Gwerthuso Deddf Gwasanaethau Cymdeithasol a Llesiant (Cymru) 2014

Daeth Deddf Gwasanaethau Cymdeithasol a Llesiant (Cymru) i rym ar 6 Ebrill 2016.

Mae’r Ddeddf yn darparu’r fframwaith cyfreithiol ar gyfer gwella llesiant pobl sydd angen gofal a chymorth, a gofalwyr sydd angen cymorth, ac ar gyfer trawsnewid gwasanaethau cymdeithasol yng Nghymru.

Comisiynodd Llywodraeth Cymru werthusiad annibynnol o’r Ddeddf, a ddaeth i ben ar ddiwedd 2022.

Ar 25 Mai 2023, cynhaliodd y Pwyllgor Iechyd a Gofal Cymdeithasol a’r Pwyllgor Cyfrifon Cyhoeddus a Gweinyddiaeth Gyhoeddus sesiwn dystiolaeth gydag arbenigwyr academaidd i drafod y gwaith o werthuso’r Ddeddf, y camau nesaf ac unrhyw feysydd lle mae angen sylw pellach.

Yn dilyn y cyfarfod ar 25 Mai 2023, ysgrifennodd y Pwyllgorau ar y cyd at y Dirprwy Weinidog Iechyd a Gwasanaethau Cymdeithasol i dynnu sylw at faterion a godwyd yn ystod y sesiwn dystiolaeth.