Cefnogi pobl sydd â chyflyrau cronig
Cefnogi pobl sydd â chyflyrau cronig
Inquiry2
Mae'r Pwyllgor Iechyd
a Gofal Cymdeithasol yn cynnal ymchwiliad i gefnogi pobl sydd â chyflyrau
cronig.
Beth yw
cyflyrau cronig?
Mae'r term
'cyflyrau cronig' (a elwir hefyd yn 'gyflyrau hirdymor' neu’n 'salwch
hirdymor') yn cynnwys ystod eang o gyflyrau iechyd na ellir eu gwella yn aml
ond y gellir eu rheoli gyda'r cymorth a'r driniaeth gywir. Mae llawer o bobl
hefyd yn byw gyda chydafiechedd (dau gyflwr cronig neu fwy). Gall gwahanol
grwpiau o bobl a phobl o wahanol gefndiroedd ddioddef anghydraddoldebau hefyd
oherwydd eu cyflwr neu o ran mynediad at wasanaethau neu gymorth.
Beth sy’n
digwydd ar hyn o bryd?
Oherwydd
cymhlethdod y materion hyn a'r amrywiaeth eang o gyflyrau cronig a all fod ar
bobl, rydym yn defnyddio dull dau gam ar gyfer ein gwaith.
Yn ystod cyfnod 1
o’n gwaith gwnaethom ofyn i chi am eich help i nodi'r themâu a'r materion
allweddol y dylem ganolbwyntio arnynt, o fewn y meysydd eang a ganlyn:
Y GIG a
gwasanaethau gofal cymdeithasol
>>>>
>>>Parodrwydd
gwasanaethau lleol y GIG a gofal cymdeithasol i drin pobl sydd â chyflyrau
cronig yn y gymuned;
>>>Mynediad
at wasanaethau hanfodol a thriniaeth barhaus, ac unrhyw rwystrau mae rhai
grwpiau’n eu hwynebu, gan gynnwys menywod, pobl o gefndiroedd lleiafrifoedd
ethnig, a phobl anabl;
>>>Cymorth
sydd ar gael i alluogi hunanreoli effeithiol lle bo'n briodol, gan gynnwys
cymorth iechyd meddwl;
<<<
Cyflyrau
lluosog
>>>>
>>>Gallu’r
GIG a darparwyr gofal cymdeithasol i ymateb i unigolion â chydafiechedd yn
hytrach na chanolbwyntio ar gyflyrau unigol ar wahân;
>>>Y
rhyngweithio rhwng cyflyrau iechyd meddwl a chyflyrau iechyd corfforol
hirdymor;
<<<
Effaith
ffactorau ychwanegol
>>>>
>>>Effaith
y pandemig ar ansawdd gofal ar draws cyflyrau cronig;
>>>Effaith
y cynnydd mewn costau byw ar iechyd a lles pobl sydd â chyflyrau cronig
>>>I ba
raddau y bydd gan wasanaethau'r capasiti i ateb y galw yn y dyfodol o ran
poblogaeth sy'n heneiddio
<<<
Atal a ffordd
o fyw
>>>>
>>>Camau
i wella atal ac ymyrraeth gynnar (i atal iechyd a lles pobl rhag gwaethygu);
>>>Effeithiolrwydd
y mesurau presennol i ymdrin â ffactorau ffordd o fyw/ymddygiad (gordewdra,
ysmygu ac ati), ac i fynd i'r afael ag anghydraddoldebau a rhwystrau mae rhai
grwpiau’n eu hwynebu.
<<<
Cyfnod 2:
Cefnogi pobl sydd â chyflyrau cronig
Diolch i bawb a
gyfrannodd at yr ymgynghoriad cyfnod 1. Mae eich ymatebion wedi rhoi
tystiolaeth werthfawr i’r Pwyllgor i lywio’r ymchwiliad hwn yn ogystal â gwaith
yn y dyfodol.
Neges gyffredinol
glir o'r ymgynghoriad oedd yr angen i wella gofal cyfannol sy'n canolbwyntio
ar unigolion, ac i roi'r gorau i ganolbwyntio ar gyflyrau unigol ar wahân i’w
gilydd.
