Deintyddiaeth
Deintyddiaeth
Inquiry4
Yn dilyn
adroddiad Pwyllgor Iechyd, Gofal Cymdeithasol a Chwaraeon y Bumed Senedd ym mis
Mai 2019, sef
Dechrau Ffres: Ymchwiliad i ddeintyddiaeth yng Nghymru, mae Pwyllgor Iechyd a Gofal Cymdeithasol
y Chweched Senedd ymchwiliad i ddeintyddiaeth yn ystyried a yw Llywodraeth
Cymru yn gwneud digon i bontio’r bwlch o ran anghydraddoldebau iechyd y geg, ac
i ailadeiladu deintyddiaeth yng Nghymru yn dilyn y pandemig COVID-19 ac yng
nghyd-destun costau byw cynyddol.
Ar 15 Chwefror
2023, cyhoeddodd y Pwyllgor Iechyd a Gofal Cymdeithasol ei adroddiad, sy’n
cynnwys argymhellion i Lywodraeth Cymru.
Ymatebodd
Llywodraeth Cymru i'n hadroddiad ar 18 Ebrill 2023. Cynhaliwyd dadl yn y Cyfarfod Llawn
ar 21 Mehefin 2023.
Gwybodaeth am
ymchwiliad y Pwyllgor
Yn benodol,
dyma’r hyn a ystyriwyd gan ymchwiliad y Pwyllgor:
>>>>
>>> I ba
raddau y mae mynediad at ddeintyddiaeth y GIG yn parhau i fod yn gyfyngedig, a
beth yw’r ffordd orau o ddal i fyny â'r ôl-groniad o ran gofal deintyddol
sylfaenol, gwasanaethau ysbytai a gwasanaethau orthodontig.
>>>
Gwell gwybodaeth am iechyd y geg, gan gynnwys nifer y bobl sy’n manteisio ar
ofal deintyddol sylfaenol y GIG ledled Cymru yn dilyn ailddechrau gwasanaethau,
a bod angen ymgyrch a ariennir gan y Llywodraeth i roi sicrwydd i’r cyhoedd bod
practisau deintyddol yn amgylcheddau diogel.
>>>
Cymhellion i recriwtio a chadw deintyddion y GIG, yn enwedig mewn ardaloedd
gwledig ac ardaloedd â lefelau o angen mawr.
>>>
Anghydraddoldebau iechyd y geg, gan gynnwys ailddechrau rhaglen y Cynllun Gwên
a’r posibilrwydd o’i hehangu i blant 6-10 mlwydd oed; gwell dealltwriaeth o
anghenion iechyd y geg pobl 12-21 oed; capasiti gwasanaethau deintyddol yn y
cartref i bobl hŷn
a'r rhai sy'n byw mewn cartrefi gofal (rhaglen 'Gwên am Byth'); a gofyn, i ba raddau y mae
cleifion (yn enwedig cleifion risg isel) yn dewis gweld ymarferwyr preifat, ac
a oes risg o greu gwasanaeth iechyd deintyddol dwy haen. Lles a morâl y
gweithlu.
>>> Y
posibilrwydd o ehangu'r Gwasanaeth Deintyddol Cymunedol ymhellach.
>>>
Gwariant Llywodraeth Cymru ar ddeintyddiaeth y GIG yng Nghymru, gan gynnwys
buddsoddi mewn arferion awyru a diogelu ar gyfer y dyfodol.
>>>
Effaith yr argyfwng costau byw ar ddarparu gwasanaethau deintyddiaeth yng
Nghymru a mynediad at y gwasanaethau.
<<<
Er mwyn ymchwilio
i’r materion hyn, gwnaeth y Pwyllgor y canlynol:
>>>>
>>>
Cyhoeddi galwad ysgrifenedig am dystiolaeth rhwng 12 Gorffennaf 2022 a 16 Medi
2022. Cawsom 21
o ymatebion.
>>>Ym
mis Awst a mis Medi 2022, cynhaliodd Tîm Ymgysylltu â Dinasyddion y Senedd gyfweliadau
â phobl ledled Cymru am eu profiadau nhw o faterion ym maes deintyddiaeth.
>>>
Cynnal sesiynau tystiolaeth lafar gyda rhanddeiliaid allweddol ar 13
Hydref 2022, 19
Hydref 2022 a 17
Tachwedd 2022.
>>>
Cynnal sesiwn tystiolaeth lafar gyda'r Gweinidog Iechyd a Gwasanaethau a Phrif
Swyddog Deintyddol Cymru ar 17
Tachwedd 2022.
>>>
Cyhoeddi adroddiad
a datganiad
i'r cyfryngau i gyd-fynd ag ef ar 15 Chwefror 2023.
>>> Cyn
y ddadl yn y Cyfarfod Llawn, ysgrifenasom at y Gweinidog Iechyd a Gwasanaethau
Cymdeithasol gyda rhai pwyntiau i'w hegluro. Ymatebodd
y Gweinidog ar 11 Gorffennaf 2023.
<<<
Math o fusnes: Ymchwiliad Pwyllgor
Rheswm dros ei ystyried: Busnes y Senedd;
Cyhoeddwyd gyntaf: 12/07/2022
Dogfennau
- Deintyddiaeth Crynodeb Ymgysylltu: Adroddiad Astudiaeth Achos - Hydref 2022 PDF 131 KB
- Adroddiad deintyddiaeth - Chwefror 2023 PDF 971 KB
- Ymateb ysgrifenedig gan Lywodraeth Cymru i adroddiad y Pwyllgor Iechyd a Gofal Cymdeithasol yn dilyn eu hymchwiliad i ddeintyddiaeth yng Nghymru -18 Ebrill 2023 PDF 505 KB
- Ymateb ysgrifenedig gan Lywodraeth Cymru i adroddiad Cadeirydd y Pwyllgor Iechyd a Gofal Cymdeithasol ar Ddeintyddiaeth 13 Gorffennaf 2023 PDF 232 KB
Ymgynghoriadau
- Deintyddiaeth (Wedi ei gyflawni)