Gweithredu rhaglen frechu COVID-19 yng Nghymru
Gweithredu rhaglen frechu COVID-19 yng Nghymru
Cyhoeddodd Archwilydd
Cyffredinol Cymru yr adroddiad
hwn ym mis Mehefin 2021. Roedd yn ystyried ffurf y rhaglen, ei pherfformiad, y
ffactorau sydd wedi effeithio ar ei gweithredu hyd yma, a’r heriau a’r
cyfleoedd a fydd yn codi yn y dyfodol.
Roedd yr
adroddiad yn cydnabod bod y rhaglen frechu yng Nghymru wedi cael ei chyflwyno
ar gyflymder sylweddol, gyda phartneriaid lleol, cenedlaethol ac o'r DU yn
cydweithio i frechu cyfran sylweddol o boblogaeth Cymru.
Wrth lunio'r
adroddiad hwn, cyfraddau brechu Cymru oedd yr uchaf o blith pedair cenedl y DU,
ac roedd y cyfraddau hefyd ymhlith yr uchaf drwy'r byd.
Canfu’r
astudiaeth fod strategaeth frechu Llywodraeth Cymru wedi rhoi cymhelliant cryf
i yrru'r rhaglen yn ei blaen, a bod yr holl gerrig milltir wedi'u cyrraedd hyd
yma.
Nododd yr
astudiaeth fod llawer o wersi i'w dysgu yn sgil y dull cadarnhaol a
ddefnyddiwyd i weithredu'r rhaglen frechu hyd yma. Dylid ystyried cymhwyso'r
gwersi hyn i strategaethau imiwneiddio ehangach, ac i'r broses o gynnal
rhaglenni eraill yn y GIG yng Nghymru.
Er gwaethaf y
cynnydd a wnaed, pwysleisiodd yr adroddiad fod gwaith i’w wneud o hyd. Mae
angen cynllun tymor hwy sy’n symud y tu hwnt i’r cerrig milltir presennol ac yn
ystyried materion allweddol megis gwydnwch y gweithlu brechu, gwybodaeth sy’n
esblygu am ddiogelwch brechlynnau, yr angen am ddosau atgyfnerthu, a chynnal
cyfraddau defnyddio da – yn enwedig ymhlith y grwpiau hynny sydd wedi bod
braidd yn betrus wrth gael eu brechiadau.
Trafododd y Pwyllgor Cyfrifon Cyhoeddus a
Gweinyddiaeth Gyhoeddus yr adroddiadau hyn yn hydref 2021 a thrafododd ei
ganfyddiadau â Llywodraeth Cymru ar 17 Tachwedd 2021.
Math o fusnes: Arall
Cyhoeddwyd gyntaf: 05/08/2021
Dogfennau