhwyso cyfrifon y Bwrdd Iechyd ac ymchwiliadau pellach
dilynol.
Cyhoeddodd
y Gweinidog Iechyd a Gwasanaethau Cymdeithasol ym mis Chwefror 2023 ei bod yn
dychwelyd y Bwrdd Iechyd i fesurau arbennig.
Gwaith
craffu’r pwyllgorau
Mae agweddau ar y
materion sy'n effeithio ar y Bwrdd Iechyd yn dod o fewn cylch gwaith y Pwyllgor
Iechyd a Gofal Cymdeithasol a'r Pwyllgor Cyfrifon Cyhoeddus a Gweinyddiaeth
Gyhoeddus.
Wrth gynnal brîff
gwylio gweithredol, mae'r Pwyllgorau wedi cytuno ar y canlynol
>>>>
>>> Cydweithio gyda’i gilydd lle bo hynny'n
bosibl ac yn briodol.
>>> I’w gwaith craffu fod yn gymesur, gyda
ffocws iddo ac wedi'i amseru'n briodol i ychwanegu gwerth yn hytrach na dyblygu
neu wrthdaro â phrosesau eraill sy’n mynd rhagddynt.
>>> Sicrhau cydbwysedd rhwng craffu cyfreithlon
a chydnabod pan mae pethau'n gweithio'n dda.
<<<<
Gweithgarwch
hyd yma
Bydd y
Pwyllgorau'n parhau i adolygu eu dull o graffu a byddant yn diweddaru'r dudalen
hon yn unol â hynny.
>>>>
>>> Ysgrifennodd
y Pwyllgorau at y Gweinidog Iechyd a Gwasanaethau Cymdeithasol ar 19 Ebrill
2023 i ofyn am wybodaeth am y Tîm Ymyrraeth a Chymorth, gwaith a chynnydd yn
erbyn amcanion a nodwyd yn y gyfundrefn mesurau arbennig, a'r amserlenni ar
gyfer gwaith i edrych ar wella atebolrwydd ac adolygu ac adnewyddu'r fframwaith
ymyrraeth ac uwchgyfeirio. Ymatebodd
y Gweinidog ar 10 Mai 2023.
>>> Ysgrifennodd
y Pwyllgor hefyd at y Gweinidog Iechyd a Gwasanaethau Cymdeithasol ar 07
Gorffennaf 2023 i ofyn am ragor o wybodaeth ac eglurhad.
>>> Ysgrifennodd
y Pwyllgorau at Gadeirydd dros dro y Bwrdd Iechyd ar 07 Gorffennaf 2023 i ofyn
am ragor o wybodaeth ac eglurhad.
<<<<
Ar 6 Chwefror
2024, ysgrifennodd
y Gweinidog Iechyd a Gwasanaethau Cymdeithasol at y Pwyllgor Cyfrifon Cyhoeddus
a Gweinyddiaeth Gyhoeddus a'r Pwyllgor Iechyd a Gofal Cymdeithasol i roi'r
wybodaeth ddiweddaraf am y fframwaith goruchwylio ac uwchgyfeirio.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 07/07/2023
Dogfennau
- Llythyr gan y Gweinidog Iechyd a Gwasanaethau Cymdeithasol at Gadeiryddion y Pwyllgor Iechyd a Gofal Cymdeithasol a'r Pwyllgor Cyfrifon Cyhoeddus a Gweinyddiaethau Cyhoeddus - 6 Chwefror 2024 PDF 165 KB
- Llythyr at Gadeirydd Dros Dro Bwrdd Iechyd Prifysgol Betsi Cadwaladr - 7 Gorffennaf 2023 PDF 124 KB
- Ymateb gan Gadeirydd Dros Dro Bwrdd Iechyd Prifysgol Betsi Cadwaladr - 13 Medi 2023 PDF 992 KB
- Llythyr at y Gweinidog Iechyd a Gwasanaethau Cymdeithasol - 7 Gorffennaf 2023 PDF 132 KB
- Ymateb gan y Gweinidog Iechyd a Gwasanaethau Cymdeithasol - 24 Awst 2023 PDF 914 KB