P-06-1315 Rhoi'r gorau i'r defnydd o gontractau allanol yng Nghanolfan Awyr Agored Genedlaethol Cymru, Plas Menai
P-06-1315 Rhoi'r gorau i'r defnydd o gontractau allanol yng Nghanolfan Awyr Agored Genedlaethol Cymru, Plas Menai
Cyflwynwyd y ddeiseb hon gan Darren Williams, ar ôl casglu cyfanswm o 1,253
lofnodion.
Geiriad y ddeiseb:
Mae Plas Menai yn cynnig amrywiaeth o gyrsiau, diwrnodau gweithgareddau a
hyfforddiant personol mewn gweithgareddau awyr agored fel hwylio, hwylfyrddio a
beicio mynydd. Ers 40 mlynedd, mae wedi gwneud cyfraniad mawr i’r sector
gweithgareddau awyr agored yng Nghymru, gan ddarparu sgiliau hanfodol i
unigolion a grwpiau. Mae cyrhaeddiad y rhai sydd wedi gweithio yn y Ganolfan,
ac sydd wedi hyfforddi ynddi, yn ymestyn ar draws Ewrop a’r byd, sy’n dyst i
bwyslais y Ganolfan ar ddarparu hyfforddiant a dysgu o’r safon uchaf.
Gwybodaeth Ychwanegol:
Byddai staff ymroddedig a hynod fedrus Plas Menai yn hapus i Chwaraeon
Cymru chwilio am ffyrdd o wella’r Ganolfan a hyd yn oed ddefnyddio arbenigedd
allanol wrth wneud hynny. Ond nid ydynt am i’r cyfleuster unigryw hwn – a’u
swyddi eu hunain – gael eu trosglwyddo i ddarparwr newydd, a allai roi elw o
flaen unrhyw ymrwymiad i wasanaeth cyhoeddus ac arferion cyflogaeth teg. Maen
nhw hefyd yn pryderu y gallai newid darparwr amharu ar allu’r Ganolfan i
ddarparu gwasanaethau trwy gyfrwng y Gymraeg.
Statws
Yn ei gyfarfod ar 06/02/2023 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a nododd fod y deisebydd yn datgan yn ei
ohebiaeth fod y broses o allanoli gwasanaethau Plas Menai i Legacy Leisure wedi
dechrau ar 1 Chwefror a'i fod yn deall na all y Pwyllgor wneud rhagor o waith
ar y mater.
Yn sgil hyn cytunodd yr Aelodau i gau'r ddeiseb a diolch i'r deisebydd am
godi ymwybyddiaeth o’r mater.
Gellir gweld manylion llawn ynghylch trafodaeth y Pwyllgor o'r ddeiseb hon
a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar 06/02/2023
Etholaeth a Rhanbarth y Senedd
- Gorllewin Caerdydd
- Canol De Cymru
- Hafan y
Pwyllgor Deisebau
- Gweld pob
deiseb sydd ar agor
- Gweld pob
deiseb mae’r pwyllgor bellach yn ystyried
- Sut mae proses Ddeisebu yn
gweithio
- Briffiau ymchwil deisebau
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 17/01/2023