Enwebu'r Prif Weinidog

Gellir enwebu Aelod i’w benodi’n Brif Weinidog yn y Cyfarfod Llawn cyntaf ar ôl etholiad neu yn ystod unrhyw Gyfarfod Llawn wedi hynny, yn amodol ar benderfyniad y Senedd i wneud hynny. Bydd y Llywydd yn gwahodd y Senedd i gytuno y caiff enwebiadau eu gwneud. Os bydd Aelod yn gwrthwynebu, cynhelir pleidlais electronig. Bydd trafodion enwebu’n digwydd dim ond os bydd mwyafrif yr Aelodau sy’n pleidleisio yn cytuno a hynny.

Bydd y Llywydd yn cyhoeddi canlyniad y broses i'r Senedd. Bydd y Llywydd yn argymell i'w Mawrhydi y dylai'r Aelod a enwebir gan y Senedd gael ei benodi'n Brif Weinidog.

Esbonnir y weithdrefn lawn ar gyfer enwebu'r Prif Weinidog yn fanwl yn Adran o'r Canllaw i fusnes cynnar y Cyfarfod Llawn ar ôl etholiad Mai 2021 (PDF, 175KB).