Cyflenwi Gwasanaeth TGCh Llywodraeth Cymru yn fewnol

Cyhoeddodd Archwilydd Cyffredinol Cymru yr adroddiad hwn ym mis Mawrth 2021. Mae'n ystyried y penderfyniad i gyflenwi gwasanaeth TGCh Llywodraeth Cymru yn fewnol, a pha mor effeithiol y bu'r broses honno.

Canfu'r adroddiad fod y prosiect cyflenwi mewnol wedi cael ei reoli'n dda a'i gyflawni'n brydlon. Mae rhai buddion yn cael eu cyflawni, ond nid yw'r buddion llawn wedi'u gwireddu eto.

Mae argymhellion yr adroddiad yn canolbwyntio ar wella’r broses o olrhain buddion a chostau, diweddaru'r dangosyddion perfformiad ar gyfer gwasanaethau TGCh, ac ailedrych ar lefelau staffio er mwyn sicrhau bod buddion llawn y newid hwn yn cael eu gwireddu.

Ymatebodd Llywodraeth Cymru i Adroddiad yr Archwilydd Cyffredinol ym mis Mehefin 2021.

Trafododd y Pwyllgor Cyfrifon Cyhoeddus a Gweinyddiaeth Gyhoeddus yr adroddiad hwn yn hydref 2021 a bydd yn ei drafod â Llywodraeth Cymru fel rhan o’r gwaith craffu ar gyfrifon ar gyfer 2020-21.