Aelodaeth pwyllgorau (gan gynnwys ethol cadeiryddion)
Aelodaeth pwyllgorau (gan gynnwys ethol cadeiryddion)
Os yw swydd wag
yn codi ar bwyllgor, neu os oes angen pennu ar weddill aelodaeth pwyllgor yn
dilyn ethol cadeirydd yn dilyn etholiad y Senedd (gweler isod), rhaid i’r
Senedd gytuno ar gynnig a gyflwynwyd gan y Pwyllgor Busnes i lenwi gweddill
aelodaeth y pwyllgor. Esbonnir y gweithdrefnau ar gyfer aelodaeth pwyllgorau yn
Rheolau Sefydlog 17.3–17.16.
Unwaith y bydd pwyllgorau wedi’u sefydlu yn dilyn
etholiad y Senedd, a’u cadeiryddion wedi’u dyrannu i grwpiau, bydd y Senedd
yn symud ymlaen i ethol y cadeiryddion.
Bydd y Llywydd yn
gwahodd enwebiadau; ar gyfer pob cadair, dim ond Aelod o'r grŵp gwleidyddol sydd wedi'i ddyrannu i'r
gadair honno y gellir ei enwebu.
Os un enwebiad yn
unig a geir, rhaid i’r Llywydd gynnig bod yr Aelod a enwebir yn cael ei ethol
yn gadeirydd y pwyllgor. Os gwrthwynebir hynny, neu os ceir dau neu ragor o
enwebiadau, rhaid i’r Llywydd drefnu bod yr etholiad yn cael ei gynnal drwy
bleidlais gudd.
Pan fydd swydd
cadeirydd yn dod yn wag yn ystod Senedd, rhaid i’r Pwyllgor Busnes ystyried y
swydd wag honno ar gydbwysedd cadeiryddion y pwyllgorau o ran y grwpiau
gwleidyddol, a gall benderfynu cynnig newid dyraniad y cadeiryddion. Rhaid
llenwi’r swydd wag, neu swyddi gwag, cadeirydd pwyllog drwy gynnal etholiad yn
y dull a ddisgrifiwyd uchod.
Math o fusnes: Busnes Cynnar
Rheswm dros ei ystyried: Busnes y Senedd;
Cyhoeddwyd gyntaf: 04/06/2021