P-06-1231 Dylid cyflwyno arosfannau bysiau mwy gwyrdd, a mwy 'cyfeillgar i wenyn' ledled Cymru

Cyflwynwyd y ddeiseb hon gan ‘Rewilding Group, Climate Change Grand Challenge, Cardiff University School of Law and Politics’, ar ôl casglu cyfanswm o 197 lofnodion.

Geiriad y ddeiseb:         

Gofynnwn i Lywodraeth Cymru gyflwyno arosfannau bysiau mwy gwyrdd a mwy 'cyfeillgar i wenyn' ledled Cymru, ac ymrwymo i wneud 10 y cant o arosfannau bysiau yn gyfeillgar i wenyn dros y pum mlynedd nesaf.

Gwybodaeth Ychwanegol:

Byddai’r prosiect dad-ddofi hwn yn helpu i amddiffyn poblogaethau gwenyn hanfodol, yn gwneud cyfraniad bach at y frwydr yn erbyn y newid yn yr hinsawdd ac yn ehangu ecosystemau lleol, gan gynyddu bioamrywiaeth.

Gallai gosod arosfannau bysiau cyfeillgar i wenyn, ac arnynt doeau tyfiant, hefyd storio dŵr glaw, gwella ansawdd aer a gwella gwedd rhwydwaith ffyrdd cymunedau Cymru.

Statws

Yn ei gyfarfod ar 07/02/2022 penderfynodd y Pwyllgor Deisebau fod y ddeiseb hon wedi'i chwblhau.

Nododd y Pwyllgor fod Llywodraeth Cymru yn ystyried mentrau seilwaith gwyrdd yn flaenoriaeth ac y dylai Asesiadau Seilwaith Gwyrdd Awdurdodau Lleol ysgogi’r camau nesaf yn lleol. Felly, cytunodd i ddiolch i’r deisebydd a chau’r ddeiseb.

Gellir gweld manylion llawn ynghylch trafodaeth y Pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.

Cafodd ei thrafod gyntaf gan y Pwyllgor Deisebau ar 07/02/2022.

Etholaeth a Rhanbarth y Senedd

• Canol Caerdydd
• Canol De Cymru

Rhagor o wybodaeth

• Hafan y Pwyllgor Deisebau
• Gweld pob deiseb sydd ar agor
• Gweld pob deiseb mae’r pwyllgor bellach yn ystyried
• Sut mae proses Ddeisebu yn gweithio