Cyflwynwyd y Bil Masnach (Awstralia a Seland Newydd (y Bil) yn Nhŷ’r Cyffredin ar 11 Mai 2022.

Mae teitl hir y Bil yn nodi mai ei ddiben yw galluogi gweithredu Pennodau caffael cytundebau masnach rydd y Deyrnas Unedig ag Awstralia a Seland Newydd, a gwneud darpariaeth arall mewn perthynas â hwy.

Mae’r Bil yn ddarostyngedig i’r broses cydsyniad deddfwriaethol o dan Reol Sefydlog 29 (PDF 599KB). Dyma pan fydd Llywodraeth y DU yn ceisio cydsyniad Llywodraeth Cymru i ddeddfu ar fater sy’n dod o fewn cymhwysedd y Senedd.

Memorandwm Cydsyniad Deddfwriaethol – Mai 2022

Gosododd Llywodraeth Cymru Femorandwm Cydsyniad Deddfwriaethol (PDF 112 KB) ar y Bil gerbron y Senedd ar 25 Mai 2022.

Mae'r Pwyllgor Busnes wedi cyfeirio'r Memorandwm at y Pwyllgor yr Economi, Masnach a Materion Gwledig y Pwyllgor Cyfrifon Cyhoeddus a Gweinyddiaeth Gyhoeddus a’r Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn 29 Medi 2022 (PDF 41.9KB).