Datgarboneiddio'r sector cyhoeddus
Datgarboneiddio'r sector cyhoeddus
Inquiry2
Mae’r Pwyllgor Newid Hinsawdd, yr
Amgylchedd a Seilwaith yn ymgymryd â darn byr o waith ar ddatgarboneiddio’r
sector cyhoeddus. Mae gwaith y Pwyllgor yn dilyn adroddiad Archwilio Cymru, Parodrwydd
y Sector Cyhoeddus ar gyfer Carbon Sero Net erbyn 2030 (Gorffennaf 2022), a
ddaeth i’r casgliad bod ansicrwydd amlwg ynghylch galllu cyrff cyhoeddus i
gyrraedd sero net erbyn 2030. Mae’r adroddiad yn galw ar gyrff cyhoeddus i
gymryd pum cam i fynd i’r afael â rhwystrau cyffredin sy’n atal cynnydd:
>>>>
>>> Cryfhau arweinyddiaeth a dangos cyfrifoldeb ar y cyd drwy
gydweithio’n effeithiol
>>> Egluro’r cyfeiriad strategol a chynyddu cyflymder y
gweithrediad
>>> Mynd i’r afael â’r cyllid sydd ei angen
>>> Nodi’r bylchau sgiliau a chynyddu capasiti
>>> Gwella ansawdd data a monitro i gefnogi’r broses o wneud
penderfyniadau;
<<<<
Casglu tystiolaeth
Gan adeiladu ar waith Archwilio Cymru, mae'r Pwyllgor yn cynnal
ymgynghoriad penodol, sydd wedi'i anelu'n bennaf at gyrff cyhoeddus. Mae rhagor
o wybodaeth ar gael ar dudalen yr
ymgynghoriad.
Bydd y Pwyllgor yn cynnal sesiynau tystiolaeth lafar gyda rhanddeiliaid ar 16 Mawrth 2023.
Ceir mwy o wybodaeth am y sesiynau tystiolaeth o dan y tab cyfarfodydd ar frig
y dudalen.
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 18/10/2022
Ymgynghoriadau
- Datgarboneiddio'r sector cyhoeddus (Wedi ei gyflawni)