P-06-1279 Rhowch y gorau i fod yn anghyson o ran canllawiau COVID. Gadewch i ysgolion gael yr un hyblygrwydd â sinemâu neu stadia

Cyflwynwyd y ddeiseb hon gan Catherine Anne Stone, ar ôl casglu cyfanswm o 421 lofnodion.

Geiriad y ddeiseb:       

Os gall rhieni fynd rygbi neu'r sinema gyda phàs COVID fe ddylen nhw allu mynd i gyngerdd neu ddigwyddiad mewn ysgol. Mae canllawiau COVID-19 presennol ar gyfer ysgolion yn argymell bod rhyngweithio agos rhwng oedolion, staff a dysgwyr yn cael ei leihau. O ganlyniad, nid oes gan ysgolion yr hyblygrwydd i wahodd rhieni/gofalwyr i'r ysgol. Dyma’r sefyllfa er gwaetha’r ffaith bod theatrau, sinemâu a stadia rygbi i gyd yn agored ar gyfer busnes. Rwy’n gofyn i Lywodraeth Cymru ailystyried y canllawiau ar gyfer ysgolion.

Gwybodaeth Ychwanegol:

Mae profion llif unffordd a phasiau COVID ar waith, ac mae’r cynllun brechiadau atgyfnerthu eisoes yn mynd rhagddo.

Defnyddiodd miloedd o gefnogwyr y dulliau hyn i gael mynediad i Stadiwm y Principality ar 30 Hydref er mwyn mynd i gêm Cymru yn erbyn Seland Newydd.

https://llyw.cymru/defnyddio-pas-covid-y-gig-i-fynd-i-ddigwyddiadau-mawr-lleoliadau

Bu’n rhaid i’n hysgolion cynradd lleol gau eu drysau ar ddiwrnodau chwaraeon, maen nhw wedi cael trafferth codi arian oherwydd y canllawiau ynghylch cadw pellter cymdeithasol, ac erbyn hyn maen nhw wedi cael gwybod na all rhieni gael mynd i gyngherddau Nadolig am yr ail flwyddyn yn olynol

https://llyw.cymru/fframwaith-penderfyniadau-rheoli-heintiau-covid-19-lleol-ar-gyfer-ysgolion-o-hydref-2021-html?_ga=2.202551121.1125465759.1638175955-1154999829.1636971592

Mae llesiant meddwl plant wedi dirywio oherwydd yr ansicrwydd a'r ymdeimlad o ynysu. Fe ddylen ni fod yn cefnogi ein plant i ddychwelyd i normalrwydd hefyd.

https://www.nhs.uk/every-mind-matters/supporting-others/childrens-mental-health/

https://www.bmj.com/content/bmj/374/bmj.n1730.full.pdf.

Statws

Yn ei gyfarfod ar 13/06/2022 penderfynodd y Pwyllgor Deisebau fod y ddeiseb hon wedi'i chwblhau.

Gan nad oes unrhyw reoliadau Covid-19 ar waith yn awr, a chan fod ysgolion yn gallu gwneud penderfyniadau ynghylch yr hyn sy’n briodol i’w cymuned, cytunodd y Pwyllgor i gau’r ddeiseb a diolch i’r deisebydd.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 13/06/2022.

Etholaeth a Rhanbarth y Senedd

• Bro Morgannwg
• Canol De Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio
• Briffiau ymchwil deisebau