Symud o
weledigaeth i’r cam gweithredu – sut i ddarparu gofal sy’n canolbwyntio ar
unigolion ar gyfer cyflyrau cronig
Mae’r weledigaeth
o ofal sy’n canolbwyntio ar unigolion yn cael ei rhannu’n eang, ond sut gallwn
fwrw ymlaen â’r broses o’i rhoi ar waith yn ymarferol i gefnogi pobl â
chyflyrau cronig yn well?
Ac a yw
Llywodraeth Cymru a GIG Cymru yn gwneud digon i fynd i'r afael â heriau'r nifer
gynyddol o bobl sy'n byw gyda chyflyrau lluosog a sut i'w trin yn gyfannol?
Nod yr ymchwiliad
hwn yw nodi camau ymarferol a all gyflawni gwelliannau i alluogi gwasanaethau i
ganolbwyntio ar y person cyfan, nid ei gyflyrau unigol.
Bydd yr
ymchwiliad hefyd yn ymchwilio i weld a oes modd dysgu gwersi o’r dull a
fabwysiadwyd ar gyfer cyflyrau penodol neu grwpiau o bobl, er enghraifft
diabetes, ac mae’r gofal i blant ag anghenion cymhleth, pobl hŷn neu rai clefydau prin wedi cael sylw
cadarnhaol.
Cylch Gorchwyl
Sut i gyflawni’r
weledigaeth o ofal cyfannol sy’n canolbwyntio ar unigolion i bobl â chyflyrau
cronig. Beth sydd angen ei newid i wella
profiadau a chanlyniadau i bobl. Mae hyn yn cynnwys:
>>>>
>>>Yr hyn
sydd ei angen fel bod gwasanaethau’n gallu diwallu anghenion pobl â chyflyrau
lluosog yn well (cyfeirir at hyn fel “amlafiachedd”).
>>>Mynd
i’r afael ag anghydraddoldebau a’r rhwystrau y mae rhai grwpiau’n eu hwynebu,
gan gynnwys pobl sy'n byw mewn tlodi a phobl o gefndiroedd ethnig leiafrifol.
>>>Enghreifftiau
o arfer da o ofal sy'n canolbwyntio ar yr unigolyn i bobl â chyflyrau lluosog y
gellid eu prif ffrydio i bolisïau a darpariaeth.
>>>Cymorth
sydd ei angen i alluogi hunanreolaeth effeithiol o gyflyrau cronig lle bo'n
briodol, gan gynnwys cymorth iechyd meddwl.
>>>Camau
blaenoriaeth sydd eu hangen i wella ataliaeth ac ymyrraeth gynnar.
<<<
Mae’r dull hwn yn
galluogi’r Pwyllgor i archwilio’r themâu cyffredin a’r argymhellion ar gyfer
gwella, a allai, pe baent yn cael eu rhoi ar waith, helpu pobl ag amrywiaeth o
gyflyrau cronig gwahanol, yn ogystal â’r nifer gynyddol o bobl sy’n byw gyda
chyflyrau lluosog.
Yn y flwyddyn
newydd byddwn yn cymryd tystiolaeth bellach gan gynnwys ymgysylltu â phobl â
chyflyrau cronig yn uniongyrchol, grwpiau ffocws rhanddeiliaid gyda sefydliadau
sy’n cynrychioli ystod o gyflyrau cronig, a sesiynau tystiolaeth lafar
ffurfiol.
Ymgynghoriadau
>>>>
>>>Cefnogi
pobl sydd â chyflyrau cronig
(cwblhawyd)
<<<
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 29/03/2023
Dogfennau
- Gwybodaeth ychwanegol gany Ganolfan ar gyfer Iechyd Meddwl - 29 Ebrill 2024 (Saesneg yn unig) PDF 745 KB Gweld fel HTML (1) 86 KB
- Gwybodaeth ychwanegol gan Goleg Nyrsio Brenhinol Cymru - 29 Ebrill 2024 (Saesneg yn unig) PDF 337 KB
- Llythyr gan Terrence Higgins Trust Cymru - 28 Mawrth 2024 (Saesneg yn unig) PDF 157 KB
- Gwybodaeth ychwanegol gan Mind Cymru - 21 Mawrth 2024 (Saesneg yn unig) PDF 552 KB Gweld fel HTML (4) 18 KB
- Cefnogi pobl sydd â chyflyrau cronig: nodiadau o'r digwyddiad trafod i randdeiliaid - 28 Chwefror 2024 PDF 109 KB