Craffu blynyddol ar Gomisiwn Seilwaith Cenedlaethol Cymru (NICW)

Bydd y Pwyllgor Newid Hinsawdd, yr Amgylchedd, a Seilwaith (“y Pwyllgor”) yn cynnal  gwaith craffu blynyddol ar Gomisiwn Seilwaith Cenedlaethol Cymru (NICW) yn ystod y Chweched Senedd.

Mae Comisiwn Seilwaith Cenedlaethol Cymru yn banel anstatudol, cynghorol sy’n rhoi cyngor i Lywodraeth Cymru ar anghenion seilwaith Cymru.

Craffu blynyddol - 2023

Cyhoeddwyd yr adroddiad blynyddol ar 20 Rhagfyr 2023. Cynhaliodd y Pwyllgor ei sesiwn graffu flynyddol ar waith Comisiwn Seilwaith Cenedlaethol Cymru dydd Mercher 31 Ionawr 2024.

Adroddiad: Gwaith craffu blynyddol ar Gomisiwn Seilwaith Cenedlaethol Cymru: 2023 (PDF 205KB) ar 16 Ebrill 2024.

Craffu blynyddol 2022-23

Cyhoeddwyd yr adroddiad blynyddol ar 22 Tachwedd 2022. Cynhaliodd y Pwyllgor sesiwn graffu gyda Chadeirydd Comisiwn Seilwaith Cenedlaethol Cymru yn ei gyfarfod ar 7 Rhagfyr 2022.

Adroddiad

Cyhoeddodd y Pwyllgor ei adroddiad: Adroddiad blynyddol ar Gomisiwn Seilwaith Cenedlaethol Cymru - 2022-23 (PDF 140KB), ar 2 Mawrth 2023.

Dadl yn y Cyfarfod Llawn: Cynhaliwyd dadl yn y Cyfarfod Llawn ar 10 Mai 2023.

Craffu ar Ddarpar Gadeirydd y Comisiwn - 2021

Ar 21 Medi 2021 ysgrifennodd y Dirprwy Weinidog Newid Hinsawdd at Gadeirydd y Pwyllgor yn rhoi amlinelliad o’r unigolyn y mae Llywodraeth Cymru yn ei ffafrio i gael ei benodi’n Gadeirydd y Comisiwn.

Cynhaliodd y Pwyllgor sesiwn graffu ar Ddarpar Gadeirydd y Comisiwn yn ei gyfarfod ar 30 Medi 2021. Cyhoeddodd y Pwyllgor ei adroddiad (PDF 596KB) ar 12 Hydref 2021. Ymatebodd y Dirprwy Weinidog Newid Hinsawdd ar 19 Tachwedd 2021.