P-06-1300 Dylid adolygu'r penderfyniad yn caniatáu i awdurdodau lleol gynyddu premiymau'r dreth gyngor ar ail gartrefi i 300 y cant

Cyflwynwyd y ddeiseb hon gan David Smith, ar ôl casglu 669 o lofnodion.

Geiriad y ddeiseb:       

Rwy’n pryderu nad yw’r cyfraniad sylweddol y mae perchnogion ail gartrefi yn ei wneud i’r economi leol wedi cael ei ystyried a’i archwilio’n llawn mewn perthynas â’r polisi hwn. Er fy mod yn sylweddoli bod her o ran sicrhau bod tai fforddiadwy ar gael i bobl leol, nid gosod baich ariannol o'r math hwn ar berchnogion ail gartrefi yw'r ateb.

Fel perchnogion ail gartref sy’n treulio pob penwythnos yn ein hail gartref, rydym yn teimlo’n rhan o’r gymuned ac wedi cael croeso cynnes.

Gwybodaeth Ychwanegol:

Rydym yn gwario ein harian yn lleol pan fyddwn yn ymweld â’r gymuned, gan gynnwys cyflogi pobl leol i adeiladu ein cartref. Ni ellir tanamcangyfrif y cyfraniad y mae perchnogion ail gartrefi yn ei wneud.

Nid oedd llawer o berchnogion ail gartrefi yn ymwybodol o’r ymgynghoriad a gynhaliwyd gan Lywodraeth Cymru, sef yr ymgynghoriad a ddaeth i ben ym mis Tachwedd 2021. Felly, rydym yn teimlo nad yw ein lleisiau a’n pryderon wedi cael eu clywed.

Statws

Yn ei gyfarfod ar 17/10/2022 penderfynodd y Pwyllgor Deisebau fod y ddeiseb hon wedi'i chwblhau.

Trafododd y Pwyllgor y ddeiseb a nododd y bu cryn dipyn o waith craffu mewn pwyllgorau ac yn y Cyfarfod Llawn ar y mater. Nawr bod y rheoliadau wedi’u cytuno, mater i awdurdodau lleol bellach yw penderfynu sut i’w defnyddio. Cytunodd y Pwyllgor i gau’r ddeiseb, i ddiolch i’r deisebydd, ac i’w annog ef a’r rhai sydd wedi llofnodi’r ddeiseb hon i estyn allan at eu cynrychiolwyr yn eu hawdurdodau lleol.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 17/10/2022.

Etholaeth a Rhanbarth y Senedd

• Ynys Môn
• Gogledd Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio
• Briffiau ymchwil deisebau