P-06-1203 Peidiwch â chyflwyno pasbortau brechlyn COVID-19 ar gyfer lleoliadau manwerthu a lletygarwch neu leoliadau eraill
P-06-1203 Peidiwch â chyflwyno pasbortau brechlyn COVID-19 ar gyfer lleoliadau manwerthu a lletygarwch neu leoliadau eraill
Cyflwynwyd y ddeiseb hon gan John William Gates, ar ôl
casglu cyfanswm o 336 lofnodion.
Geiriad y ddeiseb:
Rydym am i Lywodraeth Cymru ymrwymo i beidio â chyflwyno
yng Nghymru unrhyw e-basbortau imiwnedd neu basbortau i ddangos bod unigolyn
wedi’i frechu. Mae’n bosibl y gallai unrhyw basbort o’r fath gael ei ddefnyddio
i gyfyngu ar hawliau pobl sydd wedi gwrthod brechlyn COVID-19; er enghraifft,
drwy eu hatal rhag cael mynediad i siopau, archfarchnadoedd neu leoliadau
eraill. Byddai hyn yn annerbyniol.
Gwybodaeth Ychwanegol:
Ar 14 Rhagfyr 2020, dywedodd Nadhim Zahawi AS nad oedd
unrhyw fwriad i gyflwyno pasbortau o’r fath. Mae’n parhau i wadu bod
Llywodraeth y DU yn bwriadu gwneud hynny, serch adroddiadau y bydd pobl sydd
wedi’u brechu yn erbyn COVID-19 yn cael pasbort sy’n profi eu bod wedi’u brechu
fel rhan o gynllun peilot sydd wedi’i gyllido gan y Llywodraeth.
Mae’n rhaid i Lywodraeth Cymru fod yn hollol glir
ynghylch ei bwriad a’r defnydd a wneir o basbortau ar ôl brechu, oherwydd
byddai cyflwyno cynllun o’r fath yn ddi-os yn effeithio ar gydlyniad
cymdeithasol ac ar adferiad economaidd Prydain Fawr eleni ac yn 2022.
Statws
Yn ei gyfarfod ar 01/11/2021 penderfynodd y Pwyllgor
Deisebau fod y ddeiseb hon wedi'i chwblhau.
O ystyried bod y mater hwn wedi cael ei drafod a'i
gymeradwyo yn y Senedd, a'i fod ar waith ers hynny, nododd y Pwyllgor nad oedd
unrhyw gamau pellach y gallai eu cymryd a chytunodd i gau'r ddeiseb a diolch
i'r deisebydd.
Gellir gweld manylion llawn ynghylch trafodaeth y Pwyllgor
o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar 04/10/2021.
Etholaeth a Rhanbarth y Senedd
- Aberafon
- Gorllewin De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach
yn ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 29/09/2021