Cydsyniad Deddfwriaethol: Bil Y Lluoedd Arfog

Cyflwynwyd Bil y Lluoedd Arfog (y Bil) yn Nhŷ'r Cyffredin ar 26 Ionawr 2021.

 

Mae teitl hir y Bil yn nodi mai ei ddiben “yw parhau â Deddf y Lluoedd Arfog 2006; diwygio’r Ddeddf honno a deddfau eraill yn ymwneud â’r lluoedd arfog; gwneud darpariaeth ar gyfer gwasanaeth yn y lluoedd arfog; gwneud darpariaeth ar gyfer pardynau am rai troseddau milwrol sydd wedi’u diddymu; a dibenion cysylltiedig.”

 

Mae'r Bil yn ddarostyngedig i'r broses cydsyniad deddfwriaethol o dan Reol Sefydlog 29. Mae hwn yn fater lle mae Llywodraeth y DU yn gofyn am gydsyniad Senedd Cymru i ddeddfu ar fater a allai ddod o fewn cymhwysedd y Senedd fel arfer.

 

Gwaith Craffu yn y Chweched Senedd

 

Memorandwm Cydsyniad Deddfwriaethol Atodol – Mehefin 2021

 

Gosododd Llywodraeth Cymru Femorandwm Cydsyniad Deddfwriaethol Atodol (PDF 154KB) ar y Bil gerbron y Senedd ar 30 Mehefin 2021.

 

Mae'r Pwyllgor Busnes wedi cyfeirio'r Memorandwm at y Pwyllgor Cydraddoldeb a Chyfiawnder Cymdeithasol, a’r Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn 21 Hydref 2021 (PDF 43.6KB)

 

Memorandwm Cydsyniad Deddfwriaethol – Mai 2021

 

Gosododd Llywodraeth Cymru Femorandwm Cydsyniad Deddfwriaethol (PDF 118KB) ar y Bil gerbron y Senedd ar 28 Mai 2021.

 

Mae'r Pwyllgor Busnes wedi cyfeirio'r Memorandwm at y Pwyllgor Cydraddoldeb a Chyfiawnder Cymdeithasol, a’r Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn 14 Hydref 2021 (PDF 43.2KB).

 

 

Gwaith craffu yn y Bumed Senedd

 

Memorandwm Cydsyniad Deddfwriaethol – Chwefror 2021

 

Gosododd Llywodraeth Cymru Femorandwm Cydsyniad Deddfwriaethol (PDF 85.6KB) ar y Bil gerbron y Cynulliad Cenedlaethol ar 18 Chwefror 2021.

 

Mae'r Pwyllgor Busnes wedi cyfeirio'r Memorandwm at y Pwyllgor Deddfwriaeth, Cyfiawnder a’r Cyfansoddiad, a bydd angen cyflwyno adroddiad arno erbyn dydd Iau 25 Mawrth 2021. (PDF 59.8KB)

 

Cyhoeddodd y Pwyllgor Deddfwriaeth, Cyfiawnder a’r Cyfansoddiad ei adroddiad (PDF 141KB) ar y Memoranda Cydsyniad Deddfwriaethol ar 24 Mawrth 2021.

Math o fusnes: Cydsyniad Deddfwriaethol

Statws: I'w ystyried

Cyhoeddwyd gyntaf: 18/02/2021