Trefniadau Llywodraethu Pwyllgor Gwasanaethau Iechyd Arbenigol Cymru

Cyhoeddodd Archwilydd Cyffredinol Cymru yr adroddiad hwn ym mis Mai 2021. Cydbwyllgor yw Pwyllgor Gwasanaethau Iechyd Arbenigol Cymru, sy’n cynnwys y saith bwrdd iechyd lleol yng Nghymru. Mae’r cydbwyllgor yn comisiynu tua £680 miliwn o wasanaethau arbenigol, ac fe’i lletyir gan Fwrdd Iechyd Prifysgol Cwm Taf Morgannwg. Tynnodd dau adolygiad ar wahân yn 2015 sylw at faterion yn ymwneud â threfniadau llywodraethu Pwyllgor Gwasanaethau Iechyd Arbenigol Cymru.

Canfu’r adroddiad fod y trefniadau llywodraethu, rheoli a chynllunio wedi gwella, ond bydd effaith COVID-19 yn gofyn am strategaeth glir er mwyn adfer y gwasanaethau hyn. Ceir manteision hefyd o edrych o’r newydd ar ‘Cymru Iachach’, sef model hirdymor Llywodraeth Cymru ar gyfer iechyd a gofal cymdeithasol, o ystyried rhai o’r heriau mewnol y mae’n eu cyflwyno i fyrddau iechyd.

Ymatebodd Llywodraeth Cymru i Adroddiad yr Archwilydd Cyffredinol ym mis Mehefin 2021.

Trafododd y Pwyllgor Cyfrifon Cyhoeddus a Gweinyddiaeth Gyhoeddus yr adroddiad hwn yn hydref 2021 ac ysgrifennodd at Lywodraeth Cymru ar 10 Rhagfyr 2021 yn gofyn am eglurhad ar nifer o faterion. Ystyriwyd yr ymateb (31 Ionawr 2022) yn y Pwyllgor ar 9 Chwefror 2022.